عزيزى قائد السيارة - احترس انت فى مصر ما بعد الثورة

[ehabnbd]

احترس انت فى مصر ما بعد الثورة !
مش عارف امشي ف الشارع يا اخوانا ولاحظت التالى:
التاكسيات :
* الشوارع ملك خاص لهم يقفوا ف نص الشارع براحتهم واياك تتكلم ويدخل مخالف ف شوارع مينفعش اصلا تمشي فيها عدل ، الواحد بيتجب دخول هذه الشوارع فى اتجاهها السليم وهما بيدخلو مخالف.
* لو ماشي فى حارتين او تلاتة انسي انك تغيير حارتك لحارة تانية ووراك تاكسي لانه لو سمح لك بالدخول امامة هيتحبس.
* سواق التاكسي بيركب عربيته يدور مارش – يحط ايدة على الكلاكس – يدى غيار – ويمشي ولو ساب الكلاكس العربية هتنفجر منه.
* عادى جدا يطلع منك ويدخل قدامك ويقف فجأة وانت اللى غلطان لو لمستة لانك انت اللى من ورا !
* لو وراك تاكسي وقدامك عربيات والطريق واقف هيفضل يديك فى كلاكسات لغاية متسيبلة الحارة خالص او تركب اللى قدامك علشان الافندى مستعجل.
التوكتوك والتريسكل:
معرفش لية كل سواقين التوكتوك من اقذر فئات المجتمع فى كل الجمهورية مش ف محافظتى بس !!
* يدى اشارة شمال اجى اطلع من يمينة الاقيه كسر يمين !!!!!!!!! ويقولى ايه يا استاذ امال الاشارة اللى انا مديها دى مديها لمين !!!!!!!!!!!!!!!!!!!!!!!!! !!!!
* يدى اشارة يمين واساسا مفيش دخلة يمين ( على يمينه ترعه !!!)
* وواحد بص من التوكتوك ومرة واحدة لقيته قدامى ، فرملت واديته كلكس قالى (( مش شايفنى باصص من الناحية دى !!!!!!!!!!!! ) معناها لو بص من الناحية اليمين يبقى الباشا داخل يمين ولو بص من الشمال يبقي سيادته داخل شمال !!!!! (( يا لهوىىىىىىىىىىىىىىىى))
* التوك توك والتريسكل والموتوسيكلات عبارة عن عجل ملهمش دعوة لا بالاتجاهات ولا باى قواعد قيادة او مرور.
* عادى جدا 2 توك توك ماشيين جنب بعض (( على الطريق السريع )) وقافلين الاتجاه وماشيين يحكوا !!! وانت ادى فى كلاكس او قلب نور براحتك شوف مين هيعبرك .
الناس :
* تديهم كلكس يجيوا قدامك !!!!!!!!!!!!!
* يا اما يبصلك ويشوحلك بايدة !!!!!!!!!!!!!!!! ( نظام ما تصبر شوية يا اخى ولا انت عاوز ايه !!!)
* لو شباب ماشيين لازم يمشوا ف نص الطريق وتديهم كلكس يبصلك ويشاورلك على الرصيف (( يعنى عندك وسع اهو ما تعدى يا عم انت !!!!!!!!!!! ))
* البنات تدى كلاكس او متديش ولا هما هنا ،، لازم اطلع من جنبهم ببوز العربية واكسر عليهم بشويش علشان يبصولى (( بقرف )) ويمشوا على جنب (((( يعنى بيخلونى آل ايه اعاكسهم غصب عنى ))))
الباص والاوتوبيس الداخلى :
* لا تعليق

طيب
لو انت انسان محترم ومحترم نفسك تعمل ايه ؟؟؟؟؟؟ طب لو انت انسان عصبي تعمل ايه ؟؟؟؟؟
وبعد كدا نتكلم عن التحضر والحضارة والحرية؟ طيب يجيوا منين اذا كان الانسان مش محترم نفسه !!!!!!!! اسمحولى اقول لاخلاق ( معظم واغلبية وليس كل ) الشباب والشعب المصري
تيييييييييييييييييييييييي ييييييتتتتتتتتتتتتتتتتتتت تتتتتتتتتتتتتتتتتتتتتتتتت تتتت
احنا لسة تحضر ورقى ((واتلفنا حضارة الـ7000 سنة بتوعنا))
وطبعا دا فى مجال القيادة والسيارات فقط

وبانتظار تعليقاتكم

[mar mar]

يعني كان الحال غير كده قبل الثوره كان انيل وكل ما تيجي تتككلم مع حد يقولك نت عارف ابويا مين
ويطلع ابوه ولا حاجه بس ليه معرفه جامده

[ehabnbd]

المشاركة الأصلية كتبت بواسطة mar mar يعني كان الحال غير كده قبل الثوره كان انيل وكل ما تيجي تتككلم مع حد يقولك نت عارف ابويا مين ويطلع ابوه ولا حاجه بس ليه معرفه جامده

للاسف الشديد اقولها وانا حزين وفى حلقى غصة ، الناس كانت بتخاف من المخالفات والرادار والكماين

ومكنش حد يجروء انه يدخل معاكس او يعدى على كمين من غير اوراق مضبوطة

واخلص من ذلك ان امثال هؤلاء ( وهم اغلبية )

جبناء يستقيمون بالعصــــــــــــا لا باحترام النفس

[oceanboy425]

اذا لم تستحى افعل ما شئت

[Hamada_El_Sh3er]

والله يا باشا كلنا بنعاني من الحاجات دي
وانا بقى من القاهرة وبشوف أكتر من اللي انت بتشوفه بكتير
إيه رأيك لو حكيت ليك موقف صغير كده كنت ممكن اقتل فيه سواق ميكروباص
( في يوم بالليل الساعة 9 تقريباً وقفت عند محل بتاع إكسسوارات عندنا في شارع إسمه أحمد حلمي .. ودخلت أسأل على حاجة وكنت سايب والدتي في العربية وجيت خارج ولسه بفتح الباب وبدور العربية وهطلع
لقيت سواق ميكروباص وقف ورايا وتقريباً كان لازق في الأكصدام بتاعي .... المهم هو كان نازل يزود الكاوتش عنده
انا روحت وقولتله : ينفع كده يا اسطى .. أبقى خارج وانت تحبسني كده .. يرد ويقولي يعني انت ماتخرجش الا وانا داخل والمشكلة إنه لزق عربيته في عربيتي ولما نزل عشان يدخل المحل بقى ينط من فوق الأكصدامات ... أنا بقيت مذهول من قلة الزوق اللي هوة فيها ... وملقتش كلام اقوله بجد ... كل اللي عملته اني استنيت لحد اما خلص ورجع ورا وخرجني ... بس وانا خارج رخمت عليه ووقفت قدامه في وسط الطريق )

فهو ده بقى الشارع المصري بعد الثورة