بعد اللى شوفته النهارده اشك انه ممكن ينجح فى مصر اى حل للمرور

[ash_rsi]

النهارده الصبح وانا فى ميدان حلميه الزيتون ومتجه الى سراى القبه لقيت الميدان على بعضه والعربيات واقفه على بعضها فى كل الاتجاهات استغربت نظرا لانى عارف ان كل يوم على الاقل فى 2 امناء شرطه يبقوا موجودين غير العساكر ومن فتره كبيره ماشوفتش الميدان كده
قعدت ادور وانا مستغرب انى مش شايف لا امين شرطه ولا عسكر وفجاه لقيت عربيه كارو محمله خيار وطماطم واقفه جنب مطعم فول وامناء الشرطه والعساكر واقفين ( والله العظيم ثلاثه ) بينقوا خيار وقوطه وسايبين الميدان على بعضه
والمصيبه التانيه ان الناحيه التانيه من الميدان واقف بوكس مليان عساكر وجنبهم واقف ظابط بيتفرج على الميدان وهو مركون على العربيه
بعد اللى شوفته ده لااعتقد لا بعد 100 يوم ولا 1000 يوم فى شئ هيتغير فى المرور فى مصر طول ماالقائمين عليه ماعندهمش اى استعداد لحل المشكله ولو صادفت حد وكلمته يقول المقوله الشهير والمنتشره الايام دى مش انتم عاوزين ثوره استحملوا بقى
بجد الحال زى الزفت لا شوارع عدله ولا مرصوفه ولا مرور عدل ولا اخلاق ولا ذوق وبقى المرور حرب شوارع بكل ماتعنيه الكلمه ولسه رمضان
ويارزق بتوع السمكره والدوكو

[sherifabden]

للاسف دا حالنا دايما
مليون يوم مش هيكفوا لحل ازمة المرور
وتقبل تحياتي

[Hisham.Elgazzar]

فول وطماطم وخيار ، وظباط لا حول لهم ولا قوة


لا حول ولا قوة إلا بالله العلى العظيم

لك الله يا مصر

كل عام وأنتم بخير


انا سمعت ان رمضان هيبقى فى كل ميدان لواء مرور يتابع الحركة

يعنى هيكفوا مين ولا مين بس


حلها نبتدى بنفسنا

[sherifabden]

المشاركة الأصلية كتبت بواسطة Hisham.Elgazzar فول وطماطم وخيار ، وظباط لا حول لهم ولا قوة لا حول ولا قوة إلا بالله العلى العظيم لك الله يا مصر كل عام وأنتم بخير انا سمعت ان رمضان هيبقى فى كل ميدان لواء مرور يتابع الحركة يعنى هيكفوا مين ولا مين بس حلها نبتدى بنفسنا

لامؤاخذه يعني
ذيل الdog عمره ما يتعدل
لو شبهنا بلطجية الشوارع بالـ dogs طبعا
للاسف الضباط هيعملوا ايه ولا ايه بس
الحل يبدا من الناس نفسها
لو كل واحد التزم بقواعد المرور
المشكلة هتتحل في يوم واحد مش 100 يوم
وتقبل تحياتي

[fineart607]

العيب مش فى رئيس البلاد العيب فى الشعب الى مش عايز يتغير ومش بيرتاح غير لما يضحك عليه