سخونية جلمدة اوى فى الجنوط فيرنا 2008

[non2010]

يا رجالة المنتدى انا امبارح نزل مسافة 7 كيلو وركنت العربية ساعتين وبعد كده نزلت مروح البيت لقيت الطاسة مش موجود وفيه ريحة شيا من الجنوط الى ادام والفرامل محجرة وجيت احط ايدى على الصواميل قولت فى عقل بالى حد سرقت الطاسة ومربتش الصواميل فدا السبب قمت حاطط ايدى على الصواميل ويالهوووووووى ايدى اتكوت فانا عايز اعرف دا ايه وسببة ايه قبل ماروح للميكانيكى لان العربية كدا تعتبر الفرامل فيها زى قلتها

[DR.AMER HASSAN]

غالبا تيل الفرامل قافش يا اخي العزيز.... اتاكد اذا كان سحبها زي منتا متعود و لا لاء غالبا هيكون اقل زي متكون ماشي و رافع الهاند... و الي ياكد كمان لو في ريحة شياط... و الافضل توديها لميكانيكي

[khaabas]

غير التيل والسخونية دى عادية

[memodina1]

يا عم انا عندى بتولع وخد بالك انا متاكد مليون المية انى الطاسة دى مش الفبريقة اللى جاية مع العربية دى طاسات جديدة انت شريها كدة بحوالى 70 جنية مش اكثر صح كلامى
المهم عشان تتطمن ارفع العجلتين وحركهم لو اتحركوا بسهولة مش يعنى يجروا لاة يتحركوا بسهولة شمال يميين كدة يبقى الموضوع عادى لو ناشفين اوى يبقى تعمل التالى
تروح لبتاع فرامل مش ميكانيكى بتاع فرامل
وعشان ميعش فى الدور قلة انك هتعمل التالى وبس فكك من اى كلام تانى ولا خرطوم ولا ماستر ولا غير كل اللى تعملة
1-تنظيف البساتم وتشحيمها
2- تغيير التيل بالاصلى من التوكيل ويارب لو عامل 1000 جنية هاتة وهو الاصلى عامل 300 وحاجة على ما اشتريتة اخر مرة
3-تغيير زيت الباكم ودا حوالى 18 جنية وركب وخد بالك خلية يصنفر البساتك صنفرة ناعمة اوى مش خشنة براحة كدة مرة مرتين وبس هتلاقى العجل تمام انما لو العجل ماشى وبيتحرك عادى شمال يمين الكلام دا وهى سخنة مش باردة يبقى مش ضرورى وللعلم انا الجنوط الحديد وبالذات المسامير ممكن تقلى بيض عليها عندى لكن انا بعرف اريح الفرامل واهدى اللعب معاها وبراحة وشويش بلاقيها عادية خليك براحة على الفرامل ومور من بعيد ومتدس وانت سريع كدة يعنى ريح المسائل وهى هتبقى عال بس برضة هتسخن بس مش اوى وربنا يكرم شوف العجل وقولنا مطنش عشان نتابع معاك

[lawyer9]

دا حاجه من تلاته على الترتيب الأوقع فالأقل إحتمالا :
1- نسيت فرامل اليد تكه او اتنين وانتا ماشى .
2 - سوستة التيل سابت أو الفرامل عايزة تترجلش .
3 - ماستر الفرامل ودا له فى الداخل حاجه اسمها طقم أصلاح فيه جلد أسمها جلد ماستر ممكن واحدة أتحشرت فى دوسة فرامل وطقم الأصلاح مرجعش مكانه