مارش ولا بطارية ؟؟؟؟

[elsheikh2010]

عربتي فيرنا 2011 يعني لسه جديدة عاملة 12000 كم ...المهم ما كنتش بأخد بالي من الدوراة لحد مرة الشيطان الله يلعنه قالي ركز مع دوارة العربية المهم لقيت أوقات بحس أن العربية بتدور بس كأن واحد عجز بيقوم من الكرسي قلت المهم بتدور من أول مرة ومرة تانية لما بأكون ماشي مشوار بالعربية ورحت مبطل وبعد ثواني بسيطة رحت مدور تاني بأحس أن العربية جمعت بسرعة ودارت وبأحس ببحة في ايدي وانا ماسك المفتاح لو فيه حد جنبي ممكن ما يحسش بيها ومرة وانا بأدور بلاقي المارش بيعمل صوت بحة جامدة من غير ما تدور العربية ومرة لعربية بتدور من أول بس بأسمع صوت تخبيط بسيط في المارش ..... توضيح بسيط العربية طول الوقت بتدور كويس جدا لكن كل فترة يعني من 3 اسابيع لشهر تروح عاملة حاجة من الحاجات الي أنا كاتبها فوق .. على فكرة تاني أنا سألت مهندس حبيبي كان شغال في توكيل غبور قالي ده أكيد مشكلة بطارية وده عيب موجود في عربيات فيرنا كتير كانت بتيجي التوكيل ... قولتله العربية بتدورمعايا الصبح في عز الشتا ما شاء الله لا قوة إلا بالله حلو جدا الحمد لله رد عليا وقالي البطارية لو فيها مشكله ممكن تدور العربية عادي الصبح وحكالي قصه ترسيبات وحاجات انا مش فاهمها وصمم على انها بطارية ... ونسيت أقولكم انا بأصين في التوكيل وكل ما اروح الصيانة أقولهم على العيب ده المهندس يدور ويطفي العربية ... العربية تقول بتعملها عند بتدور زي الحلاوة .....فياريت حد لو عده خبرة يقولي ده ايه ... بطارية ولا مارش ولا اشتري دماغي على أساس انها الحاجات ده بتحصل زي ما قلتلكم بين فترات متباعدة وبالأخص اني راكب فيرنا بتوقيع غبور يعني شعبي الشعبي مش الماني مثلا ؟؟؟؟؟ مع العلم اني لسه في الضمان

[waelsalah]

اعتقد عيب مارش ( كتاوت او اتوماتيك المارش )
وممكن تقيس البطارية بره وتشوف حالتها
واعتقد مش هتطلعك من الضمان لو كشفت عليها
و ربنا يهدي غبور وامثاله من المستورديين المصريين
وشكرا

[memodina1]

بتحصل معايا كتير وفعلا مش كل الاوقات بس انا عندى مش كل اسبوعين ولا حاجة لاة ممكن 4 ايام ممكن اسبوع كدة بس تدور من اول مرة وساعات والله قليلة بتدور من تانى مرة بس الحاجات دى بتروح اول ما اغير البطارية على الرغم انى بستعمل الجافة على طول افضل بكتييييييييييييير لكن المارش مفهوش حاجة ولا حتى تكشف علية صدقنى مفهوش حاجة

[tareksat5000]

شرح العيب مش واضح كفايه
معنى بحه هل هى دواره بسرعه بطيئه
عموما العيب غالبا بعيد عن المارش
ممكن يكون بطاريه وده عادى لكن المارش هوه
اللى مش عادى المفروض المارش يشتغل مش أقل
من 5 سنين حد أدنى
إنما البطاريه إنت وحظك عموما حصلت معايا فى عربيتى وهى زيرو
بعد ثلاث شهور
بس عربيتى صينى ورحت التوكيل فكو لى بطاريه من عربيه زيرو
طبعا أنا كهربائى سيارات ورايح لهم ومتأكد أنها بطاريه طبعا حاولو
معايا إن ده مش عيب بطاريه وبعدين جابو الكهربائى بتاعهم وأكد كلامى
وبعدين قالو البطاريه مش فى الضمان بعد شويه زعيق وتهزيق فيهم
راحو فاتحين كبوت عربيه زيرو وفكو بطاريتها وركبوها لى
طبعا لم أدفع مليما

[elsheikh2010]

المشاركة الأصلية كتبت بواسطة tareksat5000 شرح العيب مش واضح كفايه معنى بحه هل هى دواره بسرعه بطيئه عموما العيب غالبا بعيد عن المارش ممكن يكون بطاريه وده عادى لكن المارش هوه اللى مش عادى المفروض المارش يشتغل مش أقل من 5 سنين حد أدنى إنما البطاريه إنت وحظك عموما حصلت معايا فى عربيتى وهى زيرو بعد ثلاث شهور بس عربيتى صينى ورحت التوكيل فكو لى بطاريه من عربيه زيرو طبعا أنا كهربائى سيارات ورايح لهم ومتأكد أنها بطاريه طبعا حاولو معايا إن ده مش عيب بطاريه وبعدين جابو الكهربائى بتاعهم وأكد كلامى وبعدين قالو البطاريه مش فى الضمان بعد شويه زعيق وتهزيق فيهم راحو فاتحين كبوت عربيه زيرو وفكو بطاريتها وركبوها لى طبعا لم أدفع مليما

شكراً أخي العزيز لأه هيا بحة مع دوارة سريعة وعادية مش بطيئة صدقني أخي العزيز أنا بقيت ايدي بتترعش وانا بأدور العربية عشان خايف لدرجة انه بقيت مش مستمتع بالعربية فعايز حضرتك تطمني وتديني شوية نصائح .