محتاج رأيكم فى صيانة تكيف لانسر شارك

[HaMaDa-ToUBaR]

السلام عليكم ورحمة الله وبركاتة

اولا وحشتووووووووووونى جدا جدا جدا جدا كلكم والله

ثانيا بقى انا كنت واقع فى مشكلة عويصة الا وهى ان تكيف الشارك مكانش بيشتغل

المهم بعد الفحص والتقصى والفك والحل واللذى منة اكتشفت ان العيب فى السربينتية الداخلية للاسف

فيها تسريب وملحت بسبب ان الفلتر مكنش بيتنضف وكل البلاوى بتروح عليها ودة تسبب فى تأكلها

سألت عليها فى التويكل لقيت سعرها 4400 جنية ................. قطمة وسط جامدة وخصوصا فى عربية معملتش لسة 25000 كيلو

المهم بعد لف ومشورة وقعت فى واحدة استيراد تحفة جديدة ما شاء الله والراجل كان عاوز يدينى التلاجة كاملة وبعد مفاوضات قدرت اوصل انى اخدها هى لوحدها وجبتها ب 2000 جنية

وبعدين ركبناها والكهربائى قفل التالبو تانى زى ما كان والحمد الله

جينا نجور العربية مردتش تدور والكمبيوتر كان بيجيب حاجات غريبة ... طبعا استغربنا جدا وخصوصا ان مينفعش اساسا فيشة تركب مكان فيشة تانية وبعدين احنا اصلا كنا هنجنا لاننا طول اليوم فيها فقفلناها وسبناها لتانى يوم

بدأنا تدوير كدة واحدو واحدة اكتشفنا فى فى فيوزة اتحركت من مكانها ركبناها وكلة بقى تمام

وقفلت العربية واتغسلت واتروق عليها وبقت زى الفل الحمد الله والتكيف تلاااااااااجة بسم الله ما شاء الله

مشكلتى كالاتى
1- الخارطيم الى جوا فى المكنة بتعرق جامد ودى مكنتش موجودة قبل كدة مع العلم ان مفيش تسريب وكلة تمام

2- الكهربائى بتاعى عاوز مصنعية 1500 مع العلم دة بحل التابلون وتركيبة والكشف ع التكيف من برة لجوة لحد ما اكتشف مكان التسريب وضبط التكيف وشحنة والفريون علية طبعا فهو عاوز اجمالى كلة ع بعضة 1500 جنية وانا لسة مش حاسبتة فمحتاج اعرف اية رايكم بسرعة فى المبلغ دة ؟؟؟ هل هو كتير زى ما انا حاسس فعلا ولو كتير فهو كتير اوى ولا فرق بسيط لانة فعلا شاطر اوى وانا بتعامل معاة من زمان بس اول مرة يعملى شغل كبير زى دة وعارف انة حراق شوية بس شغلة نضيف .. بس حاسس ان المرة دى حراق اوى اوى اوى وانا اول مرة اعمل شغل فى التكيف فمش عارف اقيم فمحتاج رأيكم فى الموضوع دة ياااااااااااريت

والف شكرا يا رجااااااااالة مقدما

[احمد على 1999]

ازى حضرتك يا استاذ حمادة انت اللى وحشتنا بجد
طبعا من كلامك شكله راجل محترف و شغله دقيق
و على فكره اللى اعرفه فى اللانوس ان فك و تركيب التابلوه للوصول للتلاجة بيعمل فى حدود 700 جنيه ده غير بقى تغيير التلاجة ده غير اصلا التوصل للعيب و شحن الفريون
و كمان كل ده و شغل سليم و ده نادر

تعريق الخراطيم عشان الرطوبة اليومين دول عالية

[فارس داود]

المبلغ مبالغ فيه جدا اولا حضرتك الي دورت علي السربنتينه مش هو وشغله كله لا يتعدي 200 جنيه دي علي حسابات الشغل بتاعك عندنا في الغربيه انا مش عارف الاسعار عندك ايه عن نفسي انا فاكك تابلوة لانوس ومظبط كل لمبه فيه ومنضف العدادات وده مصنعيه 150 جنيه انما الاسعار الي حضرتك بتقول عليها دي مبالغ فيها جدا بس تاني انا ماعرفش اسعار المصنعيه عندك ايه

[HaMaDa-ToUBaR]

حبيبى يا استاذ احمد والله وااااحشنى كتير وتسلم ع الرد وعموما انا من وقتها وعملت للعربية اختبارات قاسية جدا وبتابع الشحن ومشغل التكيف 24 ساعة وما شاء الله علية اداء عالى جدا ومش حاسس ان العربية ولا اتحل فيها حاجة ولا اتعمل فيها شغل اصلا بصراحة شغلة كيفنى ودفعتلة الفلوس وانا مرتاح والحمد الله ان العربية رجعت زى ما كانت دة اهم حاجة

[HaMaDa-ToUBaR]

تسلملى يا استاذ فارس ع الرد بس احب اوضح لحضرتك حاجة ان تابلون الشارك غير اللانوس تابلون الشارك تقريبا 200 قطعة بدون مبالغة دة غير ان لتابلون بالشاسية اتحل بالكهربا شغل تقيل اول واعد فى العربية 4 ايام مش بيشتغل غير فيها وبس وفوق كل دة شغل دقيق وعالى جدا ورجع العربية زى ما كانت وزى ما كنت بقول لحضرتك انا لو كنت عملتها فى التوكيل كنت اتكلفت فوق ال 10000 جنية دة شىء اكيد فبصراحة هو يستحق والف شكر مرة تانية يا غالى ع الرد والنصيحة وربنا ما يوقعك فى مشاكل مع التكيف