|
#1
11-10-2011, 02:13 PM
|
||||
|
||||
بعد المقارنة بين M11 واللوجان ...يبقى السؤال المحير !!!!!!!
اولا احب اشكر كل اعضاء المنتدى لانهم ما بيبخلوش علينا باي معلومة ..... انا كنت خلاص قررت اشتري اسبيرنزا M11 وطبعاً بعد المفضلة بين اللوجان ..... انا روحت عند سمير ريان وكانوا وقفين جنب بعد M11 واللوجان وطبعا دة كان من حسن حظي عشان اقدر اقارن .
وطبعا من حيث الشكل مفيش اي مقارنة بينهم ال M11 شبابية جدا وعصرية ورياضية وشكلها تحفة غير اللوجان تحس انها عربية قديمة ..... والاسبيرنزا نازلة فول ابشن وفيها فرامل ABS + EBD وسنسور مطر وسنسور اضاءة واللوجان اعلى فئة فيها هاقول المغربي فيها كمبيوتر رحلات فقط اما الروماني فيها زيادة اير باج + ABS بعدين دخلت الاسبيرنزا شوفتها من جوة حاجة فخمة جدا الصراحة اكنك راكب سيراتو لو ان ال M11 اشد كمان (من وجهة نظري) ً بس الشنطة كانت صغيرة ودة طبعا عشان التصميم الرياضي وبعدين نزلت ركبت اللوجان ): مش هاكولكم مفيش مقارنة نهائي قرفت اوي الصراحة طبلوة عادي جدا مفيهوش اي لمسة جمالية واللي غازني اوي اوي موضوع الزراير بتاعت الازاز والكلاكس اللي موجود في الدراع .... تحس انك راكب ميكرباص الترامكو ..... لكن الشكل العام للصالون مقبول والخامات كويسة والميزة الاكبر الشنطة واسعة جدااااااااااااااااااااااا اااااااااااااااااا طبعا انا لما روحت كنت بقارن بين الكماليات والاكسسوارات اللى موجودة والشكل لكن لما فتحت الموقع هنا لاقيت ناس كتير بتشتكي من ال M11 والشكوة كانت متركزة على الدينمو اللي بيفصل لوحدة وقربة المية اللي ببتخرم ومكنة الازاز الخلفي بتبوظ لوحدها وامبير البنزين بيبوظ وفي شكوة قليلة من الطابلوة بيبوظ وبيعمل اصوات وفي عضو ذكر انه غيرو مرتين ... لكن لكن لكن ((( محدش ذكر فيهم عربيتو كانت موديل كام ودة شئ مهم لانهم اكيد الموديل بتاع السنة اللي بعدها بيعدلو الحاجات دية )))) والله أعلم واللي يقدر يفصل في النقطة دية اصحاب الموديلات الجديدة لكن كل الاعضاء ذكرو ان التوكيل غير كل الحاجات دية ومتحملوش تعريفة ودة شئ كويس لكن الشئ اللى مش كويس ان في أعضاء ذكرو ان قطع الغيار مش متوفرة ... ودة شئ مش كويس والله اعلم دلوقتي الحال بأه أيه لكن من وجهة نظري ان العيوب دية مش كبيرة يعني دينمو وقربة مياة ومكنة ازاز وعداد البنزين ...عيوب مش كبيرة ومفيش حد اشتكي من العفشة او الموتور او التكييف او الفتيس ودول طبعا اهم حاجات في العربية او هما العربية اصلا اما اللوجان وعلى كلام اعضاء المنتدى ان صوت الموتور عالي وقطع الغيار غالية شوية لكنهم اجمعو انها معمرة والمشكلة الاكبر من وجهة نظري بردو لازم تفتح الشنطة والتنك من بره ... (( مش بقولكم تحس انك راكب ميكرباص الترامكو )) لكن العربية بردو متعتربش ليها مشاكل فنية وأيضا شكر ملاك السيارة في العفشة وانها ناعمة جدا لكن السوال المحير فعلاً وبعد كل الكلام دة كله أشتري أيه M11 ولا لوجان ؟؟؟؟؟؟؟؟؟؟؟ انا من وجهة نظري المتواضعة كفة اللوجان تكسب طبعا لانها رينو ماركة معروفة منذ قديم الزمن ولها سمعتها المعروفة واللي ماتقدرش تضحي بيها وغير كدة انتشرت اكتر من ال M11 وال M11 صيني لكن اثبتت نفسها في مصر وسيارات اسبيرنزا عموما مغرقة البلد لكن مش M11 وبعدين حيران اضحي بكل الكماليات دية والشكل التحفة دة عشان خاطر قلقان من الصيني وكلام الاعضاء من حيث قلة قطع الغيار ومحدش بيشتغل فيها برة التوكيل .... أرجوكم دلوني اعمل ايه انا ان شاء الله هاشتري اخر الشهر دة ......... 
|
|
#3
11-10-2011, 03:44 PM
|
|||
|
|||
رد: بعد المقارنة بين M11 واللوجان ...يبقى السؤال المحير !!!!!!!
رائى تخليك فى المضمون- اللوجان
بامنطق - اواي كماليات و شكل يبقى عامل زى البي ام و السعر يبقى زى الكورى- الصينين و لا هم اغبية و لا هم عاوز ياكلوا السوق لانهم بالفعل واكلينوه الصينى بيهتم بالمظهر الخارجى و ليس و بالجودة نعم يقال هناك ِABS , EBD و لكن هل انت متاكد انهم يعملوا فى الوقت المناسب - لا احد يعلم- و لكن هذا لا ينفى ان هذة الخصائص مش موجودة مثال اخر - الموبيل الصينى هل بجودة الموبيل ال سامسونج مثلا الاثنين صنع فى الصين و لكن الماركة مختلفة سامسنج يبانى و لكن صنع فى الصين و الاخر صينى مصنع فى الصين انا هاحكيلك جزء من قصتى و انت لك القرار فى الاخر انا لما رحت معرض فورميلا الاهرام فى شهر ينار السابق - ركبت ال BYD , و الاسبرانزا و الاولي كانت اشيك المهم دخلت جوه العربية  - انا اتوهمت ( دى فى دى و اوتوماتيك رائع و شكل كاسيت مذهل و شطل تابلوه كانه تويوتا كرولا ) و ماتور ماتسوبشى -و لكن لقيت كل حاجة بعد كده من مواسير الميه بتاع الردايتر الي الردايتر نفسة الي خامات التابلوه كانت رديئة للغاية فانا قلت لا شكرا انا عاوز عربية تعمر شوية قبل ما ابيعها و اعتقد انها ليست كذلك  و لا خاب من استشار- استشر المقربين منك ايضا  و فى النهاية استخير ربنا
|
|
#4
11-10-2011, 04:03 PM
|
||||
|
||||
|
رد: بعد المقارنة بين M11 واللوجان ...يبقى السؤال المحير !!!!!!!
نملك ام11 منذ 9/2009 موديل 2010 لم يظهر بها سوى موضوع الزجاج الخلفى وهو عيب عبيط جدا والبطارية الى تصنع محليا فى مصانع منصور بتاع شيفوليه وتم تغيرها الحمد لله السيارة حتى الان زى الفل وربنا يقدر لك الخير ان شاء الله
__________________
 geologist the best 
|
 |
|
|
