|
#1
17-07-2012, 02:51 PM
|
||||
|
||||
تخيل لو بكرة 30 رمضان
مين اللي بيخبط ؟ معقول رمضان جه ؟ ،،، ،،، ،،، ، معقول رمضان خلص ؟ والعيد بكرة ؟ هو دة رمضان يا تلحق نفسك يا ... تلحقها !!! قال صلي الله عليه وسلم (كل الناس يغدوفبائع نفسه فمعتقها أو موبقها السبق هيبتدي قال تعالي(وسارعو الي مغفرة من ربكم وجنة عرضها السماوات والارض اعدت للمتقين شفت ربنا قال اية قال وسارعوا  في الخير متزهقش مترجعش لورا شد الطاقة لاخرها لما بتكتب حاجه او بتعمل مشروع مش بتشرب مشروب الطاقة وقهوة وشاي برضة اعتبر رمضان مشروع بس خد بالك انت هنا بتتاجر مع مين ؟ مش مع بشر لا مع رب البشر اية يعني شهر في 12 شهر تشد علي نفسك شوية في شهر منهم ، دول 30 يوم يعني اربع اسابيع من الاسبوع اللي هو ييجي يوم السبت تلاقي الجمعة وراه والسبت اللي بعده جه  ولا انت عايز الجنة بدون تعب ام حسبتم ان تدخلو الجنة ولما يعلم اله المجاهدين منكم ويعلم الصابرين ايوة بس انا عندي شغل عندي مذاكرة بص من الاخر الحاجه اللي مش مهمة ملهاش لازمة في الشهر دة ولو حاجه مهمة ربنا هيعين عارف باية استعن بالله ولا تعجز امشي خطوة بس وربنا هيكمل ال99 يشوفك بس ناوي وبتحاول وهتشوف الفتوحات بعدها هتبقي ازاي طب انا مختمتش الشهر اللي فات واية يعني اختم الشهر دة طب انا ختمت مرتين يبقي ان شاء الله المرة دي 4 طب انا مش بركز في الصلاة  بس انا عملت معاصي كتير وذنوب كتير هاصلح اية ولا اية متسمعش كلام نفسك النفس امارة بالسوء دة هوي النفس  هقولك حاجتين كل ما نفسك تقولك حاجه متسمعلهاش اعتبرها كالطفل الصغير سايسها واضغط علي نفسك شوية شوية اكيد هتوصل لان النفس دايما عايزاك ترتاح والدنيا دار كد وتعب  الحاجة التانية هقولك فين حسن الظن بالله مش ربنا الكريم العظيم الذي لا تضيع عنده الاعمال  لا بس انا غلطان وبسرق وبكذب وبشتم وكل حاجه غلط انت غلط انت بشر لكن ربنا عفو غفور اسمه الغفار بصيغة المبالغة اي كثير الغفران هو مش ربنا اللي غفر لقاتل المائة قال الله عز وجل :اذنب عبدي ذنبا فعلم ان له ربا يغفر الذنب ويأخذ بالذنب ثم عآآد العبد فأذنب فقال إي ربي اغفرلي ذنبي فقال الله عز وجل : اذنب عبدي ذنبآ فعلم أن له ربـآ يغفر الذنب ويأخذ بالذنب ثم عآآد العبد فأذنب فقال يا ربي اغفرلي ذنبي فقال الله عز وجل : اذنب عبدي ذنبآ فعلم أن له ربـآ يغفر الذنب ويأخذ بالذنب فليفعل عبدي ماشاء فقد غفرت له (يا ابن آدم إنك ما دعوتني ورجوتني غفرت لك على ما كان فيك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة) اية دة معقول دة ربنا نفسه تعمل اي حاجة عشان يغفر لك دة بأبسط حاجة ربنا بيغفر حتي شوف  الحق الفرصة جتلك متخليش نفسك من اللي ربنا قال فيهم ويحسبون انما نملي لهم خيرا لانفسهم، انما نملي لهم ليزدادو اثما بلاش تكون مستدرج وربنا يمهلك ويديلك الفرص وانت تضيعها واحدة ورا التانية لحد ما فجأة ..... 30 يوم كل يوم 24 ساعة كل ساعة 60 دقيقة لو في الشغل دايما معاك سبحة او في خاتم عداد مع ان التسبيح بالاصابع افضل لكن لو بتنسي يبقي السبحة تذكرة ليك عشان متنساش مصحف صغير هتقول مش مركز مش مشكلة اقرا دلوقتي بدون تركيز لما ربنا يشوفك بتتعب هيبعتلك التركيز اصل العبادة دي رزق زي ما بتقوم الصبح تسعي عشان الرزق برضة اسعي عشان ربنا يرفعك لازم يبقي لك خطة للمشروع عشان هيتسلم بعد 30 يوم   الصحابة كانو بيستعدو لرمضان 6 شهور ويحصدو استعدادهم في رمضان .... يعني اية ؟ يعني انا كدة رمضان راح ؟ لا مراحش انوي النوايا لله واستعن بدعاء اللهم اعني علي ذكرك وشكرك وحسن عبادتك دة الفاتحة اللي انت بتقراها في اليوم 5 مرات بتقول اياك نعبد واياك نستعين استعين بيه عشان تعبده وتطيعه وخليك عارف انك لازم تخرج من رمضان دة بحاجه معاك علطول لو مش مواظب علي الصلاة يبقي تواظب ,,,, مش بتصلي الفجر تصليه مش بتقرا قران تتعود مش بتخشع في الصلاة ايوة بس انا عندي مشاكل كتير ومش فايق بصراحة لاي حاجه مش العبادة بس مهموم ؟ متضايق مش اللي مضايقك دة بايد ربنا انت متخيل ان ربنا خلقنا يعذبنا في الدينا لا انما هو تمحيص واختبار لكن ربنا بيحبك دة اسمه الودود يعني يتقرب اليك ويتودد لك متخيل ؟ طب امال اية الضيقة اللي انا فيها دي ؟ دة عشان ترجع بس ليه وترفع ايدك وتقول يا رب لو كنت نسيته بيفكرك ولو فاكره بيعليك طب هقولك حاجه هل تتخيل ان ممكن الابتلاء دة تتحسد عليه ؟ اه ممكن اتحسد ؟ ايوة تتحسد ،،، طب ازاي ؟ يوم القيامة لما الناس تشوف ثواب ابتلاءك وما اعد لك في الجنة هيقولو يا ريتنا كنا زيه يبقي قاوم الهم بالذكر وحسن التوكل وولي ربنا امرك كله اليس هو القائل الا بذكر الله تطمئن القلوب بس هقولك حاجه متذكرش وانت بتجرب يعني اما اشوف كدة الذكر هيجيب نتيجة ولا لا معلش كدة مينفعش لازم تذكر و تدعي وانت موقن بالاجابة خلي شعارك رمضان دة وعجلت اليك ربي لترضي ومتنساش قبل كل دة النية  واخيرا وليس اخرا تذكر اخواننا في سوريا   وفي بورما يحرق المسلمون احياء الاطفال قبل الكبار   اللهم ارزقنا الاخلاص والتقي والرضا والعفاف والغني وادعو لنا جميعا ان يبلغنا الله ليلة القدر ويعيننا علي صيام الشهر وان كنت اخطأت في حق أحد فليسامحني فالعفو من شيم الكرام 
__________________
 بسم الله الرحمن الرحيم
وما كان ربك نسيا صدق الله العظيم التعديل الأخير تم بواسطة د.هبه77 ; 17-07-2012 الساعة 02:58 PM 
|
|
#3
17-07-2012, 03:07 PM
|
||||
|
||||
|
رد: تخيل لو بكرة 30 رمضان
بارك الله فيكى يا دكتورة وجعله فى صالح أعمالك وكل عام وحضرتك بألف خير
__________________
م . نبيل عبد الرحمن مصر موتورز الإسكندرية
|
|
#4
17-07-2012, 04:48 PM
|
||||
|
||||
|
رد: تخيل لو بكرة 30 رمضان
جزاك الله خيرا
__________________
د / محمد إن الله لا يصلح عمل المفسدين
|
|
#5
17-07-2012, 04:58 PM
|
|||
|
|||
|
رد: تخيل لو بكرة 30 رمضان
جزاءك الله كل خير
|
 |
|
|
