ايه رأيكم في العربيه الابيزا دي ؟؟؟؟؟؟؟؟!!!

[twister_mido]

من يومين شفت عربيه ابيزا موديل 94 موتورها 1300 cc
المهم عشان مطولش عليكم كان معايا سمكري وشاف العربيه حته حته وقالي ان الاساسيات سليمه مفيهاش مشكله و الموتور حالته كويسه -
لسه مرخصها من شهر لمده 3 سنين - سي دي سوني بالسماعات
بس اللي لاحظناه علي العربيه:_
1- الموتور كان فيه صوت تكته فالسمكري قالي دي تاكيهات
2- التابلوه في شقوق من عند الجزء المعرض للشمس
3- الشكل الخارجي محتاج وش نظافه لان العربيه فيها خرابيش من الجانبين
4- كفين المرايات كانو ملزوقين من الضهر بسوليتب
5- الزجاج الامامي فيه شرخين صغيرين من فوق و من تحت وفيه جزء من الكاوتش اللي فوق الزجاج مش موجود
نييجي للسعر هوا كان طالب ف البدايه 28 الف وبعد الكلام نزل لحد 26500
فهل السعر ده مناسب ليها علي ان الاساسيات سليمه ولا ده كتير

[mohamed ibiza]

التكتكه ممكن تكون تاكيهات و ممكن تكون عيب في الموتور و ده يحدده ميكانيكي مش سمكري
التابلوه بيتغير تشتريه استيراد بحاولي 700 جنيه
كفوف المرايات لو مكسورة ممكن تلزقها و خلاص بس لو مش عايز تفك منك في المطبات و الشوارع الجميلة بتاعتنا و تركب حاجة سليمة جوز المرايات ب 220 تقريبا الكفوف مش بتتباع لوحدها
لو العربية مفهاش سمكره جامده و كل اللي محتاجاه وش نضافه يبقي انت بتكلم في ما لا يقل عن 1000 جنيه عشان تخلي شكلها كويس بس
الزجاج الامامي سعره 300 جنيه
الكاوتش ممكن تجيبه بس صعب
دي اسعار الحاجات اللي العربية عايزاها
السعر معقول علي العربية لو الموتور سليم و كفائته كويسه جدا و العفشه و متكونش عامله حوادث و فرشها يكون كويس و الكراسي سليمة قواعدها و البكر بتاعها مش مكسر و تكون glx اللي فيها ازاز كهربا امامي و سنتر هوا الاصلي بتاعها و فوجات يعني معقول لو قدرت تنزل كمان 1000 يبقي احسن لان انت برضه هتغير حاجات بحوالي 2300 جنيه

[كمال....]

[abdullah ali]

لكن يا ا محمد ايه رايك عامه في الابيزا موديل التسعينااات اصل بصراحه نا معايا 30 الف ومستخسر اجيب شاهين او اللكام الفاضي ده

[Elsebily]

علي فكره السعر كتير جدا علي عربيه بالحاله دي المفروض 26500 ده يخليك تركب العربيه وهي مفيهاش مصاريف خالص والابيزا 94 عربيه جميله وقطع غيارها موجوده بس انا فاكر اني لما كنت بفكر اشتريها زمان كان الميكانيكي بيقولي مكنة الابيزا فيها مش فاكر ايه كده كلمه مفهمتهاش يعني كده وكانت حالة العربيه مش عجباني اصلا فعشان كده مهتمتش اعرف موضوع المكنه ده بس بردو اسال علي الموضوع ده وأتاكد منه من اي ميكانيكي جنبك قبل شراء العربيه