|
|||||||
| كهرباء السيارة ساحة مخصصة للمواضيغ الفنية المتعلقة بجميع اﻷنظمة الكهربية فى السيارة بما فيها أنظمة التسلية |
 |
|
|
أدوات الموضوع |
|
|||||||
| كهرباء السيارة ساحة مخصصة للمواضيغ الفنية المتعلقة بجميع اﻷنظمة الكهربية فى السيارة بما فيها أنظمة التسلية |
|
|
|
أدوات الموضوع |
|
#1
17-11-2011, 01:05 PM
|
|||
|
|||
ازاي تعرف ان عربيتك بتستهلك البطارية و هيه مش شغاله !! انا اقول لك
بسم الله الرحمن الرحيم
ابسط اختبار لمعرفة وجود احمال علي السيارة و هي غير دائرة كالتالي 1 - هتخلع كابل من البطارية 2 - هتجيب لمبة صغيرة حوالي 5 وات او 10 وات زي المستخدمة في النور الصغير او نور الصالون 3 - هتركب فيها سلكبن في الاطراف 4 - هتوصل طرف بالبطارية و الطرف التاني بالكابل اللي خلعناه 5 - لو اللمبة نورت دة معناه ان فيه سحب و العربية مش شغاله بس استني شوية لو عربيتك حديثه هتنتظر ثواني لغاية مانور الصالون يطفي و ده من غير ماتلغي اللي عملناه علشان العربيات الحديثه نور الصالون بيبقي علي تايمر و بيعمل سحب ثواني و بيفصل بعدها طيب فرضا اللمبة فضلت بعد دقيقة او دقيقتين برضه منورة انا قصدي متوهجه مش مسرية يبقي فيه حاجه كمان بتسحب و عموما اول حاجه هتشيك عليها نور الشنطه لو الشنطه فيها لمبة ممكن تكون مش بتفصل ( مش قلت لك ماتسيبش باب التلاجه مفتوح - زيها كده بالظبط ) هتتأكد ان لمبة الشنطه بتفصل لما بتقفل الشنطه ماتسألنيش ازاي حط واحد جوة الشنطه و اقفل عليه تاني حاجه لمبة درج التابلوه دي برضه ممكن تكون عامله سحب ثالث حاجه ام بي ثري الولاعه لو الولاعه شغالة مباشر و مش علي الكونتاكت رابع حاجه جهاز الانذار اه فيه اجهزة انزار غبية حملها عالي خامس حاجه وحدات رفع الزجاج و مكن الزجاج ممكن يكون فيه زجاج اي باب رافع للآخر و الزرار او وحدة الرفع بتعلق عايزة الزجاج يطلع من سقف العربية  عادي بتحصل و مش هتاخد بالك بس دي هتعرفها لو حطيت ايدك علي الفرش ناحية ماكينة الزجاج هتحس بسخونتها سادس حاجه سلك الذاكرة بتاع الكاسيت - ايوة اي كاسيت بيبقي فيه سلك اصفر بيوصل مباشر علشان المحطات المخزنة و آخر وضعيه كان مفتوح او مغلق و اعدادات السماعات و الفوليوم و الوقت ممكن يكون ذاكرة الكاسيت بتستهلك شوية لو لقيت كل ده سليم و اللمبة برضه متوهجه يبقي حلال عليا عربيتك و كفاية عليك فيها 100 جنيه علشان انا زهقت لو اللمبة فيها يعني شبه تسرية بس فده طبيعي و ساعتها يبقي البطارية بايظه و اي خدمة م / سامح ليله
__________________
امتلك ماشئت ستذهب كما جئت 
|
|
#2
17-11-2011, 01:34 PM
|
||||
|
||||
|
رد: ازاي تعرف ان عربيتك بتستهلك البطارية و هيه مش شغاله !! انا اقول لك
معلومات جامدة شكرا للأفادة
|
|
#3
17-11-2011, 01:36 PM
|
|||
|
|||
|
رد: ازاي تعرف ان عربيتك بتستهلك البطارية و هيه مش شغاله !! انا اقول لك
يا باشا الله ينور عليك
|
|
#4
16-02-2012, 11:28 PM
|
||||
|
||||
رد: ازاي تعرف ان عربيتك بتستهلك البطارية و هيه مش شغاله !! انا اقول لك
 اكثر من ممتاز يعني راااااااااااااااااااااااا ااااااااااااائع
|
|
#5
22-02-2012, 10:28 AM
|
||||
|
||||
|
رد: ازاي تعرف ان عربيتك بتستهلك البطارية و هيه مش شغاله !! انا اقول لك
مجهود ممتاز
جزاك الله كل خير
__________________
قال الله تعالى في كتابه الكريم ( مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ) اللهم استرني فوق الارض و تحت الارض و يوم العرض اللهم إني أسألك العفو والعافية في ديني ودنياي وأهلي ومالي اللهم استر عوراتي، وآمن روعاتي اللهم احفظني من بين يدي ومن خلفي، وعن يميني وعن شمالي ومن فوقي، وأعوذ بعظمتك أن أغتال من تحتي اللهم من أراد بي سوء فأشغله في نفسه.. ورد كيده في نحره وأجعل تدبيره تدميرا له يارب اللهم إن كان رزقى فى السماء فأنزله ... وإن كان فى الأرض فأخرجه ... وإن كان بعيداً فقربه ... وإن كان قريباً فيسره ... وإن كان قليلاً فكثره ... وإن كان كثيراً فبارك لى فيه ... اللهم ارزقنى رزقاً حلالاً طيباً مباركاً فيه ... 
|
|
|
|
