أهمية فرامل ABS

[Mr.NoLoVe]

المشاركة الأصلية كتبت بواسطة memoo5000 ال ABS مهم جدا لو انت بتجرى بسرعة علشان لما بتفرمل بيعمل زى الكلبش و يمسك العربية علشان يقلل المسافة اللى تزحف فيها بعد الفرملة

شكلك متعرفش يعنى ايه abs ااقرى شويه عنه بعد كده اتكلم

اللى ميعرفش يقول هجس

[abdulkhaleq]

ال ABS ملوش علاقه بالمطر والأرض الناشفه
مع احترامي لكل الاخوه اللي اتمنى ان غرضهم المساعده برضوا
العربيات القديمه اللي مافيهاش النظام ده لو فرملت فجأه العجل بيقفش ولو حاولت تكسر يمين أو شمال العربيه مش هتنحرف وهتفضل straight وهتلبس في اللي قدامك
ال ABS بيعمل ايه ؟
بيرسل الفرمله على شكل نبضات متتاليه سريعه جدا
فلو لا قدر الله ظهر عائق قدامك فجأه ودوست فرامل على الاخر هتعرف تتفاداه وهتقدر تتحكم في العربيه
يعني مابيخلليش العجل يقفش
طبعا دي مش قصة ارض مبلوله ولا ارض ناشفه اطلاقا
وانصح الاخوه وانصح نفسي قبل اي حد
من قال لا أعلم فقد أفتى

[pointer]

المشاركة الأصلية كتبت بواسطة abdulkhaleq ال ABS ملوش علاقه بالمطر والأرض الناشفه مع احترامي لكل الاخوه اللي اتمنى ان غرضهم المساعده برضوا العربيات القديمه اللي مافيهاش النظام ده لو فرملت فجأه العجل بيقفش ولو حاولت تكسر يمين أو شمال العربيه مش هتنحرف وهتفضل straight وهتلبس في اللي قدامك ال ABS بيعمل ايه ؟ بيرسل الفرمله على شكل نبضات متتاليه سريعه جدا فلو لا قدر الله ظهر عائق قدامك فجأه ودوست فرامل على الاخر هتعرف تتفاداه وهتقدر تتحكم في العربيه يعني مابيخلليش العجل يقفش طبعا دي مش قصة ارض مبلوله ولا ارض ناشفه اطلاقا وانصح الاخوه وانصح نفسي قبل اي حد من قال لا أعلم فقد أفتى

كلامك صح وده اللي قلته
و اظن ان حضرتك تقصد ان النظام شغال سواء فيه مطر او لأ و ان كان دوره بيبان غي المطر او لأ رلاحسن الناس تفهم غلط
شكرا لك