|
تعديل السيارات العــام منتدى تعديل السيارات والاكسسوارات والسانود سيستمCar Tuning - Pimp My CaR!!!!! |
|
أدوات الموضوع |
#1
|
|||
|
|||
تعديل اضاءه عدادات السياره
السلام عليكم
اتمنى ان الجميع بخير انا عارف ان الموضوع مش جديد بس حبيت انى اشارك معاكوا وفى البدايه احب انبه لتوخى الحذر والحرص الشديد فى عمل اى شىء انا عربيتى كيا سيفيا وكان لون التبلوه شبه ميت وعدلت طبعا فيه لاحمر وازرق الموضوع مرهق بس النتيجه جميله وفعلا عاوزه جرءه ووقت ومجهود وحس عالى الوقت اخد منى حوالى 6 ساعات اكتر حاجة قبلتنى كانت مشكله عندى هيا المؤشرات لازم بعد متتفك وتتركب بيكون ليها ظابطه معينه عشان ميبقاش عالى ولا واطى اتفضلوا ديه بعض الصور الى اخذتها اتمنى تعجبكوا وتستفادوا منها ولو حد عاوز اى استفسار يبلغنى بيه بالنسبه للادوات اقلاه فلمستر طخين ومفكات وشويه صبر التكلفه لا تتعدى عشر جنيهات الشرح اولا قبل ازاى وكل حاجة لازم متكنش متردد فى شىء وتسيب كل حاجة على ربنا وتكون اعصابك هاديه لان التوتر مش هيفيدك بشىء بجانب يكون عندك حس فنى شويه الادوات الى هتستخدمها مفكين عادى وصليبه وهتقوم بفك التبلوه وياريت اعرف نوع عريبتك ايه هتجيب اقلام فلمستر طخين خلى بالك فى الى بيتكتب منوا على الصبوره وبيطلع ده لا هات الى مش بيطلع وموس وشويه تنر مش هتفك التبلوه كلوا مجرد انك توصل مسامير العداد والعداد بيكون فى الغالب مثبت باربع مسامير هتقوم بفكهم هتشد العداد لبره براحه وطبعا هيكون فى ورى الفيش والكبلات هتفكهم براحه ممكن يغلبوك شويه بس حاول مش تيقس معاهم وبعد متتم عمليه فى الكبلات هتطلع العداد كلوا وتحاول انك تنفخ بيه عشان التراب طبعا هتلاقى باغ بلاستيك فكها هيكون سهل بكبلسات وتركنا فى مكان امن ممكن يكون عندك تحت الباغ فى فرام محطوط على العدادت بحيث يكون كل عداد فى ائره لوحدوا لو لقيت فيراه هتشيلوا وهوا بيكون مثبت بنفس كلبسات زى الباغه الى شلتها قبل كدا وهيبقى عندك العداد باين والمؤشرات وكل حاجة تمام ممكن يكون ورق العداد مثبت بمسامير ومكن يكون كل عداد ليه وارقه خاصه او العدادات كلها فى ورقه واحده لو لقيت مسامير هتفكها براحه وتركنا برضوا فى مكان امين وتروح للاهم انك تشيل المؤشرات براحه لفوق هتلاقى مقومه صعبه شويه بس حاول انك تشدها بحاجه وتحطها فى مكان امن ملحوظه لو كل عداد ليه وارقه خاصه بيه يبقى تمسك عداد عداد تخلصوا الاول بعد مطلع الورق هيكون فى اتربه انفخ براحه واركن العداد بقى فى مكان بعدي عنك عشان ميتخبطش او يحصلوا اى حاجة نمسك الورق وهنا فنيتك هتيجى فى الالوان الى هتجبها وتلوين المؤشرات حسب ذوقك التلوين بيكون من الخلف تمام بس مش بالساهل كدا بيكون فى طبقه على العداد من ورا لو العداد عندك لونوا اخضر يبقى هتلاقى الطبقه الخلفيه خضرا وهنا هنشيل اللون ده ومكن ميكنش اخضر برضوا هنشيل الطبقه بحيث يكون الارقام والمؤشرات شفافه اننا نكحتها بالموس ممكن تستخدم التنر بس انا افضل الموس متقلقش المنطقه السوده مش بتطلع وهتبدى تجرب الاوان معاك افرض عملت حاجة غلط بالموس كحت اللون تانى عادى وهيطلع واتكل على الله فى الكل هكذا واستحمل شويه وبعد متخلص هتعيد التركيب مره تانيه بالنسبه للمؤشرات يفضل تركبها وبعد كدا افتح كونتاكت هتلاقى مثلا الار بى ام وصل لخمسه هتفقوا براحه وتركبوا تانى وهوا عند الشفر وهكذا للباقى ومتقلقش ده كل الى اقدر اقوله لو فى سؤال بجزئيه معينه اسئلوا فيها واليكم الصور |
#2
|
||||
|
||||
رد: تعديل اضاءه عدادات السياره
مشكور بس ينفع لل128 هههههه
__________________
I do not like driving a fast but I love fly slowly |
#3
|
|||
|
|||
رد: تعديل اضاءه عدادات السياره
لو اضاءه العداد من اخلف يبقى ينفع لو الاضاءه من جوانب العداد
يبنفع برضوا بس هيبقى لون واحد لانك هتيغر اللمض مش هتعدل فى الورق |
#4
|
||||
|
||||
رد: تعديل اضاءه عدادات السياره
شكرااااا
يعني مينفعش اخلي العدادات زي اللى في الصور كده
__________________
I do not like driving a fast but I love fly slowly |
#5
|
|||
|
|||
رد: تعديل اضاءه عدادات السياره
انا عندي عدادات الابيزا بفك الفريم اللي حوليهم و الطقم بنزله لتحت كده بيبقي فيه لمبتين بيتلفوا شمال يمسكوا يتلفوا يمين يتخلعوا هل ممكن الاقي لمبات بالالوان دي يركبوا عندي كده؟
__________________
IBIZA |
|
|