جدل حول تغيير السرعات بدون دبرياج

[aymangalal]

السلام عليكم
قريت كتير عن موضوع نقل الغيارات بدون الضغط على دواسة الدبرياج
والغريب انى لقيت ناس كتير بتعمل كده بدون اى اضرار
لكن طبعا لازم يكون فى شروط عشان تجنب الاضرار دى واهمها (ان النقل يتم عند عدد لفات RPM للموتور معين) ومايقلش عن 2500 لفة
طبعا انا مش عارف مدى صحة الموضوع ده على الرغ من ان فى ناس كتير ماشيين كده بدون استخدام الدبرياج وطبعا الفكرة كده والاستخدام بقوا مانوال بنسبة 90%
والحقيقة انا ما دورتش فى المنتدى على موضوع مشابه عشان اعرف منه وعملت موضوع جديد
ممكن اقتنع بالفكرة دى لكن العجيب بقى هو ازاى اطلع من غير مادوس دبرياج وانقل على اول غيار وكمان فى الزحمة طبيعى ان العربية بتبقى على الاول والتانى يعنى نقل غيارات باستمرار وسرعة بطيئة نسبيا لاتتعدى فى الموتور 2000 لفة عند نقل الغيار من الاول للتانى
حاجه محيرة فعلا
ياريت حد من اخواننا المخضرمين فى الموضوع ده يقولنا على حقيقة الامر
وكل عام وانتم بخير

[midoelmodamer]

الكلام ده علمى يا حج ؟؟؟؟؟ :D

[sherif fersh]

لا يمكن بأى حال تعشيق الأول أو الخلفى و المحرك دائر بدون دبرياج
أما باقى النقلات ممكن مع الكثير من الصعوبة فى تعشيق الخامس
ما فات هو خبرة سنين مع الـ127 و الآتى خبرات متنوعة و مناقشات مع الأصدقاء
128 نفس الكلام
لانوس نفس الكلام
فيرنا .. نفس الكلام
نوبيرا.. نفس الكلام
مرسيدس قديم .. نفس الكلام
أوبل فيكترا .. نفس الكلام
حاولت كتير مع السيفيك خاصتى .. مستحيل ( جايز عشان فيها دبرياج رياضى stage 2)
و أكيد هناك من هم أكثر خبرة منى فى هذا الموضوع
إلا أنى لا أجد له أى فوائد ......................... ......
و يكون أصعب كل ما كانت حالة الدبرياج جيده
و العكس بالعكس
و تتم هذه ( الحركة ) بالحرق على الترس و تعشيق النسبة الأعلى عند رفع القدم من فوق
دواسة الوقود و بدء إنخفاض عدد لفات المحرك
ممكن الحركة دى تتعمل لمجرد الشعور بالإنتصار على مبتكر القابض ( الدبرياج )
أو لسرعة التعشيق ( تعتمد على السيارة )
أنما أكرر ... لا فائدة حقيقية
و لا أعرف الأضرار التى ققد تحدث جراء هذا
وتحياتى ‘

المشاركة الأصلية كتبت بواسطة aymangalal السلام عليكم قريت كتير عن موضوع نقل الغيارات بدون الضغط على دواسة الدبرياج والغريب انى لقيت ناس كتير بتعمل كده بدون اى اضرار لكن طبعا لازم يكون فى شروط عشان تجنب الاضرار دى واهمها (ان النقل يتم عند عدد لفات RPM للموتور معين) ومايقلش عن 2500 لفة طبعا انا مش عارف مدى صحة الموضوع ده على الرغ من ان فى ناس كتير ماشيين كده بدون استخدام الدبرياج وطبعا الفكرة كده والاستخدام بقوا مانوال بنسبة 90% والحقيقة انا ما دورتش فى المنتدى على موضوع مشابه عشان اعرف منه وعملت موضوع جديد ممكن اقتنع بالفكرة دى لكن العجيب بقى هو ازاى اطلع من غير مادوس دبرياج وانقل على اول غيار وكمان فى الزحمة طبيعى ان العربية بتبقى على الاول والتانى يعنى نقل غيارات باستمرار وسرعة بطيئة نسبيا لاتتعدى فى الموتور 2000 لفة عند نقل الغيار من الاول للتانى حاجه محيرة فعلا ياريت حد من اخواننا المخضرمين فى الموضوع ده يقولنا على حقيقة الامر وكل عام وانتم بخير

http://www.youtube.com/watch?v=BhKcOhbIgP8

http://www.youtube.com/watch?v=jLw0hAtOik4

http://www.youtube.com/watch?v=0AJXsVj-PMg

http://www.youtube.com/watch?v=shwbYFDMBW4

http://www.youtube.com/watch?v=SrcRIrFNsrc

:TH E_PR~18::THE_P R~18:

[memodina1]

والله وانا زمان لما كنت شغال فى الجونة بتاعت الاتوبيسات الراجل السواق نقل الغيار من غير ما يدوس دبرياج ادامى وقالى عادى وتتعمل وحوار وعملها فى عربية نص نقل صينى وقالى عايزة محترف عشان متبوظش العربية وانا الصراحة مش هجربها ولا عايز اجربها