|
سكودا skoda اسكودا Škoda بداءت كشركة تشيكية منذ عام 1895 على يد شريكين لورينما وكليمنت وهى حاليا احدى شركات مجموعة فولكس الالمانية من اهم موديلات سكودا اوكتافيا فابيا رومستر |
|
أدوات الموضوع |
#1
|
||||
|
||||
تقرير عن مميزات و عيوب سكودا فيليشيا 1995-1997
هى سيارة محيرة فقد تجد من يقول فيها شعرا و قد تجد من يحذرك منها بشدة و يلعن اليوم الذى قرر فيه شراء هذه السيارة. و ربما يرجع هذا التناقض فى الاراء الى كميه المزايا العديدة التى تتميز بها هذه السيارة و كذلك كميه العيوب الخطيرة الموجودة بالسيارة. و لنبدأ اولا بمميزاتها و لكن قبل ان نبدأ راجع مواصفات الفنية و صور السيارة من الرابط التالى مميزات السيارة سكودا فيليشيا 1995- 1997 1- السيارة اوروبية و بالتحديد تشيكية الصنع و هذا فى حد ذاته ميزة بالنسبة للكثيرين فلايوجد سيارة اوروبية فى هذه الفئة السعرية. 2- صاج قوى جدا و هذا هو المطلوب فى مصر. 3- استهلاك الوقود جيد جدا بالنسبة لوزنها الثقيل نسبيا. 4- ثبات عالى جداز هو شىء نادر فى فئتها السعرية. 5- اسعار قطع غيار معقوله جدا و متوفرة و يوجد منها الصينى و الالمانى و المصرى. 6- ككل السيارات الاوروبية قطع الغيار معمرة جدا بالنسبة للكورى مثلا. 7- عفشة قويه جدا و مناسبة جدا للطرق المصرية الوعرة. 8- المساحة الداخلية كبيرة جدا و لن تجدها فى اى سيارة هاتشباك فى فئتها. 9- سير الكاتينة مصنوع من الحديد و بالتالى معمر جدا رغم انه يتسبب فى خشونة بسيطة فى صوت المحرك. مما سبق نجد انها سيارة اعتمادية جدا موفرة فى استهلاك الوقود و قطع غيار معمرة و ثبات و اتزان نادرا ما يوجد بهذا السعر بالضافة لعفشة قوية و صاج قوى اى انها السيارة المناسبه للطرق المصرية و للمستهلك المصرى, و لكن لماذا يكره البعض هذه السيارة؟؟؟ عيوب السيارة سكودا فيليشيا 1995- 1997 1- السيارة اوروبية الصنع و التصميم ايضا اى انها غير مصممة للعمل فى الاجواء الحارة, و لذلك ترتفع حرارتها بشكل ملحوظ خاصة فى فصل الصيف مما يسبب خطورة على المحرك و خاصة (وش السلندر) و تعتبر هذه المشكلة الوحيدة فى هذه السيارة التى قد تجعل الكثيرين يحذروك من شرائها رغم ان علاجها بسيط جدا يتمثل فى تركيب مروحة 6 ريشة و تغيير الريدياتير ال2 ماسورة باخر 3 ماسورة و البعض يقوم بتغيير الترموستات ايضا باّخر اقل حتى تعمل المروحة عن درجة حرارة 70 بدلا من 90. 2- عكس السيارات الكورى و اليابانى و مثل معظم السيارات الاوروبى تعتبر السكودا فيليشيا بطيئه نسبيا فى التسارع اى ان المحرك كسول نوعا ما و لكن مع استعمال بنزين 92 يتحسن التسارع كثيرا. 3- ارتفاع السيارة عن الارض قليل نوعا ما و لذلك يجب الحذر عند تخطى المطبات العاليه جدا. 4- السيارة خشنة بالنسبة للكورى و اليابانى كما انها غير مجهزة بباور ستيرينج. منقوووووووووول
__________________
|
#2
|
|||
|
|||
رد: تقرير عن مميزات و عيوب سكودا فيليشيا 1995-1997
انا بحب العربيه دى ومقتنع بيها جدا ونفسى اركبلها الموتور ال1600 علشان تبقى مكيفه بس بالنسبه لموضوع التسارع دا لو حطينا بنزين 97 برضه عمره ما هيجى زى الكورى واليابانى بسبب تقل العربيه وصغر قدره الموتور على شد التقل دا المشكله بقا مشكله نفسيه انا ببقى خايف كل يوم من موضوع الحراره دا يعنى انا كل 4 ثوانى لازم ابص على موشر الحراره عربيه حلوه بس خلتنى احط عينى فى وسط راسى الله يرحمك يا يسريه ( عربيتى القديمه 131) |
#3
|
||||
|
||||
رد: تقرير عن مميزات و عيوب سكودا فيليشيا 1995-1997
العربية حلوة فعلا وانا عن نفسي بنصح بيها اي حد بيكون معاه تمنها واحب اضيف كمان علي مميزاتها ان شاسيها خطير بجد محترم جدا ويمكن هوا دا اللي متقل العربية والسخونة فعلا محلولة ببعض التعديلات علي الريداتير والمروحة بعد كده العربية ممتازه
__________________
فى كل شارع فى بلادى صوت الحريه بينادى Ashraf Kerima
|
#4
|
||||
|
||||
رد: تقرير عن مميزات و عيوب سكودا فيليشيا 1995-1997
والله عندك حق في كل ده .. هي بس لو يتسقطلها موتور اكبر هتبقى حكاية ... و هل ممكن طلب تاني بس يبقى بشفافية ههههههه .. عايزين مقارنة بين قطع الغيار بتاع الفليشيا و الاكسيل 1300 هاتشباك مثلا .. الحاجات الاستهلاكية و الاكسسوار و مده كل واحد بالتقريب و عن تجربة ؟!؟!؟!؟!؟!؟!؟!؟!؟
|
|
|