|
مكافحة سرقة السيارات موضوعات حماية السيارات من السرقة و للاعلان عن سيارات مفقودة ( مسروقة ) |
|
أدوات الموضوع |
#1
|
||||
|
||||
عمليه نصب فى شراء سياره (للتحذير)
السلام عليكم ورحمه الله وبركاته
الموضوع ده حصل من فتره وحبيت اكتبه وما شجعنى بعد طرح موضوع السيراتو اللى اتسرقت وصاحبها سرقها تانى لانى وجدت ان فيه افاده وتحذير للمتابع لاننا كلنا معرضون لهذه الطريقه فى التعامل الموضوع حصل من فتره وستلاحظون السعر المطلوب والمعروض وذكرت هذا لانى متوقع ان اجد من يقول لى ايه السعر ده واشياء من هذا القبيل الموضوع حدث مع صديق لى فى سوق سيارات القاهره كان نازل ومعاه ميكانيكى وصديق آخر ليشتروا عربيه وبعد لف وتفحيص وجدوا عربيه ريتموا تحفه عتب ونواكل وفاميه وشكلها جديده ومجدده وصالونها رائع وكماليات ووجدوا البائع شاب لابس كويس ولابس سلسله جنزير دهب وكلامه واضح انه ابن ناس] اتفرجوا على العربيه وعجبتهم جدا بس الملحوظه الوحيده ان لونها الخارجى اسود والداخلى ازرق قال لهم ان اللون مثبوت على الرخصه وهو عامل كده لمذاجه علشان النواكل والفاميه بس العربيه سليمه] طلباتك فى العربيه يا استاذ قال لهم انا عايز 22 الف جنيه طبعا اعترضوا على السعر وقالوا كتير المهم كان اخرهم 18 الف جنيه ركزوا بقى مع الحته دى === قال لهم انا مش موافق بس انتظروا لاخر السوق ولو ماجابت السعر اللى انا طالبه مضطر ابيع لكم لانى مسافر كمان اسبوع خارج مصر ولازم ابيع العربيه وشرطى انى اسجل لكم كمان علشان انسى العربيه واخدوا ارقام الموبيلات وصديقى وقف بعيد هو واللى معاه يدعوا ان ما حد يجى ويخلص العربيه على 22 الف وتطير العربيه منهم لانها كانت تستاهل المهم آخر السوق وتقريبا الساعه 6 مساء الباشا اتصل عليه طبعا صديقى طار من الفرح ومردش لانه كان واقف مراقبه وطيران عليه] قال لصديقى انت بن حلال والعربيه هتكون من نصيبك لانى لازم ابيع وصديقى يقول له اهم شىء تكون مبارك وطبعا التانى يقول له 4 الاف مش هتفرق معايا انا مبارك ياسيدى ومن غير فلوس والذى منه المهم طلع الرخصه والبطاقه وكان معاه عقدين ابيض وشهاده مخالفات طبعا كل ده مضروب وقال لهم الساعه 6 دلوقت والشهر العقارى خلاص قفل هنعمل عقدين وخدوا العربيه ومش مهم الفلوس كمان (طبعا ايه الكرم ده والامان ده)] المهم صديقى طبعا عمل 100 ناصح فى بعض وقال لا انا هدفع 15 الف وبكره مع التسجيل هدفع الثلاثه الباقيين المهم التانى ضحك وقال له ممش مهم الفلوس النهارده وهاتوهم كلهم بكره المهم كتبوا العقود ودفعوا ال15 الف وصاحب العربيه يرمى لهم الفوس ويحلف ياخدوا العربيه ويجيبوا الفولس كلها مع بعضها ياسلام على الناس الكويسه ده كلام صديقى واللى معاه ايه الراجل الكريم ده المهم مشوا بالعربيه ودفعوا 15 الف والاتفاق تانى يم الصبح هيتقابلوا ويروحوا الشهر العقارى للتسجيل وطبعا صديقى جاء لنا المحله وكلنا اتفرجنا على العربيه وطبعا العربيه كانت روعه كحاله وسعر وكمان وتانى يوم الصبح شدوا الرحال على القاهره وشوفوا النصيب وهما مسافرين بالعربيه كمين يوقفهم علشان النواكل والفاميه ونزلوا يتحايلوا على الظابط وفهموه انهم رايحين يسجلوا المهم ما اطول عليكم دفعوا الغرامه وماشيين فراحانين جدا (ياريته الظابط كان اخدها منهم) المهم صاحب السياره النصاب كلمهم بالموبيل وقال لهم هبنتظرهم فى عبود ووصلوا له طبعا اول ماقابلهم بوس واحضان ومقابله رائعه قال لهم اسوق انا العربيه لانكم ما تعرفوا الطريق طبيعى جدا ركب العربيه وسئلهم على ال3 الاف جنيه قالوا فى الطابلوه قال لهم خليهم فى الطابلوه وفعلا وصلوا للشهر العقارى صديقى بيطلع الفلوس من الطابلوه قال له لا خليهم ياباشا عادى سيبهم مهو انا هرجع معاكم ومش هاخدهم الا لما توصلونى وركن ونزل من العربيه السايس رايح عليهم الباشا دفع له خمسه جنيه وقال له روق العربيه طبعا صباح الفل ياباشا نهارك عسل] وطلعوا الشهر العقارى وهما داخلين المكتب مسك بطنه وقال لهم القولون تاعبنى جدا مش قادروبسرعه اداهم الموبايل وقال له اصل النغمه دعاء وما اقدر ادخل بيها دوره المياه والباشا دخل الحمام وصديقى واللى معاه انتظرو كتير اوى قالوا لبعض اكيد حصل له حاجه دخلوا ناحيه ماهو دخل وجدوا ان فيه باب تانى والباشا بلغ فرار نزلوا جرى على تحت مالقوش العربيه طبعا صياح والعربيه اتسرقت وفى ثوانى لقوا نا لابسه ملكى من الشرطه جريوا عليهم فيه ايه حكوا له الموقف والسايس جه بيكلموه قال لهم واحد نازل من العربيه قدامكم واعطانى خمسه جنيه وقال روق العربيه ونزل لوحد فتح عربيته بالريموت وركبها ومشى هعمل له ايه وطبعا بعد كده محضر والذى منه ولم يتوصلوا لصاحب العربيه واكتشفوا ان البيانات للبطاقه والرخصه والنمر تخص سياره ثانيه خالص وبلغ بسرقتها واسم صاحب البطاقه ورقمها وهمى( للعلم صديقى ده وجد الموبيل بدون شريحه اصلا بس بصراحه هو اشترى الموبيل ومفاتيح العربيه ب18000 الف جنيه اغلى موبيل فى مصر) انا قلت احكى لكم القصه للتحذير من هذه الطريقه الجديده للنصب ربنا يبعد عنكم عديمى الضمير والنصابين] التعديل الأخير تم بواسطة طارق عبد السلام ; 30-11-2012 الساعة 08:16 PM |
#2
|
||||
|
||||
رد: عمليه نصب فى شراء سياره (للتحذير)
لا حول و لا قوة الا بالله
دى قصة يا ا/طارق تنفع تتعمل فيلم حسبى الله و تعم الوكيل فى كل نصاب و حرامى مش ممكن ده مخرج و مؤلف و نصاب وحلبنتيش كله فى آآآن واحد لا اله الا الله الناس دى مخها ايه و بتعمل كده ازاى انا لو فى الموقف ده استحالة اشك لحظة انه نصاب شكرا على التنبيه
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم |
#3
|
||||
|
||||
رد: عمليه نصب فى شراء سياره (للتحذير)
النصابين عندهم ذكاء خارق لكن موجه للشر الضابط فى قسم البوليس كان بيضرب كف بكف ويقول وصلنا لكده وبالطريقه دى شغل شيطانى (ده ابليس يدرس الموضوع ده للشياطين الصغننين:w6w2005041113562 663) |
#4
|
|||
|
|||
رد: عمليه نصب فى شراء سياره (للتحذير)
انا لله وانا اليه راجعون
وجزاكم الله خيرا
__________________
لا اله الا انت سبحانك انى كنت من الظالمين اللهم ردنا الى دينك ردا جميلا تباركت ربنا وتعاليت
|
#5
|
|||
|
|||
رد: عمليه نصب فى شراء سياره (للتحذير)
جزاك الله خيراً
ووقانا الله جميعاً شر النصب و النصابين |
|
|