الاختيار الاصعب بين الاربع سيارات

[spider_amrdiab]

دلوقتى حخليكم تختاروا بين اربع عربيات الفروقات بينهم بسيطة جداا
انا عايز كل واحد يخش علاموضوع يقول رأيه ... يعنى لو قالولك لازم تختار واحدة بين العربيات دى حتفضل طول العمر معاااك..كل الفئات اوتوماتيك
1- نيسان صنى 100,000
يابانى , فيها ABS . EBD و ايرباج للسائق و اللى جنبه

2- شيفروليه اوبترا 103,000
قطع غيار متوفرة وارخص من النيسان مفيهاش ABS و لا ايرباج

3- كيا ريو 104,000
1300 سى سى يعنى موفرة فى البنزين

4-اكسنت RB 104,000
شكلها شيك جداا جداا واسعة و انيقة قطع غيار متوفرة
مفيهاش ABS و لا ايرباج

قوول رأيك ضرورى كأنها لنفسك بالظبط فكرررر قبل ماتكتب رأيك

[ahany]

1 . نيسان صنى
2. كيا ريو
3. اكسنت rb
4.اوبترا

[sherifabden]

لو عايز عربية واسعة وياباني واعتمادية وامنة وشنطتها واسعة لكن شكلها غبي وقطع غيارها لسا بتقول يا هادي هات الصني
لو عايز عربية جبارة وسريعة وشكلها رياضي لكن ورقة وبتحك في المطبات ومفيهاش عوامل امان هات الاكسنت RB
لو عايز عربية جديدة وشكلها حلو وموفرة في البنزين لكن قطع غيارها مش منتشرة ومش هتنتشر وضيفة حبتين من ورا هات الريو
لو عايز عربية عالية عن الارض وواسعة وقطع غيارها منتشرة وشكلها معقول وامنه هات الاوبترا
وعلى فكرة الاوبترا فيها abs و ايرباجين علشان انتا قلت مفيهاش
وانا لو مكانك هجيب الاوبترا الاوتوماتيك اللي بـ 103000 جنيه
ودايما لما اكون بشتري عربية لازم تكون بقالها فترة في السوق علشان تكون عيوبها ومميزاتها معروفة
ودا ينطبق ع الاوبترا والار بي لانها بقالها فترة في السوق بنفس الشكل الحالي
ومينطبقش ع الريو والصني لانها عربيات لسا جديدة في السوق وانا قصدي طبعا على الشكل الجديد مش العربية نفسها
والترتيب هيكون
1 / شيفورليه اوبترا 2012
2 / نيسان صني 2012
3 / هيونداي اكسنت 2012
4 / كيا ريو 2012
وتقبل تحياتي

[zamanan2000]

بالنسبالى شخصيا يبقى
1- صنى
2- ريو
3- اوبترا
والاكسنت مش هفكر فيها اصلا بصراحة لانى مش حاببها مش عارف ليه

[محمد صالح - المحامى]

المشاركة الأصلية كتبت بواسطة sherifabden لو عايز عربية واسعة وياباني واعتمادية وامنة وشنطتها واسعة لكن شكلها غبي وقطع غيارها لسا بتقول يا هادي هات الصني لو عايز عربية جبارة وسريعة وشكلها رياضي لكن ورقة وبتحك في المطبات ومفيهاش عوامل امان هات الاكسنت RB لو عايز عربية جديدة وشكلها حلو وموفرة في البنزين لكن قطع غيارها مش منتشرة ومش هتنتشر وضيفة حبتين من ورا هات الريو لو عايز عربية عالية عن الارض وواسعة وقطع غيارها منتشرة وشكلها معقول وامنه هات الاوبترا وعلى فكرة الاوبترا فيها abs و ايرباجين علشان انتا قلت مفيهاش وانا لو مكانك هجيب الاوبترا الاوتوماتيك اللي بـ 103000 جنيه ودايما لما اكون بشتري عربية لازم تكون بقالها فترة في السوق علشان تكون عيوبها ومميزاتها معروفة ودا ينطبق ع الاوبترا والار بي لانها بقالها فترة في السوق بنفس الشكل الحالي ومينطبقش ع الريو والصني لانها عربيات لسا جديدة في السوق وانا قصدي طبعا على الشكل الجديد مش العربية نفسها والترتيب هيكون 1 / شيفورليه اوبترا 2012 2 / نيسان صني 2012 3 / هيونداي اكسنت 2012 4 / كيا ريو 2012 وتقبل تحياتي

الراجل دة بيقول كلام صح الصح وعندة خبرة صح الصح . تقبل تحياتى