خلي بالك وماتركبش حد معاك...!!!

[dr.death]

السلام عليكم ورحمة الله وبركاته علي اخواتي اعضاء المنتدي الكرام

حبيت اعمل الموضوع ده علشان الناس تاخد بالها كويس جدا ومتنخدعش في المظاهر ولا تاخدها العواطف.

حط في دماغك دايما سلامتي وسلامة عربيتي وسلامة فلوسي أولي من أي شيء

متلاقيش حد مشغلك انتظار علي جنب طريق سريع ولا حتي مش سريع وبيشاورلك عايزك تقفله .. ياسلام هو مش ببساطة شديدة الراجل ده ممكن يكون مخبي سلاح سكين مطواه معاه ناس مستخبين جوه العربية مستنين الفريسة تشبك علشان يجهزو عليها .... كبر دماغك ومتفكرش فيه

تكون تايه وبتسأل علي طريقك تلاقي واحد يقولك انا رايح هناك خدني معاك قوله انا بقي مش رايح هناك انا بسأل علشان اعدي علي المكان ده بكره واوعي تخليه يفتح باب عربيتك او يطول معاك في الكلام

تلاقي واحد راكبلك متوسيكل ويجي قدامك ولا جنبك بيشاكلك ويقولك كسرت عليا ومتبصش في المرايا والكلام ده.... اقفل ازازك وطير ولو شوفته تاني اهرسه علي الاسفلت زي الصرصار ... ده بيبقي حرامي بلطجي بيجر شكلك او يلهيك علشان يسرقك موبايل محفظة علي التابلوه .. والله أعلم

تلاقي واحد يجي جنبيك ويخبطلك علي الازاز ويقولك العجلة الورانية علي الارض و انت ماشي ازاي كدة والحق بتاع الكاوتش الشارع الجاي ... شاورله وقله شكرا وامشي علي مهلك العجلة حته لو مفيهاش بوق هوا هتوصلك لحته امان تبص عليها او تخش اقرب بنزينه ماتمشيش ورا كلام واحد


واحد يتعمد انه يخبط في اكصدام او فانوس ميكروباص ولا تكوتوك ولا تاكس ويقولك ياباشا تعالي انا هعملهالك ولا كأن حاجة حصلت .... اوعي تروح معاه الا لو كنت من المنطقة وانت اللي تاخده معاك للصنايعية اللي تعرفهم.. سهل أوي يدخلك حته مش تخرج منها تاني لا انت ولا عربيتك ..


عموما انت لما تحس ان في حاجة مش طبيعية خد مبدا السلامة والامان زي لعيبه الكورة وطلعها بره في الاوت يعني خد نفسك وعربيتك ومتقفش لحد وربنا يسترها علي الجميع

[shooter22522]

جزاك الله خيرا

[eaglenest]

جزاك الله خيرا .. ولو انها متأخرة

وعلى رأي عادل امام ... غطوني وصوتوا غطونوي وصوتوا ماكرينا ماكرينا

[tamer.koko]

: Wkiss5:

[ابوشروق]

جزاك الله خير
بس ايه ده عمر بلادنا ما كانت كده
دى بقة غابه القوى فيها يأكل الضعيف
يارب أصلح حال البلد