خبطة فى العربية وهى واقفة

[abotok]

يا جماعه ياريت حد لو عنده خبرة يقولى الخبطة دى ممكن ترجع تانى ولا لأ فى النيو أكسنت العربية لسه بورقها زى ما انتو شايفين دخلت فيها عربية كارو وهى واقفة
1- و فى توكيل غبور يرجعوها للأصل ولا لأ
2- تاخد وقت أد ايه لأنى من أسيوط
3- التكلفة تبقى كام
4- باب التنك مكسور ممكن يتغير ولا لأ
<!-- / message --><!-- مواضيع العضو بوست بت -->

[mhamdy75]

قدر الله وماشاء فعل

فداك يا باشا

بس عايزة حد محترف

مش أى حد

أعتقد فى الحرفيين ممكن

ترجع كما كانت

[mesho70]

- قدر الله وما شاء فعل
- و موضوع ان العربية تتخبط وهى جديدة انا جربتة كتير
- اما غبور فمن 10 سنوات كنت جايب اكسنت وحكت فالاكصدام ورحت غبور قلى 300 جنية رش فقط
- واظن ان اسعارة متضاعفة ولكن شغلة لا يمكن تميز انها مخبوطة ابدا ً
- وممكن تروح ابوا رواش ( وانا افضل هذا لان العربية جديدة ) وتعمل مقايسة بالهياكل وتشوف ممكن تاخذ وقت قد اية وتقارن باللى برة
- وان كان الفارق ليس كبير فلا تتعجل فى موضوع الوقت وامرك لله و معهم افضل
- لكن فالمقابل ممكن تلاقى حد ممتاز يردها ( واكيد ساخن ) وممكن الجزء المخبوط يترش دون تميزة

[mesho70]

غطا التنك اسهل ما فى الموضوع هاتة من برا ممكن تلاقية استيراد ويترش مع العربية او حتى جديد هيكون ارخص برة

[Hamada_El_Sh3er]

ياعم انت قلقان كده ليه
ده في ناس عربياتها بتتدمر
بالنسبة لغطا التانك هيتغير سهل خالص
وبخصوص الرفرف يوم مايقولوا محدش هيعرف يشتغل فيه
ودي بعيدة أصلاً
هتجيب رفرف جديد وترشه عادي خالص
وكل ده هيحصل في غبور نفسه
هي آه التكلفة بتبقى عالية شوية
بس انت عربيتك زيرو والغربال الجديد له شنة
وان شاء الله تتعمل وتكون بسيطة
بس بعد كده إبقى شغل فيها قرآن
ويستحسن لو دبحت اي حاجة وطلعتها لله