إمتى البلد هتهدأ ؟؟؟؟

[د.كمال]

لحد إمتى البلد هتفضل كده .....كل يوم والتانى مظاهرات وإعتصامات ومليونيات ومطالبات وفئويات وتكسير وتدمير وحرق ......ونصبر نفسنا ونقول فلول ....
إمبارح واليوم أ ولادى رجعوا من المدرسه الساعه 10 صباحا والمدرسين طردوهم من المدرسه وقالوا لهم محدش ييجى تانى بسبب إن المدرسين معتصمين وعاملين إضراب لزياده مرتباتهم .....تصوروا المدرس الذى كاد أن يكون رسولا يطرد التلاميذ من المدرسه ......التلاميذ دى هتتخرج من تحت إيد المدرس ده إيه ؟؟؟.......طب الحكومه هتجيب منين ...........خرج أكتر من 1500 تلميذ من المدرسه وبدأوا فى تكسير كل شيئ قابلوه عربيات ....محلات ....شجر ....شجار مع بعضهم البعض ....تحديف طوب ....
للدرجه دى وصلت بينا الأمور .....بصراحه بحس إن إحنا شعب همجى .....شعب غجرى .....شعب خساره فيه الثوره العظيمه دى ......شعب مينفعش فيه غير الكرباج عشان يسمع الكلام ويعقل ......لحد إمتى هنفضل على كده ......هى البلد رايحه على فين .....إمتى البلد هتهدأ ؟؟؟؟

[mohamed selem]

احنا شعب نمرررررود

[Viva4ever]

والله نفس الاحساس لدرجة اني بدأ اصدق عمر سليمان لما قال ان الشعب المصري غير مستعد

للديمقراطية, لان 40% من الشعب امي (بضم الالف) و كتير من المتعلمين هم انصاف متعلمين

واكبر مثال الاستفتاء لما الاخوان المسلمين ضحكوا علي الناس وفهموا الناس ان لما تقول نعم كده

الشريعة الاسلامية هي مبدا التشريع ولا وقولت لا كده مصر مش هتبقي اسلامية ههههههههه

رغم ان الاستفاء لم يتناول المادة الثانية الهي الاسلام مصدر التشريع وكل الناس قالت نعم رغم انهم

مش فاهمين متعلمين ومش متعلمين وتسأل واحد انت قولت نعم لية يقولك كده حلو علشان الاسلام

محدش بقي حاسس بالبلد المعلمين فضلو سكتين 30 سنة ودلوقتي لما البلد مفهاش فلوس و

الاحتياطي النقدي للبلد قرب يخلص عايزين مراتب كل واحد 3000 جنية بعد لما كان 450 جنية

طيب ازاي يعني؟؟؟؟؟؟؟؟؟؟؟؟؟؟

ربنا يكرم مصر برئيس يحطنا علي الطريق الصح لبناء دولة مدنية حديثة

[تامر ديزل]

الله عليك يا دكتور كمال وعلى مواضيعك الجميله
احلى حاجه ان بداية الموضوع ده زي بداية موضوع هي دي الثوره
فضفضه من مصري مهموم ورافض اللي بيحصل واصلي (مش مضروب او متمول اومتحول )
طيب ممكن سؤال لو ماهديتش نهديها ازاي ولا احنا هانقف نتفرج على البلد وهيا بتتدمر
لو عملنا كده يبقى مانستحقش نعيش فيها
بفكر اعمل ايه مش لاقي لحد دلوقتي حاجه ممكن تتعمل
فيه اي حد ممكن يصلي ع النبي ويفتح الباب ويقترح علينا نعمل ايه ؟

[mar mar]

مافيش ثوره من غير عواقب دي عواقب الثوره
مش هينفع ناخد الحلو ونسيب الوحش لان البلد دي بقاله 30 سنه وحشه
بس هتهدي امتي
بد سنتين بعد ما يكون في رائيس دوله ويبقي كمان في قوانين وحقوق
وحد ادني للاجور
اكيد الدنيا محتاجه وقت علشان تظبط الثوره علشان تقوم اخدت 30 سنه ظلم وقهر
مش قادرين نثبر سنتين تلاه تظبيط بعديها