مشكله وانا ماشى بالعربيه بعد 100 كيلو سرعه فى الانسر بومه

[ahmedShafie]

السلام عليكم

فيه مشكله وانا ماشى بالعربيه بعد 100 كيلو وادوس فرامل علشان اهدى لمطب لو اى سبب بلاقى الدركسيون بيرعش ويهتز سالت واحد صحبى قالى دا عيب طنابير

صح ولا ايه ولا فيه عيب فى العفشه ارجو المساعده

[medoelsoni]

دة عيب طنابير ولو كانت فيرنا كنت قلتلك متحولش لأن دة عيب ومش بيتصلح حتى بعد تغير الطنابير هو ورعشة الترصيص

[memodina1]

طنابير بلا شك بس نصيحة اخرط الطنابير عند حد كويس وغير التيل اهم حاجة لانة هيكون متاثر بالعوجة القديمة بس لو معاك ومستريحة شوية طبعا يبقى هات جديد من التوكيل ونصيحة تانى تخرط احسن ما تجيب تقليد ومتجبش الاصلى الا من التوكيل كل اللى برة زفت حتى و صنع فى المريخ

[ahmedShafie]

الطنابير دى ممكن تتظبت ولا اغيرها بجديده وشكرا لحضرتك

[ahmedShafie]

المشاركة الأصلية كتبت بواسطة memodina1 طنابير بلا شك بس نصيحة اخرط الطنابير عند حد كويس وغير التيل اهم حاجة لانة هيكون متاثر بالعوجة القديمة بس لو معاك ومستريحة شوية طبعا يبقى هات جديد من التوكيل ونصيحة تانى تخرط احسن ما تجيب تقليد ومتجبش الاصلى الا من التوكيل كل اللى برة زفت حتى و صنع فى المريخ

طب الشغلانه دى مين بيعملها بتاع الفرامل ولا بتاع العفشه ولا المكانيكى

معلش انا معنديش خبره