شكر خاص للأستاذة داليا لمتابعتها بعض مشاكل سيارتى الـbyd f3

[hanyyyyyy]

تقدمت بشكوى اليوم الى خدمة العملاء وعلى راسهم الاستاذة الجديرة بالاحترام/داليا ولن تصدقوا لو قلت لكم انه تم الرد عليا بسرعة لم اكن اتوقعها على الميل الخاص بى بعد الشكوى فى حدود ساعتين وطلبت منى الحضور الى المركز غدا واعلامها بالحضور لمتابعة السيارة ولكن لظروف عملى طلبت التأجيل الى يوم السبت القادم 14/7/2012 وانتظروا منى تقرير بما تم وما حدث انشاء الله عند الذهاب يوم السبت القادم ,,,

ملحوظة (شكلى هرجع احب العربية تانى ... يامسهل )

[hanyyyyyy]

امبارح وانا ماشى بالعربية لقيت اتصال على الموبايل طلع ميييييييييييييييييييييييي ييييييييييييييييييييييييي يييييييييييييين ؟؟؟؟؟؟!!
المهندس/اشرف مرسى من خدمة عملاء bydوقالى انى شكوتى ادامه دلوقتى وسألنى عن اليوم اللى ااقدر آجى قولتله انشاء الله يوم الاثنين 16/7/2012 صباحا
وقالى اول ماتروح كلمنى على نفس النمرة دى وده رقمى الشخصى وفى انتظار مجيئك لحل كل المشاكل وانا متابع معاااك حتى تنتهى كل شواك وتجرب العربية بنفسك وتقتنع فعلا ان لو كان فى عيب يبقى اتحل خلاص وقبل ماتمشى تكلمنى وعند الوصول الى الفرع اذهب الى العقيد/محمد رمضان هو فى انتظارك

كلالالالالالالالالالالالا لالالام جميل جداا جدا جدا ومش هقدر ااقولكم اكتر من كده لحد ماروح بكره انشاء الله وشوف مدى الاستجابة الفعلية لبعض مشاكل العربية وطريقة حلها .....

اشوفكم بكره ...................

[mhamdy75]

طمّنا عليك

[ehabpopo]

فى انتظار تقريرك... وربنا يوفقك ويوفق شركة الامل ... وده اللى منتظرينة منهم

[hanyyyyyy]

ازيكم ياجماعة الخير ,,, عاملييين ايه ؟؟؟؟؟ كل سنة وانتم طيبيين
نخش فى المفيد ......................... ......................... ....................
ذهبت بالفعل الى مركز خدمة القطامية بناءا على الميعاد المسبق الذى تم بينى وبين كل من المحترمييييييييين جدا الآنسة داليا فرج و المهندس اشرف مرسى وكنت هناك قبل الميعاد بنصف ساعة تقريبا ووجدت حوالى 5 او 6 عربيات مابين تاكسى و ملاكى فى انتظار فتح المركز وبالفعل تم الدخول للمركز الساعة التاسعة ووجدت اسمى اول اسم فى قوائم الحجز مع العامل الذى يقوم بأستقبال السيارات ووضع كيس على كرسى السائق ودواسة كرتونه ثم حضر المهندس هانى وعمل أمر شغل بالعربية متضمنا كل شكواى والمتمثله فى (رعشة امامية على سرعة 20-40 / رجلاش فرامل اليد لأن مشوارها طويل / سخونه من تحت التابلوه / شنطة العربية وصعوبة اغلاقها الا بالهبد والرزع / ظبط زوايا) وكان المهم عندى طبعا فى كل ده هى الرعشه ومنساش طبعا انى ارجع وأقول ان اول مادخلت المركز لقيت الانسة داليا بتسأل عنى اسمى وطلبت حضورى الى مكتبها للاستماع للشكوى سابقة التقديم ومتابعة المشاكل بنفسها مع مهندسى التصليح والفنيين وكانت والله ياجماعة (بمية راجل ) فعلا فعلا كان ليها دور كبير امبارح فى راحة العميل وكل شوية تنزل الى الورشة وتطلع لمتابعة السيارة بنفسها وطبعا اتصل بى المهندس اشرف مرسى وقالى ايه الأخبار وبلغته كل اللى بيحصل وتقريبا كلم حد فى الورشة تحت وقام بالتاكيد عليا بعدم مغادرة المركز قبل التجربة بنفسى والتاكد من رضائى تماما عن العربية والاتصال به قبل المغادرة
تم اصلاح موضوع الرعشة او بمعنى ادق اصبحت مش باينه اكتر من الاول وتم ظبط الزوايا ولما طلعت جربت العربية مع الفنى اللى مش اخلاقه تمام واسمه محمد لقية الرعشة شبه منتهية ولكن المصيبة لقيت دربكه واصوات فى المطبات زى مايكون علبة الدركسيون عايزة اصلاح وطبعا ركبنى الهم ,,
وحاولت افهم الفنى اللى كان بيجرب معايا ان العربية مكنتش جايه كده طبعا مش راضى يقتنع وعند الاصرار والنرفزة عليه راح دخل الورشة ورمى العربيه لمهندس محترم جدا هحاول افتكر اسمه علشان اديه حقه وطبعا الكلام ده كله انا شايفه من استراحة خدمة العملاء لنها بتطل على الورشة بزجاج فاصل ,,
المهم لقيت المهندس المحترم ده راح واخد العربية يجربها لوحده للتأكد من كلامى وفعلا مع اول مطب خده لقيته رجع الورشة وقام برفعها وبالفعل البيه اللى مكنش عاجبه كلامى بعد ما ظبط الزوايا فى صامولتين مربطهمش وعلشان كانوا سايبن هما اللى كانوا عامليين الرجرجة والتخبيط اللى كان حصل بالامام فى التجربة الاولى بتاعتى (يعنى كلامى صح ) اما بخصوص السخونة اسفل التابلوه الفنى المسؤل كان اجازة انهارده (طيب ازاى مركز خدمة يقف على عامل او مفيش غيره !!؟؟) وبعد كده اتعملت الشنطه فى ثانيتين وهى واقفه فى الورشة وانا شايفها ومن ثم رجلاش فرامل اليد ثم نادوا عليا لأستلام العربية ووجدت المهندسة داليا تبلغنى بعدم المغادرة لحين حضور مهندس نزلت هى جابته مخصوص من الورشة علشان يطلع يجرب معايا وهو كان المهندس المحترم اللى اتكلمت عنه فى الاول اللى انا للاسف الشديد ناسى اسمه وعلى فكرة هو اللى قالى واحنا بنجرب العربية مع بعض ان الدربكة والتخبيط اللى حصل بالامام كان من صواميل ظبط الزوايا التى لم تربط ومفيش حاجة متقلقش (محتررررررررررم) وقمت بسؤاله عن السخونة القادمه من تحت التابلوه افاد امامك حلين ان تتركها هكذا او تقوم بألغاء خراطيم الهواء الساخن والذى يعمل فى الشتاء لتشغيل التكييف على الساخن والتى مكانها تحت التابلوه والموضوع الغائه سهل جدا مبتخدش عشر دقائق طبعا مش فاهمها اوى وهى مالها ومال الهواء الساخن الى جاى من تحت التابلوه اصلا وانا مش مشغل المكيف بس يمكن مخدناش وادينا مع بعض فى النقطه دى اوى علشان كده مش عارف اوصفها بأستفاضة
ثم قمت بالاتصال بالمهندس اشرف مرسى لأنه اليوم ده كان فى المصنع وليس فى مركز الخدمة وابلغته بوافر شكرى وتحياتى له ولداليا وللمهندس المحترم صاحب الاسم المفقوود هههههههه وصراحت طلبت منه استنساخ هذا المهندس لكل فرع

نهاية شكرا للمهندس/ اشرف مرسى لمتابعته لى بالاتصال
شكرا للانسة /داليا فرج ام الرجولة كلها (والله العظيم وبدون مجامله ) واللى حاسس انها لوخدت صلاحيات اكتر من كده هتفرق مع مركز الخدمة اوى ومع العملاء
شكرا للمهندس اياااااه وسامحنى انى ناسى اسمك لكن مازلت فاكر كلامك المنطقى والصريح وضحكتك اللى على وشك .
ومش شكرا لمحمد بيه رمضااان اللى اسلوبه ولسانه كله زفت فى زفت وآسف على هذه الالفاظ علما بأنى عايز ااقول اكتر من كده فيه (شئ فى غير مكانه بالمررررة)
ويارب مكنش نسيت حاجة ...