بنزين فيرنا 2011

[AHMED MANGESTO]

السلام عليكم

انا اشتريت فيرنا 2011 مانويل هاف اوبشين . كنت بحطلها بنزين 92 والتفويلة مش بتقعد معايا 3 ايام . فاحد الاصدقاء نصحنى ببنزين 90 وقالى ان تفويلة ال 90 بتقعد اكتر فاية رايكم فى الكلام دة هل الكلام دة صح ولا غلط وهل ال 90 ممكن يضر عربيتى

[خالداعزالناس]

مفيش فرق كبير بين بنزين 90 وبنزين 92

بس الاشاعات كتير ..... ان بنزين 90 عباره عن خليط من بنزين 80 & 92

[pharm45]

غالبا العربيات الحديثة بيتحطلها 92 عشان ميقصرش عمر الماتور..لكن هو حضرتك بتخرج بيها كتيير ..ممكن تشوف استهلاكها اد ايه بانك تحسب كل لتر بيعمل كام كيلو وتقارنه بالموجود فى كتالوج العربية

[AHMED MANGESTO]

المشاركة الأصلية كتبت بواسطة خالداعزالناس مفيش فرق كبير بين بنزين 90 وبنزين 92 بس الاشاعات كتير ..... ان بنزين 90 عباره عن خليط من بنزين 80 & 92

السلام عليكم اخى . اولا اشكرك جدا على اهتمامك ومتابعتك للموضوع . ثانيا الفرق فى سعر البنزين بين 90 و 92 اعلم انة مش كبير . ولكن ما اريد الاطمئنان لة هل بالفعل بنزين 90 بيقعد اكتر فى الاستهلاك . يعنى مثلا اكثر من شخص نصحنى ب90 وقالى لو عربيتك بتقولها كل 3 ايام مع بنزين 92 لو حطيتلها 90 هتفولها كل 5 ايام مع نفس المشاوير فهل الكلام دة صح ولا غلط

[AHMED MANGESTO]

المشاركة الأصلية كتبت بواسطة pharm45 غالبا العربيات الحديثة بيتحطلها 92 عشان ميقصرش عمر الماتور..لكن هو حضرتك بتخرج بيها كتيير ..ممكن تشوف استهلاكها اد ايه بانك تحسب كل لتر بيعمل كام كيلو وتقارنه بالموجود فى كتالوج العربية

انا بخرج بيها فعلا كتير ومسئلة بعد المسافة بين كل تفويلة دية هتفرق معايا كتير . بالنسبة لحساب كل لتر بيعمل كام كيلو صعب قياسها هنا فى مصر لان العربية سعات كتير بتكون ماشية فى اماكن مفتوحة وسعات تانية بتكون ماشية فى الزحمة فالقياس مهما كان مش هيكون مظبوط مية فى المية