|
#1
12-08-2012, 08:07 AM
|
||||
|
||||
حملة ترشيد الكهرباء
على فكرة قبل ما الناس تعلق على المنشور ( انا لست انتمى لاى حزب اوجماعه ) الكلام دة سنه عن الرسول عَنْ عَمْرِو بْنِ شُعَيْبٍ عَنْ أَبِيهِ عَنْ جَدِّهِ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: « كُلْ وَاشْرَبْ، وَالْبَسْ وَتَصَدَّقْ، فِي غَيْرِ سَرَفٍ وَلَا مَخِيلَةٍ »1 رَوَاهُ أَحْمَدُ وَأَبُو دَاوُدَ وَعَلَّقَهُ الْبُخَارِيُّ. ------------------------------------ السلطات في اليابان اوصت المواطنين بارتداء الملابس الخفيفة ترشيداً لاستهلاك الكهرباء.. تلاقى الشعب كله يسقف في مشهد درامي للعقلية اليابانية. جمال عبد الناصر يدعوا جموع الشعب المصري لشرب كوب شاي واحد يومياً بدلاً من ثلاثة، و ذلك لخفض النفقات و التوفير.. تلاقى الشعب كله بكاء حار و تهليل و صيحات المعجبين بوطنية عبد الناصر و قوميته.. هشام قنديل يدعوا المواطنين الذين يمتلكون7 او 8 اجهزة تكييف ( ابناء الطبقة المستريحة ) ان يستخدموا واحداً فقط ترشيداً للاستهلاك... ياخد تريقة و شتيمة و اتهام بالجهل و التخلف! ========================= = حملة ((هنبطل نتريق على وزارة الكهرباء وهنساعدهم بجد)) أولى حملاتنا لتوفير الكهرباء نطلقها اليوم حملتنا بتقول إيه: هنبطل إننا نتريق على وزارة الكهرباء وهنساعدهم بجد على أرض الواقع وهي كالتالي: . 1- هنغير 3 لمبات في المنزل من العادية إلى الموفرة أو النيون هتدفعلك 10 جنيه للمبة الواحدة تقريباً يعني إذا غيرت 3 لمبات مثلاً في سبيل هتوفر لنفسك كهرباء شهرياً يعني فاتورتك هتقل وكمان هتوفر احتياطي من الوقود المستخدم لتشغيل الكهرباء للدولة.  2- مش هنسيب حجرة مفتوح فيها لمبة أو مروحة من غير استخدام حتى ولو لمدة دقيقة.. وانت خارج من الحجرة دوس على مفتاح اللمبة أو المروحة اقفلها ومتكسلش هتفرق كتيييير جداً إذا كل واحد فينا نفذ الكلام ده. 3- أصعب حملة فعلاً هي ده وهي مدتها نصف ساعة فقط ولكنها يومياً هنعمل إيه فيها: هنطفي جميع أنوار المنزل ماعدا حجرة واحدة بس هتعد انت وعيلتك فيها زي عادل إمام ما كان بيقول سايبين الشقة كلها وقاعدين في أوضة واحدة.. المهم هيكون في الأوضة ده لمبة ومروحة او تكييف واحد وهتطفي كل شيء في المنزل ماعدا الثلاجة طبعاً عشان الأكل ميبظش وترجع تدعي علينا. يعني أكن النور قطع ولكن مروحتك شغالة ولمبتك شغالة بمزاجك يا معلم ومحدش قاطع عليك النور.. أوكي أساحبي ولا إيه. عايزين مصر كلها تنفذ هذه الحملة لكي تحقق هدفها بإذن الله --------------------------------------------------------------------- وياريت ياشباب الى عنده حلول اخرى لترشيد استهلاك الكهرباء او المياه يفيدنا بيها
__________________
 التعديل الأخير تم بواسطة محمد صالح - المحامى ; 12-08-2012 الساعة 08:22 AM 
|
|
#2
12-08-2012, 08:40 AM
|
||||
|
||||
|
رد: حملة ترشيد الكهرباء
بارك الله فيك
__________________
اشهد ان لا اله الا الله واشهد ان سيدنا محمد رسول الله  إتحاد الأطباء العرب بخمسة جنيه انقذ اخوتنا السوريين بالتبرع برسالة فاضية على رقم 9596 انشرها تؤجر
|
|
#3
12-08-2012, 09:40 AM
|
||||
|
||||
|
رد: حملة ترشيد الكهرباء
ياأخى والله ما بأتريق ولا حاجه بس كلام السيد رئيس الوزراء مستفز لأنه بيكلم ناس مبيتقطعش عنها النور وفوجئت أنا اللى عندى شقه أوضتين وصاله وبينقطع عنهم النور فى الجو الحر ده لمده تصل إلى 18 ساعه فى اليوم مماتسبب فى تلف الأكل المحفوظ فى التلاجه حتى الفول المدمس باظ وعند جماعه معرفه الأنسولين اللى فى التلاجه باظ فوجئت إنى مطلوب منى أعمل اللى قال عليه السيدرئيس الوزراء - أعمله إمتى - لإنى ساعة مابييجى النور بأشغل التلاجه على درجه عاليه علشان تلحق تسقع الحاجه اللى فكت وأجرى أحوش ميه لما تطلع لإن إنقطاع الكهرباء لفتره طويله يتبعه الحرمان من الميه لفتره أطول وألحق أستحمى وأتوضا والاقى نفسى مطالب بإنى أرشد ياأستاذى الفاضل معظم الغلابه فى الشعب ده واللى إتضح إن السيد رئيس الوزراء ميعرفهمش بيرشدوا غصب عنهم وياريت سيادته يوجه كلامه للى مش بينقطع عنهم النور مش جاى تقول لواحد عنده مروحه واحده بياخدها معاه لما بيتنقل من الأوضه للصاله وبيتخانق هو ومراته عليها لما بتكون بتطبخ وعايزاها فى المطبخ - آسف جداً لما المسئولين بتوعنا يحسوا بينا نبقى نسمع كلامهم
|
|
#4
12-08-2012, 09:49 AM
|
||||
|
||||
|
رد: حملة ترشيد الكهرباء
متخفش ياباشا ... احنا مش هنطفي النور ولا حاجة .. الحكومة هيا اللي بتطفي النور لوحديها ... دي حاجة مستفزة والله ... نور وميه وكل حاجة قاطعة .. والله عندينا الميه بتقطع كل يوم ..اه والله كل يوم وقبل المغرب كمان ... والكهربا كمان ... ومعقولة الحكومة بجلالة قدرها مش عارفة تحل الموضوع ؟؟ ... لا بقا وتحله ازاي ؟؟ انها تقول للمواطنين اطفي الكهرباء في بيتك .. دا حكومة النظام السابق مكنتش بتعمل كده .. وثانيا فسرلي ان النور بتاع الاعمدة الكهربائية بيبقا منور في النهار .. اه والله بيبقا منور في النهار ولو مش متاكد انا مستعد لرفعلك صور تثبت الكلام دا ..... حسبي الله ونعم الوكيل
|
|
#5
12-08-2012, 06:27 PM
|
||||
|
||||
|
رد: حملة ترشيد الكهرباء
يا جماعه لا ننكر وجود فساد فى وزارة الكهرباء
-------------------------------------------------- ولكن احنا بنعمل الى علينا قدام المولى عز وجل يعنى احنا مش هنخسر حاجة لو اتبعنا سنه الرسول اما بالنسبة للفساد ان شاء الله تدريجيها سوف تتطهر كل مؤسسات الدوله ------------------------------------------------------------- بيتهئلى ان احنا معظمنا مرشد الاستهلاك بتاعه طبيعى انا كلامى كان موجه للمبزرين - لانى اعرف ناس معندهاش احساس وربنا مديهم فلوس مش عارفين يعملوا بيها ايه انما الى يعرف قيمه الحاجة هو الى هيرشد من غير ما حد ينصحه
__________________
|
 |
|
|
وياريت ياشباب الى عنده حلول اخرى لترشيد استهلاك الكهرباء او المياه يفيدنا بيها
