الموضوع القنبلة: كشف خيانة حركة 6 ابريل بالفيديون و الدليل

[MmFFoR]

http://www.youtube.com/watch?v=ZB7lW...layer_embedded

دا فيديو بيوضح بالدليل القاطع خيانة شباب حركة 6 ابريل
اودمور الصربية ( معناها بالانجليزي commitee او بالعربي اللجنة )

هي حركة شبابية صربية تم انشاءها في اواخر التسعينات نتيجة حصار الامم المتحدة لصربيا بعيد حرب البوسنة 1995 و كان هدف الحركة التخلص من الديكتاتور الجزار سلوبودان ميلوسوفيتش بصورة سلمية ( حط تحت سلمية ميت خط ) و ذلك عن طريق زيادة الوعي السياسي و الديموقراطي عند القاعدة العامة من الصرب و عن طريق مظاهرات و اعتصامات سلمية


اسفرت هذه الحركة عن اسقاط نظام حكم ميلوسيفيتش و القبض عليه و تسليمه للمحاكمة الدولية على جرائمة في البوسنة و تمكنت صربيا بعدها من فك الحصار و تحسين علاقاتها الدولية و المضي قدما في عجلة التطور و الانضمام للاتحاد الاوروبي

بعدها بعدة اعوام ( و بعد اتصالات لنشطاء من جورجيا مع زملاءهم في الكفاح الثوري في صربيا ) قامت ثورة شعبية سلمية عارمة اعقبها اعتصام و اضرابات ادت الى اسقاط النظام الشيوعي الديكتاتوري الجورجي الموالي لروسيا و تكوين نظام ديموقراطي يحترم حقوق الانسان

بعد هذه النجاحات لاسلوب الثورة السلمية الصربية - قام بعض الشباب المصري المحب لبلده و الرافض للفساد المؤسساتي الذي ادى الى تخلف البلد و رجوعها مئات السنين للخلف بدلا عن التقدم و اللحاق بركب الحضارة نتيجة حاكم ديكتاتور و نظام قمعي فاسد - قام شباب 6 ابريل بمراسلة اللجنة ( حركة التحرير الصربية ) للاستفادة من خبراتهم في المظاهرات السلمية و كان الرد بدعوة الى صربيا لشرح انسب الاساليب للتغيير سلميا بغير فوضى او سفك دماء او عصيان مسلح

و لله الحمد و المنة ان نجحت 6 ابريل اخيرا في حشد الشعب المصري على هدف واحد و هو استرداد عزته و كرامته و توعيته ان اتحاد جميع اطيافه هو عنصر قوته ضد الطاغية و المستبد

طبعا النجاح تم بالتعاون مع جميع اطياف الشعب الاخرى التي عانت من الظلم و السلب و التعذيب

و هذه هي خيانة 6 ابريل انها تبادلت الخبرات مع حركة التحرير الصربية

لكن تصدير الغاز ببلاش لاسرائيل مش خيانة لثروات البلد
قمع غزة مش خيانة للقضية العربية و للعرب
اهانة المصريين بالخارج و التنازل عن حقوقهم مش خيانة لكرامة المصري المغترب
قمع المصريين و تعذيبهم بالداخل مش خيانة لكرامة المصري و شرفه بالداخل
الالتزام بتعليمات و توجيهات البيت الابيض مش خيانة لمصر كلها
تدمير الصناعة و الزراعة خلال 30 سنة مش خيانة للامن الاقتصادي و القومي للبلد
نشر السرطان و الموثات مش خيانة لصحة المصري
تطبيق سياسة الانبطاح لاسرائيل مش خيانة لشرف الجيش ( حتى لو قتل كام عسكري من حرس الحدود بالغلط )
الشباب اللي ماتوا في القطر و في العبارة و بيموتوا بالمئات في مراكب الهجرة الغير شرعية مش خيانة لكل اسرة و كل بيت في مصر

توزيع الاراضي بمئات الفدادين مجانا!!! على الحبايب و رجال الاعمال بينما تباع قطع الاراضي العائلي و الشباب ال 150 متر بمئات الالاف على الغير قادرين و الذين لا يملكون مأوى لا يعتبر خيانة لثروات البلد و لابناءها


يا اخي اتوكسوا على دمكوا بقى

دا انا تعبت و نص الكلام عندي مخلصش
انا لا أؤيد حركة 6 ابريل
لكن انا لا انكر جميلها في ازالة الطين عن المصري و جعله يعرف قيمته الحقيقية و انه لسه عنده كرامة و ان كرامة الشخص اهم من رغيف العيش او حتى التعذيب و الموت كما كان النظام القديم مخوفنا

[MmFFoR]

انا حابب اقول ان حركة 6 ابريل عمرها ما تعاونت مع الصهيونية زي ما حسني مبارك و نظامه كان بيلبي كل رغباتهم و طلباتهم
و توضيح تاني
اين كان المجلس العسكري من نظام مبارك الفاسد خلال ال 30 سنة الماضية؟؟

و هو طنطاوي كان شغال ايه في نظام مبارك؟

الاجابة: راجل مخلص من رجالته - بينفذ سياساته الفاسدة - و راضي على قمعه للشعب

لما الجيش اعلن الحيادية قلنا جايز ديله حيتعدل

لكن للاسف ديل **** عمره ما حيتعدل و لو علقوا عليه قالب

[AbOnOrA]

اكبر دليل ضدهم

وشاهد على خطورتهم واطماعهم

انهم الوحيدين على ساحة التيارات السياسية

اللى ملهومش حزب سياسى ولا حتى جمعية او منظمة مشهرة

و ملهومش مرشح رئاسى

لكن عندهم ما هو اخطر



كوتشى اميجو اللى بينور نسخة خاصة معاد تصنيعها خصيصاً فى صربياً لزوم القفز على الحكم

[Ahmed Anwer]

بمواجهة صديق ليا من أعضاء 6 ابريل

بالفيديو ده

كان رده ايه المشكلة إننا نتعلم من الحركات الشبابية العالمية

زي ما استفدنا من شباب تونس

و بندي خبرتنا دلوقتي لشباب سوريا

حركات المقاومة باللا عنف منج عالمي و علي فكرة مبتدعه المهاتما غاندي

رد مقنع جدا

و إلا فلنتهم جميع المبعوثين المصريين في الخارج بالخيانة

[د.هبه77]

معني الكلام دة ان استمرار الحكم السابق والتحكم في البلاد من داخل السجون
= ان المجلس العسكري موافق
طيب هيبقي اية الحل
نشيل طنطاوي
طيب لو دة ممكن
هل الموضوع هيبقي بالساهل كدة يعني افراد الجيش نفسهم هيعملو الموضوع دة بكل مرونة وسلاسة كدة
هتقولو ان كل ثورة لازم فيها خساير!
كلام صحيح 100%
وعموما اي فكرة جديدة لخلع حد من اللي ماسكين البلد بتبقي مستهجنة وغير منطقية زي ما لو كانو قالو لاي مواطن قبل الثورة بيوم حسني هيتشال بكرة مستحيل يصدق وممكن يتهمك بالجنون
هنفضل في لعبة القط وافار دي لحد امتي والثورة مفروض تستمر لحد امتي ما هو كل ما المدة تطول الانقسامات والتشتت والحروب الداخلية والتصفيات بتزيد والفتن مطلة من كل مكان
وتجربة شخصية ان واحد من اخواننا كان عايز يعمل حزب وقعدة كدة (والكلام دة من 4 شهور يعني لسة ولا كان في تراخي ولا اي حاجه من المجلس العسكري)
وشوية شعارات قص ولزق اعتمد علي صحفي لانشاؤه
بعدها باسبوع بيقول للصحفي دة
انا عايزك تلم شوية ناس كدة يروحو يقولو عايزين نشيل طنطاوي في التحرير وليك 5 الاف جنية توزعهم عالناس دي
انا مش بتكلم ان شيل طنطاوي صح او غلط
انا بتكلم عن كل صحابنا اللي مستنيين نصيبهم
بتكلم عن ان مفيش ريس يجمعنا
ان كل شوية مماطلة
تراخي
ناس جديدة تطلع
مشكلة من الشرق ومن الغرب
فين الدستور وفين الحاكم
والوقت دة كلة لمصلحة مين
ورؤوس الافاعي اللي في طرة بيحكمو باللابتوب والموبايلات مجرد انهم نقلوهم بس من جيرو لاند لطرة لاند مش لازم تتقطع بقي عشان نخلص ولا اية
الثورة حصلت بامر الله وسببها علي اديهم ماشي وجميلهم علي راسنا بس هنفضل واقفين كدة مفيش حسم!!!
واضح ان الثورة عايزة ثورة
ربنا يصلح امورنا ويوحد شملنا ويولي امورنا خيارنا امين