العودة   مصر موتورز مجتمع السيارات > السيارات الأوروبية > رينو RENAULT > رينو لوجان Logan

رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand.


إضافة رد
 
أدوات الموضوع
  #1  
قديم 18-04-2012, 07:47 AM
ahmedashraf ahmedashraf غير متواجد حالياً
التخصص العملى: تصميم وبرمجة الويب
 
تاريخ التسجيل: Jul 2011
الموقع: الإسكندرية
المشاركات: 197
ahmedashraf is a splendid one to beholdahmedashraf is a splendid one to beholdahmedashraf is a splendid one to beholdahmedashraf is a splendid one to beholdahmedashraf is a splendid one to beholdahmedashraf is a splendid one to beholdahmedashraf is a splendid one to behold
للاهمية بحمد الله حجزت لوجان اوتوماتيك.. مشوار إتخاذ القرار .. كام شؤال عالماشي

بحمد الله وفضله ومن بعده فضل تقارير وأراء حضراتكم, حجزت رينو لوجان أوتوماتك بترولى من الطارق فرع أليكس سيتي سنتر بسعر 80 ألف (وده أقل سعر وصلتلو).

طبعا سالت عند الوكيل في سان ستيفانو ولكن التسليم خلال 6 شهور مع عدم التأكيد!!!! من الآخر يجماعة الطارق هو الموزع الرسمي وشبه الوحيد للوجان أوتو بالتحديد فى الإسكندرية والله أعلم.

أولا عشان أنا مش قديم فالمنتدي ومحدش يعرفنى, انا شاب 29 سنه متزوج وعندى 3 أطفال يعني لأنا بدور على جري ولا غرز ولا أمريكاني ولا فلبيني حتى, فقط عربية مريحة فسواقتها وقعدتها (أنا 196 سم) وتاخد أسرتي الصغيرة (المتوسطة) فى مشاوير الفسح العاديه وإسكندرية مشاويرها مش طويلة وممكن طلعة مطروح فى الصيف وزيارات كل حين وآخر لكفر الدوار ورشيد لزيارة بعض أقارب المدام والأصدقاء, وأحيانا بحب أطلع بور سعيد فى شهر 11 مع حمايا لزيارة بعض الأصدقاء وتغير جو (بلد هاديه وجميلة, يارب يفك أزمتها).

أنا كنت ولازلت (لحد مستلم إن شاء الله) سايق 323 بتاعت والدي من الزيرو, موديل 83 خليجي سعودي, عربية يابانى 100٪, نعومه وأداء متميز بالنسبه لعمرها, ولكن لعب الصنايعية خلاها نص نص وبقت متعبة بعض الشئ في صيانتها ومعنديش ثقة فيها فالمسافات الطويلة والسفر, وعايز أنقل لحاجة تحسسني بفرق. وتبقى أول عربية بتاعتي من حر مالي. أه ولازم تكون أوتوماتيك, إسكندريه بقت زحمه قوي سواء شتاء ولا صيف.

طبعا عمليه البحث عن عربية إبتدت من أكثر من 6 شهور وكان كل تفكيري فيما هو فوق ال 100 ألف (طموح عالى مش كده؟) وكان كل إللى شاغل فكري فى الفئه دي الأكسنت أر بي والسيراتو والريو الجديده لما نزلت وطبعا الإلانترا الجديده احيانا. بس مشكلتى إنى كنت دايما ببص على أعلى فئه فأي حاجه من دول وكنت متمسك جدا إن يكون فيها 2 إيرباج وفرامل ABS وكان ده بيسافر بالسعر لبعييييد. الغريب بقه وإللى كان محيرني إن ولا حاجه من دول تحس إن الكلام عليها متقارب, أنا عارف إن مفيش عربية كاملة وإن مفيش عربية الكل هيجتمع على ةإنها كوبسة أو وحشة, لاكن مش بالطريقة دي!! قصاد كل رأي بيقول إن العربية ثباتها حلو تلاقي رأي يقول لأ الثبات وحش جدا وهكذا ...

ومن هنا بدأت أفكر إنى أأجل فكره الزيرو إللى طول عمري بحلم بيه وأجيب حاجة مستعملة نظيفة تقعد معايا 3 سنين ولا حاجة لحد معرف أجيب حاجة نظيفة زيرو مفيش عليها كلام كتير وفى نفس الوقت إمكانياتي لاتسمح بيها دلوقت (كورولا مثلا). المهم بعد مجمعت حالي وحددت المبلغ إللى ممكن أحطة فعربية, طلع المبلغ حوالى 80 ألف, وبعد البحث لافيت إنى ممكن أجيب لأانسر بومه بالمبلغ ده أو أقل حسب الحالة والموديل, بس كنت ساعات بحس أنه حرام أدفع مبلغ زي ده في مستعمل وممكن يجيبلي زيرو بس مش إللى فى طموحي ,ارجع وأقول لنفسي "ياعم هو إنت هتركب بيهم أي حاجه؟ دي لانسر", فالتوقيت ده حمايا قاللى "طالما وصلت للرينج ده متشوف رينو لوجان, لسه واحد قريبنا جايبها وبيشكر فيها", قولتله "لوجان إللى عامله زى الصندوق دي, لا ياعمى مش حاببها" طبعا أنا اللانسر كانت لاحسه مخي. الكلام ده من شهر بالضبط. وبعدها قلت برده آخد فكره عن اللوجان, قيت عنها لكام كتير فى المنتدى 90 ٪ منه شكر فى العربية وفاجئني إجماع ناس كتير على نقط كتير زي نعومة العفشة وعلوها وثباتها, وحتى العيوب (لو سميناها عيوب) عليها إجماع (علو صوت الموتو, أماكن الأزرار والكلاكس .. إلخ) ودي كانت حاجة أنا مفتقدها فى الكوري عموما سواء كيا او هيونداي (الإجماع على رأي). والأراء المخالفة معظمها كان مشاكل فردية أو عدم تعود على حسب الركوبه السابقة أوعدم درايه أو تجربة للعربية من أصله (فتي يعني). يعنى مثلا إللى متعود على باور الهيونداي هيحس إن باور اللوجان تقيل لاكن أنا بالنسبالى جميل جدا (طالع من مازدا 323 من غير باور أصلا, ولكنها ناعمة برده بس أقل من اللوجان طبعا). وبدأت مستبعدش اللوجان 100٪ من حساباتي وإتقرجت عليها مره فى المصرية ولقيتها احسن بكتير من توقعاتي بس برده مكنتش مقتنع بيها, كنت عايز حاجة تحسسني ببرستيج أعلى.

من حوالى أسبوع بدأت أبحث عن لانسر ونويت خلاص عالشرى بس ألاقي المواصفات إللى أنا عايزها (1600أوتوماتيك هاف او فول سبورت من 2007 ل 2008) وطبعا تكون حاله شاذه كالزيرو ومفيهاش الهوى, وللأسف بعد كام يوم من البحث, حسيت إن موضوع الحاله ده مش سهل, يعني برده هاخد العربية وأروح لكهربائي وميكانيكي بخلاف صيانه السيور والفلاتر بتاعت شراء أي عربية إستعمال.

وفي يوم لعبت فدماغى (تأثير صلاة الإستخارة 3 مرات وتدابير ربنا), وبدأت أكلم نفسي:
"طيب ياعم متفكر فى الزيرو, مالزيرو برستيج برضه وهو تحقق الحلم إللى نفسك فيه"
"بس انا كان طموحي أعلى من كده, والمستعمل كان هيحققلى الطموح ده لحد مربنا يكرم"
"مهي اللوجان برده مش وحشة, ومش عربية العمر يعنى, أربع خمس سنين وشوف لو كان لينا عمر تنقل لحاجة أعلى"
"طيب لو جيت أنقل, مش هخسر فدي كتير؟ الرينو بيخسر, هو ده قانون السوق المصري"
" الوجان مختلفة, عربية منتشرة وكل يوم بتزيد ويوم ماتيجي تبيع يحلها ألف حلال ويكون قانون السوق إتغير"
"طيب نفكر..."

المهم روحت مشوار معاينه لانسر وبعده طلعت على الطارق وكنت راكب مع حمايا وقريبة إللى جاب لوجان من كام شهر عشان أجرب قعدتها وأشوف حكاية صوت الموتور والعفشة وكده. ولقت إن العربية مرضية جدا بالنسبالي. المهم روحنا وإتفرجنا على اللوجان الأوتوماتيك وكنت محتاج زقة بس عشان آخد القرار لاقيت حمايا بيقوللى "انا لو مكانك .. كنت خلاص خدت القرار .. الزيرو زيرو", لاقيت نفسي بقول "عالبركة".

بعد يومين من التفكير ومحاولة نسيان الانسر والإستخار للمرة الرابعة بعد محاولة كل واحد من الأصدقاء إقناعى باللي هو راكبة, قررت أروح أحجز, بس قولت أبص على الصني عشان مجيش أندم بعد كده بعد مواحد صاحبي حاول يلعب فدماغي, ظبط الكرسي ولسة جاي أقعد .. إتحشرت .. دخلت يادوب ومش مرتاح خالص. طلعت وسميت بالله وحجزت اللوجان.

إيه إللى عجبني فاللوجان وخلانى أقرر أشتريها؟

- زيروووووووووو .. على قد الفلوس إللى قررت أحطها فالعربية حاليا.
- عاليه عن الأرض وده عجبني قوييييي.
- عفشة ناعمة.
- سمعتها حلوه, والشكر والذم فيها واضح وصريح (المزايا والعيوب), والشكر أكتر من الذم بكتييييير.
- إقتنعت إنى مش هلاقى كل إللى أنا عاوزه في عربية بـ 80 ألف, ومع ذلك معظم إللى أنا عاوزة موجود ولول كان مكانه أو شكله مختلف عن المألوف.
- مقارنة باالأكسنت أر بي (أكتر حاجة كانت شغلاني فالبداية, وده بالنسبه للي أنا بدورعليه ورأيي الشخصي) لاقيت نفسي هادفع فرق حوالي 20 ألف عشان الشكل التحفة وأماكن الحاجات المتعودين عليها (الكلاكس, أزرار الزجاج ... إلخ).
- موضوع قطع الغيار والصيانة أنا شايف إن كل العربيات إللى كنت بفكر فيها متقاربة فيه, فمقلقنيش كتير.
- كل ده بسعر ممتاز نتيجة الضرائب المخفضة, وده كان مغري ويستحق التضحية باللانسر المستعمل مقابل الزيرو.

والآن طبعا محتاج من حضراتكم شويه إستفسارات قبل الإستلام:

- وانا باحجز كان فيه واحد سامعه بيتكلم مع مندوب فى الطارق على انه هيسدد باقى المبلغ ويمضي إستلام, وتاني يوم الصبح يجي يستلم العربية, والراجل قاوح معاه شويه لاكن فالآخر دفع ومضى ومشي! هل ده صح؟ طبعا الطارق إسم ومضمون, بس لو جه يستلم ولقى أي حاجة مش شغالة يبقى إيه الحل؟

- بقكر أفيم الزجاج, بس مش تفييم شبابى أسود خالص ده, انا يس عايز أعتم الزجاج حاجة بسيطة عشان أقلل تأثير الشمس وأزود الخصوصية شوية وبرده ده بيدي شكل فخم إلى حد ما, يعنى درجة تفييم 10٪ أو 20٪ كده. هل ده يحتاج أي إثبات فالرخصة؟ هل ليه أي إجراءات عشان يكون قانوني وميجبليش وجع دماغ؟ لو كان كده هل بقى انا محتاج أركبة قبل ما أرخص؟ ولا متنصحونيش بيه أساسا؟؟؟؟؟

- هل تنصحوني بالتشميع من الأول عشان سهولة النضافة وتنفيض التراب ولا بالش ألعب فالدهان.

ـ مين سروجي جامد في الإسكندرية لعمل فرش جلد للكراسي. وين عنده إكسسوارات زي فرش كاوتش للشنطة وغطاء ووتر بروف, هل ألاقى عند سعيد نصار؟

ـ هل الطارق بيكون مجهز كود الكاسيت ولا هضطر أورح للوكيل ولا ممكن يالتليفون, ولو أروح الوكيل هل المعرض في سان ستيفانو ولا لازم مكز الصيانه زي سموحة؟؟

- بعد الإستلام إن شاء الله (طبعا كيفية الإستلام مشروحة كتيييير على المنتدي, مفيش فيها أسئلة الحمد لله) هطلع افول 92 فموبيل مثلا وأضبط ضغط الإطارت عند بريدجستون إللى على البحر وممكن أملا نيتروجين أو يمكن أجرب أمشي باللهوا شوية عشان أحس بالفرق لما أملا نيتروجين بعد كده مثلا , تمام كده ولا فيع حاجة ناقصه ولا فى رأي آخر؟؟؟


طولت قويييييييي عليكم وأخيرا .. أشكر كل من ساهم فى مساعدتي فى أتخاذ القرار بشكل مباشر أو غير مباشر, وأشكركم مقدما على ردودكم على أسئلتى عشان تبقو تميتو جميلكو وتقبلو منى فائق الإحترام
رد مع اقتباس
  #2  
قديم 18-04-2012, 09:07 AM
الصورة الرمزية crime
crime crime غير متواجد حالياً
من انا؟: متخصص توظيف سيارات وومركز خدمه معتمد كيا
التخصص العملى: مروج سيارات للسفارات وشركات السياحه والهيئات الحكوميه
هواياتي: .جديد السيارات .الكتب سماع القران الكريم
 
تاريخ التسجيل: Mar 2010
الموقع: القاهره
المشاركات: 2,673
crime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond repute
افتراضي رد: بحمد الله حجزت لوجان اوتوماتيك.. مشوار إتخاذ القرار .. كام شؤال عالماشي

ان شاء الله بالتوفيق اختيار موفق للوجان ومبروك مقدما
ربنا يديك خيرها ويكفيك شرها
للاسف انا مش هاقدر افيدك علشان انا مش من اسكندريه

تقبل تحياتى
رد مع اقتباس
  #3  
قديم 18-04-2012, 09:35 AM
AbkaReno AbkaReno غير متواجد حالياً
من انا؟: IT Support
التخصص العملى: IT
 
تاريخ التسجيل: Mar 2011
الموقع: مصري مغترب بالرياض
المشاركات: 37
AbkaReno will become famous soon enoughAbkaReno will become famous soon enough
افتراضي رد: بحمد الله حجزت لوجان اوتوماتيك.. مشوار إتخاذ القرار .. كام شؤال عالماشي

حضرتك كاتب الكلام ده على ورق فلوسكاب الاول ؟؟

الف مبروك عموما وعقبال لما استلم الفلونس بتاعتي
رد مع اقتباس
  #4  
قديم 18-04-2012, 11:24 AM
الصورة الرمزية akerima
akerima akerima غير متواجد حالياً
من انا؟: VW OLD Beetle Big FAN
التخصص العملى: Sales
هواياتي: IT
 
تاريخ التسجيل: Apr 2010
الموقع: Alexandria
المشاركات: 1,410
akerima has a reputation beyond reputeakerima has a reputation beyond reputeakerima has a reputation beyond reputeakerima has a reputation beyond reputeakerima has a reputation beyond reputeakerima has a reputation beyond reputeakerima has a reputation beyond reputeakerima has a reputation beyond reputeakerima has a reputation beyond reputeakerima has a reputation beyond reputeakerima has a reputation beyond repute
افتراضي رد: بحمد الله حجزت لوجان اوتوماتيك.. مشوار إتخاذ القرار .. كام شؤال عالماشي

اولا الف مبروك مقدما وربنا يزيدك من خيرها ويكفيك شرها

لو انت باذن الله ناوي تشتري من طارق اسماعيل اطمن خالص هما في المعاملة احسن ناس وورق العربية بيخلص اخرة اسبوع وبيطلع حد من عندهم كمان يخلص معاك الترخيص وانصحك انك تتعامل هناك مع واحد اسمة احمد زكريا في فرع سيتي سنتر

ولما باذن الله تيجي تستلم ابقي راجع علي العربية بالكامل من برة ومن جوه مسمار مسمار وماتتكسفش من حد محدش حينفعك بعد ما تدور العربية وتطلع من عندهم

وبعد ما تاخد العربية مباشرة اول حاجة تعملها تحط بنزين من اي بنزينة قريبة - لي تجربة مش سعيده في موضوع البنزين دا في اول خمس دقايق بعد ماستلمت العربية - وبعدين تطلع علي التوكيل في سموحة تاخد من عندهم كود الكاسيت في 5 دقايق وانت واقف باذن الله

ومبروك مقدما وياريت تقولنا اللون ايه عشان لو شفناك في الشارع نحتفل بيك وبلوجي الجديدة
__________________

فى كل شارع فى بلادى صوت الحريه بينادى






Ashraf Kerima
رد مع اقتباس
  #5  
قديم 18-04-2012, 01:45 PM
mohamedsalahelden mohamedsalahelden غير متواجد حالياً
التخصص العملى: مشرف بيع بشركه ادويه
هواياتي: قياده السيارات
 
تاريخ التسجيل: Jan 2011
الموقع: اسكندريه
المشاركات: 362
mohamedsalahelden has much to be proud ofmohamedsalahelden has much to be proud ofmohamedsalahelden has much to be proud ofmohamedsalahelden has much to be proud ofmohamedsalahelden has much to be proud ofmohamedsalahelden has much to be proud ofmohamedsalahelden has much to be proud ofmohamedsalahelden has much to be proud of
افتراضي رد: بحمد الله حجزت لوجان اوتوماتيك.. مشوار إتخاذ القرار .. كام شؤال عالماشي


المشاركة الأصلية كتبت بواسطة ahmedashraf مشاهدة المشاركة

بحمد الله وفضله ومن بعده فضل تقارير وأراء حضراتكم, حجزت رينو لوجان أوتوماتك بترولى من الطارق فرع أليكس سيتي سنتر بسعر 80 ألف (وده أقل سعر وصلتلو).

طبعا سالت عند الوكيل في سان ستيفانو ولكن التسليم خلال 6 شهور مع عدم التأكيد!!!! من الآخر يجماعة الطارق هو الموزع الرسمي وشبه الوحيد للوجان أوتو بالتحديد فى الإسكندرية والله أعلم.

أولا عشان أنا مش قديم فالمنتدي ومحدش يعرفنى, انا شاب 29 سنه متزوج وعندى 3 أطفال يعني لأنا بدور على جري ولا غرز ولا أمريكاني ولا فلبيني حتى, فقط عربية مريحة فسواقتها وقعدتها (أنا 196 سم) وتاخد أسرتي الصغيرة (المتوسطة) فى مشاوير الفسح العاديه وإسكندرية مشاويرها مش طويلة وممكن طلعة مطروح فى الصيف وزيارات كل حين وآخر لكفر الدوار ورشيد لزيارة بعض أقارب المدام والأصدقاء, وأحيانا بحب أطلع بور سعيد فى شهر 11 مع حمايا لزيارة بعض الأصدقاء وتغير جو (بلد هاديه وجميلة, يارب يفك أزمتها).

أنا كنت ولازلت (لحد مستلم إن شاء الله) سايق 323 بتاعت والدي من الزيرو, موديل 83 خليجي سعودي, عربية يابانى 100٪, نعومه وأداء متميز بالنسبه لعمرها, ولكن لعب الصنايعية خلاها نص نص وبقت متعبة بعض الشئ في صيانتها ومعنديش ثقة فيها فالمسافات الطويلة والسفر, وعايز أنقل لحاجة تحسسني بفرق. وتبقى أول عربية بتاعتي من حر مالي. أه ولازم تكون أوتوماتيك, إسكندريه بقت زحمه قوي سواء شتاء ولا صيف.

طبعا عمليه البحث عن عربية إبتدت من أكثر من 6 شهور وكان كل تفكيري فيما هو فوق ال 100 ألف (طموح عالى مش كده؟) وكان كل إللى شاغل فكري فى الفئه دي الأكسنت أر بي والسيراتو والريو الجديده لما نزلت وطبعا الإلانترا الجديده احيانا. بس مشكلتى إنى كنت دايما ببص على أعلى فئه فأي حاجه من دول وكنت متمسك جدا إن يكون فيها 2 إيرباج وفرامل ABS وكان ده بيسافر بالسعر لبعييييد. الغريب بقه وإللى كان محيرني إن ولا حاجه من دول تحس إن الكلام عليها متقارب, أنا عارف إن مفيش عربية كاملة وإن مفيش عربية الكل هيجتمع على ةإنها كوبسة أو وحشة, لاكن مش بالطريقة دي!! قصاد كل رأي بيقول إن العربية ثباتها حلو تلاقي رأي يقول لأ الثبات وحش جدا وهكذا ...

ومن هنا بدأت أفكر إنى أأجل فكره الزيرو إللى طول عمري بحلم بيه وأجيب حاجة مستعملة نظيفة تقعد معايا 3 سنين ولا حاجة لحد معرف أجيب حاجة نظيفة زيرو مفيش عليها كلام كتير وفى نفس الوقت إمكانياتي لاتسمح بيها دلوقت (كورولا مثلا). المهم بعد مجمعت حالي وحددت المبلغ إللى ممكن أحطة فعربية, طلع المبلغ حوالى 80 ألف, وبعد البحث لافيت إنى ممكن أجيب لأانسر بومه بالمبلغ ده أو أقل حسب الحالة والموديل, بس كنت ساعات بحس أنه حرام أدفع مبلغ زي ده في مستعمل وممكن يجيبلي زيرو بس مش إللى فى طموحي ,ارجع وأقول لنفسي "ياعم هو إنت هتركب بيهم أي حاجه؟ دي لانسر", فالتوقيت ده حمايا قاللى "طالما وصلت للرينج ده متشوف رينو لوجان, لسه واحد قريبنا جايبها وبيشكر فيها", قولتله "لوجان إللى عامله زى الصندوق دي, لا ياعمى مش حاببها" طبعا أنا اللانسر كانت لاحسه مخي. الكلام ده من شهر بالضبط. وبعدها قلت برده آخد فكره عن اللوجان, قيت عنها لكام كتير فى المنتدى 90 ٪ منه شكر فى العربية وفاجئني إجماع ناس كتير على نقط كتير زي نعومة العفشة وعلوها وثباتها, وحتى العيوب (لو سميناها عيوب) عليها إجماع (علو صوت الموتو, أماكن الأزرار والكلاكس .. إلخ) ودي كانت حاجة أنا مفتقدها فى الكوري عموما سواء كيا او هيونداي (الإجماع على رأي). والأراء المخالفة معظمها كان مشاكل فردية أو عدم تعود على حسب الركوبه السابقة أوعدم درايه أو تجربة للعربية من أصله (فتي يعني). يعنى مثلا إللى متعود على باور الهيونداي هيحس إن باور اللوجان تقيل لاكن أنا بالنسبالى جميل جدا (طالع من مازدا 323 من غير باور أصلا, ولكنها ناعمة برده بس أقل من اللوجان طبعا). وبدأت مستبعدش اللوجان 100٪ من حساباتي وإتقرجت عليها مره فى المصرية ولقيتها احسن بكتير من توقعاتي بس برده مكنتش مقتنع بيها, كنت عايز حاجة تحسسني ببرستيج أعلى.

من حوالى أسبوع بدأت أبحث عن لانسر ونويت خلاص عالشرى بس ألاقي المواصفات إللى أنا عايزها (1600أوتوماتيك هاف او فول سبورت من 2007 ل 2008) وطبعا تكون حاله شاذه كالزيرو ومفيهاش الهوى, وللأسف بعد كام يوم من البحث, حسيت إن موضوع الحاله ده مش سهل, يعني برده هاخد العربية وأروح لكهربائي وميكانيكي بخلاف صيانه السيور والفلاتر بتاعت شراء أي عربية إستعمال.

وفي يوم لعبت فدماغى (تأثير صلاة الإستخارة 3 مرات وتدابير ربنا), وبدأت أكلم نفسي:
"طيب ياعم متفكر فى الزيرو, مالزيرو برستيج برضه وهو تحقق الحلم إللى نفسك فيه"
"بس انا كان طموحي أعلى من كده, والمستعمل كان هيحققلى الطموح ده لحد مربنا يكرم"
"مهي اللوجان برده مش وحشة, ومش عربية العمر يعنى, أربع خمس سنين وشوف لو كان لينا عمر تنقل لحاجة أعلى"
"طيب لو جيت أنقل, مش هخسر فدي كتير؟ الرينو بيخسر, هو ده قانون السوق المصري"
" الوجان مختلفة, عربية منتشرة وكل يوم بتزيد ويوم ماتيجي تبيع يحلها ألف حلال ويكون قانون السوق إتغير"
"طيب نفكر..."

المهم روحت مشوار معاينه لانسر وبعده طلعت على الطارق وكنت راكب مع حمايا وقريبة إللى جاب لوجان من كام شهر عشان أجرب قعدتها وأشوف حكاية صوت الموتور والعفشة وكده. ولقت إن العربية مرضية جدا بالنسبالي. المهم روحنا وإتفرجنا على اللوجان الأوتوماتيك وكنت محتاج زقة بس عشان آخد القرار لاقيت حمايا بيقوللى "انا لو مكانك .. كنت خلاص خدت القرار .. الزيرو زيرو", لاقيت نفسي بقول "عالبركة".

بعد يومين من التفكير ومحاولة نسيان الانسر والإستخار للمرة الرابعة بعد محاولة كل واحد من الأصدقاء إقناعى باللي هو راكبة, قررت أروح أحجز, بس قولت أبص على الصني عشان مجيش أندم بعد كده بعد مواحد صاحبي حاول يلعب فدماغي, ظبط الكرسي ولسة جاي أقعد .. إتحشرت .. دخلت يادوب ومش مرتاح خالص. طلعت وسميت بالله وحجزت اللوجان.

إيه إللى عجبني فاللوجان وخلانى أقرر أشتريها؟

- زيروووووووووو .. على قد الفلوس إللى قررت أحطها فالعربية حاليا.
- عاليه عن الأرض وده عجبني قوييييي.
- عفشة ناعمة.
- سمعتها حلوه, والشكر والذم فيها واضح وصريح (المزايا والعيوب), والشكر أكتر من الذم بكتييييير.
- إقتنعت إنى مش هلاقى كل إللى أنا عاوزه في عربية بـ 80 ألف, ومع ذلك معظم إللى أنا عاوزة موجود ولول كان مكانه أو شكله مختلف عن المألوف.
- مقارنة باالأكسنت أر بي (أكتر حاجة كانت شغلاني فالبداية, وده بالنسبه للي أنا بدورعليه ورأيي الشخصي) لاقيت نفسي هادفع فرق حوالي 20 ألف عشان الشكل التحفة وأماكن الحاجات المتعودين عليها (الكلاكس, أزرار الزجاج ... إلخ).
- موضوع قطع الغيار والصيانة أنا شايف إن كل العربيات إللى كنت بفكر فيها متقاربة فيه, فمقلقنيش كتير.
- كل ده بسعر ممتاز نتيجة الضرائب المخفضة, وده كان مغري ويستحق التضحية باللانسر المستعمل مقابل الزيرو.

والآن طبعا محتاج من حضراتكم شويه إستفسارات قبل الإستلام:

- وانا باحجز كان فيه واحد سامعه بيتكلم مع مندوب فى الطارق على انه هيسدد باقى المبلغ ويمضي إستلام, وتاني يوم الصبح يجي يستلم العربية, والراجل قاوح معاه شويه لاكن فالآخر دفع ومضى ومشي! هل ده صح؟ طبعا الطارق إسم ومضمون, بس لو جه يستلم ولقى أي حاجة مش شغالة يبقى إيه الحل؟
ماتمضيش على اقرار استلام من غير ما تعاين العربيه كويس وتجرب كل شئ فيها من اول الانوار الى التكييف وافتح الشنطه وبس عليها و الكبوت وشوف البطاريه تكون الاصلى بتاعه العربيه

- بقكر أفيم الزجاج, بس مش تفييم شبابى أسود خالص ده, انا يس عايز أعتم الزجاج حاجة بسيطة عشان أقلل تأثير الشمس وأزود الخصوصية شوية وبرده ده بيدي شكل فخم إلى حد ما, يعنى درجة تفييم 10٪ أو 20٪ كده. هل ده يحتاج أي إثبات فالرخصة؟ هل ليه أي إجراءات عشان يكون قانوني وميجبليش وجع دماغ؟ لو كان كده هل بقى انا محتاج أركبة قبل ما أرخص؟ ولا متنصحونيش بيه أساسا؟؟؟؟؟
العربيه مش بتنزل بزجاج ملون بس فيه نسبه خفيفه يعنى هوه مش ملون سرف بس فيه نسبه ولو دخلت على المرور مش هيكتبلك زجاج ملون لانى جربت وبائت بالفشل ولو اتمسكت فى لجنه هتتسحب الرخصه

- هل تنصحوني بالتشميع من الأول عشان سهولة النضافة وتنفيض التراب ولا بالش ألعب فالدهان.
انا لا انصح بالتشميع لانى سالت فى الموضوع ده اكثر من مره بس اتقالى فى التوكيل لو بتسافر كتير على الصحراوى حمايه للعربيه من الاتربه اللى بتاثر على العربيه بالسرعه بتجرح البويه شمعها لكن من كلامك انت مش بتسافر يبقى خلاص مالهاش لزمه


ـ مين سروجي جامد في الإسكندرية لعمل فرش جلد للكراسي. وين عنده إكسسوارات زي فرش كاوتش للشنطة وغطاء ووتر بروف, هل ألاقى عند سعيد نصار؟
هتلاقى عند سعيد نصار واختار الفرش من عنده واختار جلد الارضيات هوه اخره بالفرش من 200 الى 450 والارضيات الخفيفه 250 بالتركيب والثقيله ب300 بالتركيب شامله فرش الشنطه وقوله خالى مجدى هوه اللى يركبهم ولد شاطر انا عامل الفرش عنده
ـ هل الطارق بيكون مجهز كود الكاسيت ولا هضطر أورح للوكيل ولا ممكن يالتليفون, ولو أروح الوكيل هل المعرض في سان ستيفانو ولا لازم مكز الصيانه زي سموحة؟؟
لا مش بيكون مجهزه حتى ولو لقيته شغال روح التوكيل وخاليه يكتبلك الكود يدوى فى كتاب الضمان ولازم تروح فىرع سموحه اللى هوه فى كبرى التجنيد اللى فى مخازن لورد
- بعد الإستلام إن شاء الله (طبعا كيفية الإستلام مشروحة كتيييير على المنتدي, مفيش فيها أسئلة الحمد لله) هطلع افول 92 فموبيل مثلا مفيش مشاكل موبيل انظف بكتير وكمان الامارات انظف وانظف وأضبط ضغط الإطارت عند بريدجستون إللى على البحر وممكن أملا نيتروجين لا دول حراميه ومينفعش تحط نيتروجين لانه معندهوش جهاز شفط هيفسى العجل كله على الرض ويملاه والعربيه واقفه فى مكانها وده مش كويس فبلاش نيتروجين دلوقتى لحد مانلاقى حد عنده جهاز شفطأو يمكن أجرب أمشي باللهوا شوية عشان أحس بالفرق لما أملا نيتروجين بعد كده مثلا , تمام كده ولا فيع حاجة ناقصه ولا فى رأي آخر؟؟؟


طولت قويييييييي عليكم وأخيرا .. أشكر كل من ساهم فى مساعدتي فى أتخاذ القرار بشكل مباشر أو غير مباشر, وأشكركم مقدما على ردودكم على أسئلتى عشان تبقو تميتو جميلكو وتقبلو منى فائق الإحترام
واخيرا الف مبروك وربنا ميلهالك بركه ولو عاوز اى استفسار انا تحت امرك اصلى انا سبقتك بالاوتو
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:03 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017