أهمية فرامل ABS
 

السلام عليكم

ما هى اهمية الABS ؟

معروض عليا عربيتين النترا 2012، واحدة كاملة فيها كل حاجة (أير باج و تكييف تاتش و جنوط 16 و فتحة سقف و نيكل و حساس مطر و...) ماعدا ال ABS بس علشان خليجى سعودى فيها ديسكات أمامية و خلفية للفرامل
و التانية مش كاملة بس فيها اير باج و ABS.

مش عارف أختار ايه ؟ خصوصا ان الاولى شكلها أجمد علشان الفينيش و الاوبشن اللى فيها.

أرجو المساعدة علشان لازم أخد قرار النهاردة .. شكراً

رد: أهمية فرامل ABS
 

اختار الاولى طبعا ..

الـ ABS مهم طبعا بس مش لدرجه انك تتنازل عن كل الاوبشنز دى علشانه ...

رد: أهمية فرامل ABS
 

ال abs مهم لدول الممطره وبلاد الثليج لكن انت فى مصر هما كام يوم فيهم مطر وشكرا

ومن ضمن عيوب ال abs انه بيطول مسافه الوقوف

رد: أهمية فرامل ABS
 

الاولى طبعا. انت لو سواقتك عادية يعنى مش سرعات وحركات يبىق مش هتحس خلاص بوجود Abs. أنا عندى فى العربية ABS ولا مرة حسيت ان فى فرق عن العربية العادية. الABS هى شئ زى الوسادة الهوائية اللتى بتطلع فقط أثناء الأصطدام.

رد: أهمية فرامل ABS
 

انا مش بحس بيه الا في الشتا لما التلج ينزل

وفي الصيف مش بيشتغل علشان الاسفلت ناشف