الفرق بين الدركسيون الباور والعاده ؟؟

[ahmed el gendy]

طبعا دلوقتي اي عربيه جديده بيكون فيها باور ومعدش حكايه الباور دي اوبشن خااالص ده اساسي ف العربيه المهم انا عربيتي دركسيون عاده فكرت اخليها باور ناس كتير قالولي العاده احسن طب ازااااي يا جدعااان يقولك الباور ع السرعات العاليه لو عملت حركت الدركسيون جامد ممكن تتقلب وناس تانيه تقولك الباور حلو ف قلب البلد لكن ع الصحراوي والدائري وحش لانه بيبقي خفيف فحت عاوز اعرف ايه حكايه الباور بقي ؟؟ وايه عيوبه ؟؟ وتنصحوني اعمل عربيتي باور ولا اخليها عاده وخلاص ؟؟؟ وشكرااا

[m_elmasoudy]

طب على كده بقى يبقى كل العربيات الحديثة اللى حضرتك بتقول ان الباور بقى تجهيز أساسى فيها، لما بتمشى بسرعات عالية بتتقلب ؟؟؟

ياباشا مفيش الكلام ده خااااالص، إتوكل على الله وركبه، وربنا يستر طريقك....

[taklaloveu]

طبعا .. الباور دا شئ أساسى فى العربيه .. ومن غيره الأمور بتبقى متعبه جدا فى الركن .. والقياده جوا البلد .. لكن بعد سرعة نقول من 50-60 الباور بيفقد دوره .. وبكدا مافيش خوف بقى انه يقلب العربيه والكلام دا .. انا كان معايا اكسنت 1500 cc مو 98 وكان فيها باور وجبت بيها 160 وماكنتش بمشى اقل من 120 على الطريق ..
لا تقلق .. اتوكل عل الله وركبه .. وهتنبسط بيه جدداا انشالله ..

[ahmed el gendy]

انا اقصد يا جماعه لو انت ماشي بسرعه بعد 100 وزاتفاجئت بشيء وحاولت تفاديه باقصي قوه عندك يعني كسرت الدركسيون من اقصي اليمين لاقصي اليسار ف لحظه مش ممكن يبقي فيه خطوره؟؟

[samirsaid1]

المشاركة الأصلية كتبت بواسطة ahmed el gendy انا اقصد يا جماعه لو انت ماشي بسرعه بعد 100 وزاتفاجئت بشيء وحاولت تفاديه باقصي قوه عندك يعني كسرت الدركسيون من اقصي اليمين لاقصي اليسار ف لحظه مش ممكن يبقي فيه خطوره؟؟

اولا مش معنى باور ان الدركسيون هو اللى بيتحكم فيك انت اللى بتتحكم فية بالكامل
ثانيا الباور على السرعة العالية بيتقل وبيقى تقريبا زى العادة عشان الدركسيون بيبقى تقيل وتتحكم اكتر لكن هو مافيش مشكلة فية خالص