تغير جيربوكس الفيرنا من مانيوال الي اوتومتيك

[ايمن منصور ((عباسى ))]

كنت كاتب موضوع عن مشكله ظهرت معايا في طقم الدبرياج
المهم
جاتلي فكره قولت انقشها معاكم ونشوف مع بعض من جميع الاتجهات
الفكرهان نغير المانيوال الي اتوماتيك
1 كده كده لوحبيت اغير طقم دبرياج لازم نفك الجيربوكس
2 تكلفه تغير طقم الدبرياج حتخش في 500 جنيه بالمصنعيه ولو في التوكيل 1200 جنيه ....عن اكيد
3وبعد فتره مش كبيره قوي حنغير تاني لاسباب كتيره اولا الزحمه الي بتخلبنا نستهلك طقم الدبرياج والفرامل بسرعه
ثانيا الانواع الي ممكن تكون مضروبه ودا طبعا موجود وما اكثر الغش في قطع الغيار

طيب لو فكرنا اننا نجيب جيربوكس استعمال ونركبه بدل التاني حنستفاد ... ب
1راحه الاتوماتيك
2 طول عمر طقم الدبرياج
3 اوبشن زياده في السياره

طيب ايه الي محتاجينه
1 ننزل نشتري جير اتوماتيك للفيرنا
2نشتري الكونسوله بتاعت الجير الاتوماتيك من الداخل - بتاعت الصالون
3 ميكانيكي فاهم
4 حنلغي بدال الدبرياج وعلبه زيت الدبرياج - طبعا الميكانيكي هو الي حينفذ

بس خلاص
سهله مش كده

نبدا النقاش ونبدا الحوار

[El-masry]

لو هتتنفذ صح هتبقي فكرة حلوة جدا

انا معايا فيرنا اوتوماتيك بس من غير تعديل انا شاريها اوتوماتيك
و احب و اطمنك الفتيس الاوتوماتيك بتاعها مافيهوش اي مشاكل الحمد لله و لا اي حد اعرفه معاه فيرنا اوتوماتيك بيشتكي منها

[haninatoon]

طب ماتريح دماغك وتبيع ال مانيوال وتشترى فيرنا اوتوماتك واهة اسمك مالعبتش فيها وتقفيل المصنح مش تقفيل عم عبدة الميكانيكى لان التحويل فى فى اماكن التغيير مساميير مش حيلاقيلها اخرام فيضطر يظبطها

[aymanlaw]

الفكره جميلة ومعك حق فى شكواك وده لما تكون راكب اوتوماتيك وبعدين تغير لمنيول زى ماأنا عملت بتجد الموضوع فيه عكننه كتير ولكن مع الوقت الواحد بيحاول يضحك على نفسه ويقنع نفسه ان الموضوع بسيط,المهم هى فكرة جميلة ولكن التنفيذ اعتقد هيكون صعب لعدة اسباب:
1-الميكانيكى المحترف والنظيف الذى سوف يدير هذه العملية بأحترافية ونظافة حتى ترضى حضرتك عن هذا العمل.
2-سوف تقوم بتغيير الكبالن+الريداتير,واشياء اخرى داخل غرفة الموتور.
3-سوف تقوم بتغيير لوحة العدادات للوحة عدادات بها مسار فتيس الأوتوماتيك,يعنى شغل كهربائى على ماعتقد.
4-تغيير الكنصول الخاص بعصاية الفتيس وغيره من الأمكانات.
المهم الموضوع محتاج مجازفة وسؤال للمختصين الماهرين المحترفين النشفين الجمدين العتولة.
وربنا معاك ونحن وراءك بلدعاء ويارب ينجح مشروعك علشان نسير فى خطاك الأوتوماتيكى(وتبقى توماتيكى توماتيكى ولعتها منها فيها)انا مش بهرج والله ولكن حابب اضحك شويه اعذرنى .
وكمان فى اخ فاضل عمل حاجة اخرى فى سيارته الأسبرنزا a516 وهو انه غير الموتور والفتيس بموتور وفتيس اوتوماتيك,يعنى زى مابيقولو بلأنجليزية ان يكون الموضوع (كوماكتبول)وبلتالى كل شىء يكون متوافق مع بعضه,عارف حضرتك كده زى جهاز الكبيوتر التجميع والجهاز الأوريجينال,ومن هنا يكون اداء الموتور مع الفتيس متوافق وسلس....
وعلى العموم ربنا يوفقك كما احب ان اشكرك على طرح مثل هذه المواضيع التى تفيد الجميع الف شكر, بس خلى بالك استعد:1 336::13 36:والي ومين دول العملية فى النملية والأكس فى التكس وكل عام وانتم...
تحياتى وشكرى لشخصك الكريم والله الموفق بأذن الله,وهذا رابط السيارة الأسبرانزا يمكن الموضوع يفيد حضرتك او تكون حابب تكلم صاحب الموضوع والسيارةhttp://www.masrmotors.com/vb/showthr...:Bravo::Bravo:

فعلا انا شايف ان التكلفة والتعب النفسي من ان ممكن حاجه تتعمل غلط يبقي الاريح نبيع المانيول ونزود علي تمنها مثلا 2000 جنيه ونجيب اتوماتيك جاهزه