|
ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
أدوات الموضوع |
#1
|
||||
|
||||
الثورة عملت لنا ايه يعني؟؟
الثورة عملت لنا ايه يعني؟؟ اصل الطماطم لسة غالية و الشوارع مش نضيفة و مرتبي لسة مزادش و لسة مافيش بودي جارد بيمشي ورايا يحرسني !! علي اساس انا الثورة قامت عشان بعديها بيومين السما تمطر فلوس,صح ؟!! الكلمة الشهيرة بتاعت الثورة عملتلنا اية,يا ريت قبل ما تقولها حضرتك تفهم الثورة قامت لية اصلا, دي مش ثورة جياع عشان تقوم للفلوس و الاكل !! في اختراع جديد اسمة حرية من كتر ما بابا حسني كان كاتم علي نفسنا نسينا انة موجود اصلا. مفيش امان,طبيعي مش هيبقي في امان لان احنا كان عندنا مافيا عالمية فطبيعي انهم ميسيبوش البلد سليمة زيهم زي اليهود لازم يهدوا المعبد علي دماغ صحابه,كان لازم يفتحوا السجون و يحرقوا الاقسام و الا مكانوش هيعرفوا يحققوا تهديدهم ب (اما مبارك او الفوضي) و بردو هنرجع نقول ان انعدام الامان مش حاجة جديدة علينا,هو اكيد زاد لان الشرطة مش شايفة شغلها كويس,بس الخطف و الاغتصاب دي مكانتش حاجة غريبة علينا من اواخر 2009 و الامان بقي شعار و خلاص في مصر لكن الخطف و الاغتصاب و السرقة دول كانوا اكتر من الهم علي القلب فمكانتش حاجة غريبة علينا يعني,كل الفكرة ان نسبتها زادت عشان اللي المفروض يحاربوها مش شايفين شغلهم. و الفكرة كمان ان في ناس شايفة ان مواراهاش غير انها تشوه صورة الثورة اللي مشت دادي حسني ف لازم طبعا ينتقموا من الملحدين المخربين اللي نزلوا التحرير و يدبسوهم في انعدام الامان !! و الطماطم و اللحمة و الخضار,دول مش هيرخصوا ولا دلوقتي ولا في الفترة دي خالص,هيرخصوا منين اذا كان نص فلوسنا مسروقة,كل اللي عملتةالثورة ان بدل ما كانت هتفضل السلع دي غالية علي طول و احتمال تغلي كمان,هي هترخص لكن لما يبقي في فلوس تكفي ان اسعار السلع و المحاصيل دي ترخص, و متنسوش ان مبارك و نظامة الظريف كانوا السبب في تجريف جزء كبير من الاراضي الزراعية و بقينا بنستورد نص اكلنا,يعني الاكل مش هينزل علينا من السما ! و المرتبات,يعني مش عارف اتكلم في النقطة دي لان,انتوا فعلا مقتنعين بالكلام دا,يعني مقتنعين ان المرتبات تزيد في الفترة دي,اية منطق يلا نفسي اللي بقي عند ناس معينة دا...مش لما اصلا نحسن اقتصادنا و يبقي اقتصاد محترم نبقي نزود لكل واحد مرتبه, معلش حضرتك بتقولي هي الثورة كانت عملتلنا اية,هي مش الثورة دي هي اللي انت عارضتها و شايفها خربت البلد,عاوز منها انجازات لية؟ حضرتك عاوز مرتبك يزيد و الشباب يشتغل و الاسعار تنزل و كل دا يحصل من غير ما تتعب نفسك حتي بالدعاء ان ربنا ينصرنا,بل بالعكس بتهاجم الثورةو اللي عملوها,طب اية رايك في الامهات اللي ضحوا بولادهم و ملحقوش يشوفوهم قبل ما يموتوا و كانوا شباب زي الفل و مع ذلك مؤيدين الثورة و بيدعولها بالتوفيق,طيب اية رايك نزودلك المرتب و نرخصلك الاسعار بشرط واحد,ادينا حد من ولادك نقتلة و متلحقش حتي تشوفة,ساعتها هتقول الفلوس و الاسعار و خدوا ابني !! انهي منطق بيقول ان امهات تضحي بولادها و ستات رجالتها تموت و تسيب وراها اطفال و مع ذلك بيحمدوا ربنا و بياندوا الثورة بكل اللي يقدروا علية, و حضرتك بتهاجم الثورة عشان (مش شايف ليها انجازات ) طيب حضرتك ممكن تعتبرها محصلتش اصلا و اعتبر ان بابا حسني لسة موجود,كان ساعتها هتطالب بترخيص الاسعار و زيادة مرتبك بردو ؟؟ الثورة عملت,و اللي عملتة دا 5% بس من النجاح اللي المفروض تحققة,الجبل الثلجي مش بيظهر منة غير 20% بس علي سطح البحر, و اساسة مش بيظهر غير بعد ما يتعدل الجو و تبدا المية تتحرك, الثورة كانت السبب في سقوط اكبر رمز للفساد اللي هو مبارك,و مبارك دا هو اللي اختار نظيف و وزارتة و سكت عليهم و ايدهم بل و يمكن كمان شارك فسادهم,دا غير ولادة اللي كانوا هيورثوا البلد بعد ما يموت, عبارات و قطارات و 30% تحت خط الفقر و ارضنا متباعة لليهود و سرطان و كبد وبائي و ملناش كرامة و بصراحة الراجل مخلاش نفسنا في حاجة. و كانت بردو السبب ان حضرتك بتقول رايك زي مانت عاوز و من حقك تكتب كل اللي انتي عاوزة من اول ملفات فساد مبارك و نظامة و لحد قصائد في حب بابا حسني, و لما حد بيتكلم لازم طبعا تشخط فية و تقوله انتا ناسي ان في حرية تعبير,انت مش ديمقراطي ولا اية !! يعني وفرت قدر الحرية للناس عشان تتكلم من غير ما تخاف من امن الدولة اللي كان بيطلعلنا من تحت الارض زي عفريت العلبة. و علي ذكر امن الدولة ف حله كان من انجازات الثورة و علي فكرة الامن الوطني مش امتداد لامن الدولة,اولا لان الكوادر مختلفة البشر مختلفين,و ثانيا لان امن الدولة كان اكبر سلطة في البلد و مكانش حد يقدر يعطس من غير اذنة,اما الامن الوطني فهيكون علية رقابة و قوانين تحكم بدل ما يبقي سايب, دا غير انة هيتجرد من اي شئون مدنية و هيكون خاص بمكافحة الارهاب و بس و دا الطبيعي في اي دولة محترمة. الاتحادات الطلابية اللي كانت بتيجي بالتزوير و الغش و الكوسة اتحلت و بقي ليهم انتخابات محترمة بجد, و محدش يقولي مش مهم لاننا لو مش هنهتم بالمراحل التعليمية اهتمام شديد يبقي ولا عمرنا هنشوف تقدم دا غير المحليات اللي جزء كبير منها اتغير لان كانوا معظمهم حزب وطني, و اهو الحزب الوثني كمان اتحل,مع ان الحزب دا اصلا اسسة مصطفي كامل و كان حزب محترم بس منهم لله اللي لوثوه و ضيعوا مبادءه دا غير الفاسدين اللي تم اكتشافهم في كل حتة و مرميين في السجن و هيتحاكموا,و مع اني عارفة ان الحرامية المحترفين اللي زيهم مش بيسيبوا عليهم ادلة بس قادر ربنا يلهيهم عن دليل يوديهم في داهية. و اخر حاجة,ان لو مكانتش الثورة قامت,مكنتش حضرتك هتحلم بتخفيض الاسعار و مرتب كبير و الحاجات الحلوة دي ولا كنت هتحلم بشوارع نضيفة و شباب بيشتغل, ولا كان من حق حد يحلم اصلا.لان كان في ناس واقفالنا بالمرصاد مستعدة تحول اي حلم لكابوس. و الاهم من كل دا انها عملتلنا كرامة و الكرامة حضرتك اهم من اكل العيش,لان في ناس الموت عندها اهون من ان كرامتها تتهان, و الحمد لله انهم كتير,يكفي الثوار شرفا انهم كانوا السبب اننا رفعنا راسنا و رجعلتنا كرامتنا من اللي داسوا عليها بالجزم,يكفي الثورة فخرا انها اممت مصر. من مكاسب الثورة برضه جلسات الصلح بين حماس وفتح وعودة الدولة الفلسطينية اللي بننادي بيها كلنا ..
عودة العلاقات بين مصر وايران وكل الدول والريادة المصرية الحقيقية. عمرك شوفت رئيس وزرا بيمشي في ميدان التحرير علي رجليه وياكل في مطعم شعبي ..بعد ماكنا بنتذل تحت الكوبري بالساعات لحد ما البيه يعدي ... اول مرة في حياتنا نقول راينا بحرية واحنا واثقين انه محدش هيزور كلمتنا ..ارجع للاستفتاء... اول مرة من 60سنة هنختار رئيس بجد احنا اللي عايزينه مش حد يفرضه علينا. كل ده ولسه بتقول الثورة عملت لنا ايه..... و اخيرا... الثورة قامت, و مبارك تنحي, و دا اصبح امر واقع و الكل لازم يتقبلة و بتعامل معاة, و علي المتضرر اللجوء للقضاء منقول
__________________
-------------------------------------------------------- |
#2
|
|||
|
|||
رد: الثورة عملت لنا ايه يعني؟؟
لو عندك عربية و ماشى فى الطريق و فجاه سمعت صوت غريب و شديد و جالك احساس ان سير الديناموا اتقطع و قمت بايقاف العربية و الموتور للاصلاح و توقفت السرعة الى الصفر و فعلا وجدت السير اتقطع و كان معاك سير احتياطى جبت العده و بدات فى العمل فى تغيير السير و اخدت فترة زمنية ما اثناء التغيير و خلال هذه الفترة العربية طبعا متوقفة و سرعتها صفر
و بعد التغيير ركبت العربية و انطلقت بيها بداية من سرعة الصفر الى اقصى سرعة هيه دى جمهورية مصر العربية لازم نتوقف شوية و ما نصرخس و سيبك من الركاب شوية لحد ما نصلح العربية بلدنا تتصلح طبعا الاستثمار الاجنبى هيوصل صفر و الدخل ممكن يحصل له كدة بس ما نخافش لان بعد الاصلاح هتبقى فل الفل
__________________
|
#3
|
||||
|
||||
رد: الثورة عملت لنا ايه يعني؟؟
اخى الغالى aymanay32 ده مش رأى
انا زيك مؤمن بالثورة واهدافها انما انا شايف ناس كتير حولى واكيد حولك بيقولوا الكلام ده وحبيت اقول الكلام ده للناس اللى بتقول الثورة عملت لنا ايه وشكرا ياغالى لتشريفك الموضوع
__________________
-------------------------------------------------------- |
|
|