انا مش عارف اقول اية بصراحة استغربت جيدا!!!!!! والRB تنجـح

[citroeen]

مساء الخير على احلى ناس هنا فى المنتتدى واخواتى الاعزاء...دلوقتى وانا ماشى بالصدفة فى معرض اوتو شاهين هيونداى لقيت حاجة غريبة جيدا جيدا جيدا قولت اشوف الالنترا نزلت فى المعارض كدة و لا فقربت شوية من العربيية قولت دى RB ياجدعان مش الالنترا خالص قربت كمان لقيتها الالنترا الجديدة جنبيها RB عايز اقول للناس مافيش فرق نهائى !!!! نفس الشكل من قدام ومن ورا مع اختلاف 4 فى المية ونفس العرض والطول يمكن الالنترا اطول سنة بسيطة اوى ونفس كل حاجة الالنترا اتصدمت فيها النهاردة لما لقيت الاتنين وقفين جنب بعض اتصدممممت وضحكت نفس كل حاجة ...طبعا مع فرق اسعار رهيب وامكانيات الRB هاى لاين ب114 الف جنية يعتبر وفيها كل حاجة الالنترا 154 الف جنية ( والله مافى فرق غير فى حاجات هبلة جيدا) الفرق فى قواعد العجل (فرق بسيط جيدا) و دى 4 نقلات فى الاتوماتيك ودى 6 نقلات والواحد مش عايز 6 بطى فى سرعة العربيية ال4 انجز بكتيررررر فى كل حاجة دى راى .. وفى الثقل العربيتين وفرق بسيط مابيين الاتنين دى 1580 (الار بى) والالنترا (1680) كيلو باين يعنى فرق 100 مابينهم احت جنوط محترمة فى الارى بى يبقى مافيش فرق وتبقى زى الفل واجمد كمان من الالنترا والواحد لو شغل دماغة هيظبط حاجات كتير ))))) والله ما فى فرق وشكل الالنترا هتقع وقعة مش حلوة وللعلم نفس الماتور فرق 5 حصان مابينهم وRB اخف بشوية من الالنترا MD طبعا الـRB هتعدى الالنترا بمراحل لو شدوا مع بعض ...شكرا ليكم ويارب يكون الموضوع عجبكم

ماهو ده التخلف بعينه يا غالي لما يعملوا 3 عربيات شكلهم قريب من بعض السوناتا والافانتي والار بي

[samehsaeed]

معاك حق في كل كلمة وأنا كنت امبارح في أوتو سمير ريان بطل على الألنترا وتخيل (هو ده رأي الناس برده) اللهم إلا ما رحم ربي لدرجة إنهم بقوا يسيبوا الألنترا 2012 ويروحوا على ألنترا 2011 ب 119000 جنيه هاي لاين خليجي فيها من الأبرة للصاروخ حتى ال GPS وفتحة السقف، ويقولوا بالذمة مش حرام أدفع فلوسي في عربية زي ديه فرق حوالي 40 ألف جنيه بالراحة وفي النهاية مش هاخد المواصفات ديه كلها والألنتر القديمة أصلا الناس كلها بتشكر فيها وماحدش عاب فيها خالص إلا حاجات بسيطة، بصراحة لما شهدوني قولتلهم بصراحة اه عندكم حق ونص، أما الأكسنت RB الطلب عليها بالدور أساسا والألنترا تحسها واقفة زيها زي أي عربية في المكان كأنها عادي يعني و"خليها تنفعك ياعم غبور أشبع بيها وبالفئات بتاعتها"، طب والله كان في كمان واحدة جيتا 2010 هاي لاين ب 172,000 كانت عيني هتطلع عليها وسبت الناس بيتفاوضوا مع الراجل في تمنها وبيطقسوا عنها وتقريبا رسيوا عليها، ومادام كده كده هدفع يبقى أدفع في حاجة تستاهل وقطع الغيار تدبر وربك ما بينساش حد

النقطة بقى هل غبور لعبها صح ؟

بمعنى هل هو عارف كويس إن الأكسنت ما تستاهلش التمن ده وإن الناس هتفضل تشتكي، بس لما تنزل الألنترا بالسعر الوهمي ده بعد أحلام المصريين بيها ليل نها من اللي شافوه وقرأوه عنها على النت يبقى ساعتها ال RB هتبقى فلة شمعة منورة وخاصة مع التشابه الرهيب بين الأتنين وهيبقى اللي كان بيحلم بألنترا وما قدرش على تمنها هيكتفي بهاي لاين RB وزي الفل ويبوس ايده شعر ودقن واللي ربنا كارمه وموسعها عليه هينقسموا لشريحتين شريحة هتجيبها برده لأن شكلها تحفة بصراحة وفي ناس بتفرق معاها الحاجات ديه قوي ، وشريحة تانية هتستخسر فيها الفلوس وتتجة للتيوتا والجيتا والسيفيك والمازدا وكده يعني
على العموم ديه مجرد وجهة نظر بس ربما تكون صح، ربما...........

[AbOnOrA]

موضوعك جميل فعلاً وافكارك بصراحة بتدور فى عقول كتير مننا

انا نفسى عجبانى الا RB جداً بصراحة وشايف انها كفاية جداً مقارنة بسعر الالنترا

بس خد بالك ال RB نفسها برضو سعرها غالى والمفروض الالنترا على الاقل كانت تنزل بالموتور ال GDI لكن Cvvt يبقى ال RB اجدع ميت مرة

اما بالنسبة لتعليق كورسير فاعتقد ان اللى عملوه صح مش غباء ولا حاجة

بره ال RB بتتباع بمواتير 1.4 - 1.6 واللالنترا 1.8 ففيه على الاقل فرق موتور ده غير الكماليات الرهيبة اللى بتتفوق على كماليات الهوندا سيفيك والكرولا الاوربى والامريكى وده سبب نجاح الهيونداى بره
كماليات كتير وسعر منافس لليابانى واعتمادية عالية وشكل جميل

لكن هنا كماليات اقل من الصينى وسعر اعلى من اليابانى

[samehsaeed]

المشاركة الأصلية كتبت بواسطة corsair ماهو ده التخلف بعينه يا غالي لما يعملوا 3 عربيات شكلهم قريب من بعض السوناتا والافانتي والار بي

طول عمرك فنان يا كبير