#1
|
|||
|
|||
مساعده بعد نص عمره ل مكنه اكسنت 1500 في التليين
السلام عليكم
انا معايا اكسنت 2000 ... مكنه 1500 كان ف خرطوم مياه اتقطع .... و دي بتحصلي كتييييير قوي و انا ماشي ع الطريق .... بسرعه من 120 - 130 كيلو ف الساعه ع طريق بورسعيد الاسماعليه و فجا العربيه بطلت .... المهم طلع ان المياه كلهت وقعت و المكنه ضربت وش سلندر الحمد لله عملت نص عمره .... كلفتني مواد خام حوالي 480 جنيه .... و مصنعيه 200 .... و زيت 100 .......... المهم دلوقتي ف التليين ..... الميكانيكي قالي ... احرق صفيحه و انت واقف الاول و بعد كده امشي الصفيحه التانيه ع سرعه 20-40 كيلو لمده 1000 كيلووو .... و اروحلو يربط ع المكنه و نغير زيت و فلتر ... و بعد كده امشي براحتي ... المهم دلوقتي ده اول يوم للتليين .... هوه كان مشغلها من العصر لحد مروحتلو انا خدتها منو ع الساعه 5 و نص كده و فضلت دايره لحد 6 و نص ....... لما ركنتها قدام البيت .... شديتها طبعا ................... روحت اجيب جركن بنزين للصفيحه التانيه يكون معايا .... و رجعت اشغلها تاني ..... اشتغلت ..... روحت مشوار ربع ساعه بالظبط !!!! .... رجعت و جه ف بالي اني ازود المياه ف العربيه ......... بفتح غطا الردياتير و هيا دايره ..... انفجر ف وشي و المياه طالعه بتغلي ...... قولت يمكن سخنه .... برغم اني بسمع ان الردياتير لو اتفتح و العربيه دايره ... عااااااادي .... بس اهو طلع معايا مش عادي المهم و هيا لسه دايره .... زودت مياه الردياتير ..... و قفلت الغطاء ... مفيش دقيقتين .... و فكرت اني افتح الغطاء تاني ... بفكر يعني اني كده بساعد ع التبريد .... جيت افتحه انفجر تااااني بالمياه المغليه ..... و سمعت صوت المكنه زي متكون بتكركر او بتنتش و عاوزه تفصل .... بطلتها و مشغلتهاش تاني ......... فيدوووووووووني ارجووووووووكم ...... مش ناقص مصاريف |
#2
|
||||
|
||||
رد: مساعده بعد نص عمره ل مكنه اكسنت 1500 في التليين
هي مشكلة غريبة أوي إن يحصل معاك كدة و خصوصا بعد العمرة
شيء غير متوقع عموما أنا متابع معاك و هسال حد أعرفه يقدر يساعدنا في المشكلة دي و إن شاء الله خير
__________________
|
#3
|
||||
|
||||
رد: مساعده بعد نص عمره ل مكنه اكسنت 1500 في التليين
العبرة بعداد الحرارة
والمكنة لخبطت لما فتحت الردياتير لان اكيد فى مياه طرطشت على اسلاك البوجيهات او البوجيهات عادى ان العربية وهى بتليين ان درجة الحرارة تكون اعلى من المعتاد دة كمان ساعات بتبطل لوحدها وهى بتليين المهم تاخد بالك من مؤشر الحرارة وان المراوح شغالة وخلى الكبوت مفتوح على طول
__________________
يااااااااااااا رب إرحمنا بقدرتك علينا |
#4
|
|||
|
|||
رد: مساعده بعد نص عمره ل مكنه اكسنت 1500 في التليين
|
#5
|
|||
|
|||
رد: مساعده بعد نص عمره ل مكنه اكسنت 1500 في التليين
ﻣﺘﺎﻳﻊ ﻟﺮﺩﻭﺩﻛﻢ ﻳﺎ ﺭﺟﺎﻟﻪ ...... ﺩﻩ ﺗﺎﻧﻲ ﻳﻮﻡ ﺗﻠﻴﻴﻦ .... ﺷﻐﻠﺖ
ﺍﻟﻌﺮﺑﻴﻪ ﺳﺎﻋﻪ ﺍﻟﻤﻐﺮﺏ ﻭ ﺑﺪﺍﺕ ﺗﺎﻧﻲ ﺍﻟﺴﺎﻋﻪ ﺍﻟﺜﺎﻧﻴﻪ ﻋﺸﺮ ﺍﻻ ﺗﻠﺖ .... ﺑﻘﺎﻟﻲ ﺳﺎﻋﻪ ﺍﻫﻮ ﻳﻌﻨﻲ .... ﻫﻴﺎ ﺑﺘﻄﻠﻊ ﺻﻮﺕ ﻋﺎﻟﻲ ﺑﺲ ﻑ ﺍﻻﻭﻝ .... ﻛﺎﻧﻪ ﺻﻮﺕ ﺟﺮﺍﺭ ... ﺑﺲ ﺑﻴﻬﺪﺍ ﻉ ﻃﻮﻝ .... ﻭ ﺍﻟﻤﺮﻩ ﺩﻱ ﺯﻭﺩﺕ ﺍﻟﻤﺎﻳﻪ ﻣﻦ ﺍﻟﻘﺮﺑﻪ |
|
|