زهقت بجد

[vilmos]

السلام عليكم

انا اشتريت متور مستعمل من عزبة شلبى
و بعدين عملتلوه شنبر
و كل شويا عمود التيكهات يفتح منى .... فا الميكانيكى قالى دا العمود بايظ وعايز يتغير
جبت عمود جديد ب 350ج عامود كامل
و المشكلة هيا هيا و السحب زبالة و حاجة تقرف
قالى عمود الكاما بايظ
غيرت العامود و كلفتها 600ج و نفس العيب هو هوا برضة
فالميكانيكى دلوقتى بيقولى هايفك المتور علشان الصبابات هيا اللى عامل كدا ؟؟
فهل الكلام دا صح و لا بيضحك عليا
هو ورانى ان البيوجية التانى موش شغال فهل دا العيب منة من العلم ان العربية بتسخن اووووى رغم انى مشغل مروحتين موش عارف فى ايه

ارجوكم افودنى لانى صرفت فلوس كنت جيببت عربيبتن 131
جزاكم الله خيرا

[sherif fersh]

من الاخر كده ....
شوف ميكانيكى تانى
الميكانيكى ده يا إما خايب يا إما نصاب
والله أعلى و أعلم
معلوماتى عن المواتير الاستيراد أن لو فيها مشكلة , ممكن أرجعه
و الميكانيكى ليه مادورش الموتور على الأرض قبل الشراء ؟
و ربنا يعينك على الدوامة دى

[MmFFoR]

صنف الميكانيكية دي انا حافظها
دور على ميكانيكي تاني و قوله حسبي الله و نعم الوكيل

[Devill Blood]

الكلام ده غلط طالما أنت شاريه إستيراد ليه المحترم مجربهوش الأول أنت دافع فلوس عشان تشترى ماتور ولا تصلحه؟؟؟

[mr_astra]

للاسف يا جماعة المواتير فى عزبة شلبى لازم تعملها طقم شنبر قبل ما تركبها على طول
والتاجر بيتفق معاك على كدة
بيؤلك طقم شنبر اساعد معاك بـ 150 جنية انما لو الموتور رزع يلزمنى ودة على حد كلامهم
نيجى بقى لمشكلة اخونا
البوجية اللى مش شغال دة اكيد الصبابات بتعتة مهربة وكان مفروض وانت بتعمل طقم شنبر تعمل رودية للصبابات كلها وتغير جلد صباب
يبقى الحل لو ان فعلا الكامة سليمة فك الوش تانى وودية عند بتاع الاوشاش يعملة رودية للصبابات وطبعا هايغير جلد الصباب
وبامر الله المشكلة تنتهى