ايه رأيكم في الدايو ماتيز ضروري ؟

[Elsebily]

أنا فيه واحد عارض عليا عربيه دايو ماتيز موديل 99 لاختي المهم اني العربيه بصراحه انا معرفش عنها اي معلومات وحبيت اعرف من اعضاء المنتدي
هي اولا علي حسب كلام صاحبها انها هاف باور وانا اما ركبتها لقيت العفشه عاوزه تتربط بس هو قالي انه متكفل بيها فمفيش مشاكل لكن هي العربيه كحاله عامه حسيت انها كويسه لكن المشكله اني معرفش اي حاجه عنها تاني زي قطع الغيار مشيها عامل ازاي عفشتها عامله ازاي ومعرفش عيوبها ايه مع العلم انها مش هتكون عائليه لانها ليها بس وثانيا بردو هي المفروض اني مشوارها كبير بتروح من التجمع كل يوم لشبرا فهل العربيه هتستحمل مشوار زي ده كل يوم ومش هيكون فيها مشاكل وعامة هي معروضه ب 26 الف فهل بردو السعر ده كتير عليها ولا كويس ولا بلاش منها خالص احسن
ومستني ارائكم طبعا

[mhamdy75]

واحد صاحبى معاه الماتيز ومطلع عين العربيه مشاوير

وبصراحة زى الفل وقطع غيارها موجوده

بس اعتقد 26 كتير

يعنى لو حالتها كويسه تبقى من 20 -22

[Elsebily]

المشاركة الأصلية كتبت بواسطة mhamdy75 واحد صاحبى معاه الماتيز ومطلع عين العربيه مشاوير وبصراحة زى الفل وقطع غيارها موجوده بس اعتقد 26 كتير يعنى لو حالتها كويسه تبقى من 20 -22

اولا الف شكر طبعا وثانيا بالنسبه لموضوع التكييف هلي هينفع يشتغل والعربيه ماشيه ولا الموتور هيكون علي قده زي منا متوقع وبالنسبه لموضوع عفشتها بتحتاج تربيط كل شويه ده ايه لاني سمعت الكلام ده

[mhamdy75]

لو الماتور حالته كويسه هايشغل التكييف

ومش هاتحس بفرق

[Vanditta]

من حيث الاداء واحد صاحبى بيجيب بيها 170
وماكنتش مصدق واقعد يحلفلى ميت يمين وماصدقتش الا اما ناس اصحابى ركبو معاة وقالولى اة فعلا كان جايب بيها 170

بس بصراحة ماعرفش اى حاجة تانية عن العربية غير ان صاحبى دة بيشكر فيها جدا
وبالنسبة للسعر لو حالتها نضيفة والتكييف شغال ممكن تعمل 25 الف
وبالتوفيق