|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
 |
|
|
أدوات الموضوع |
|
|||||||
| ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
|
|
|
أدوات الموضوع |
|
#1
05-02-2011, 12:49 PM
|
|||
|
|||
انا اسف
انا كنت من مؤيدين الثوره ... في وقت ناس كتير قالت كفايه كده خصوصا بعد الخطاب التاريخي وامبارح .. بعد يوم الرحيل حسيت بيأس ... قلت خلاص كفايه كده يمكن علشان محستش ان في اي نتيجه حقيقيه يمكن علشان حسيت انه مش حيقدم اي جديد مش حيحل البرلمان ويعمل برلمان حقيقي مش حيدي صلاحيات للنائب وحيفضل يدي تعليمات و تكليفات مش حيعدل الستور بجد وحيباصيه للمجلس المزور يقيفه و يظبطه قلت خلاص ... كفايه كده اهي الناس راضيه باللي قاله اهو ابتدى يحيل المشبوهين للنائب العام اهم بعدوا البلطجيه وسابو المظاهره تعدي على خير حيوفي بوعده ويصلحها في شهور بعد ما خربت في سنين انا شفت ناس كتيره عماله تقول كفايه لحد كده .. خربتوها ... عايزين نشوف حالنا ... بلاش فتنه بلاش دمار ما هو قال مش حيرشح ابنه مش حينتخب نفسه تاني عايزين ايه تاني متبقوش طماعين ... في لحظه قلت انا كمان تعبت عايز اشوف شغلي و حالي عايز اربي عيالي في لحظه يأس و خنوع استسلام و خضوع قلت خلاص انا مش مع المظاهرات ودخلت نمت انا اسف .... اني في لحظه نسيت الناس اللي ماتت الناس اللي صامده و انا قاعد في مكاني الناس اللي سابت اهلها وبيتها وشغلها ونزلت الشارع الناس اللي كرامتها عندها اهم من رغيف العيش الناس اللي بتفكر في بكره انا اسف مش قادر اكون معاكم مش قادر اصدق كلامكم مش قادر اعتنق ايمانكم انا قاعد في بيتي لكن قلبي في ميدان التحرير انا اسف
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#2
05-02-2011, 01:11 PM
|
||||
|
||||
|
رد: انا اسف
ايه ياعم سامح الكلام الخطير ده
تفائل في الله خيرا محدش فينا هينسي حد ومحدش فينا هينام بس في نفس الوقت محدش فينا هيرضي بخراب البلد احنا خلاص اتحررنا وخرجنا من القمقم وصعب ندخل تاني مطلوب الصبر صبرنا 30 سنة مش قادرين نصبر 6 شهور ويمكن اقل ولو محصلش اللي عاوزينه نبقى ننزل تاني التحرير مش هيتوه مننا ولا الشعب هينام تاني مش عاوزين ناس تدخل تلعب على خرابها
__________________
ولا نقول إلا ما يرضي ربنا إنا لله و إنا إليه راجعون
|
|
#3
05-02-2011, 01:48 PM
|
||||
|
||||
|
رد: انا اسف
سبحان الله كأنك عارف الى حاسس بيه وكتبت كل حاجه كانت جوايه
انا لما بلاقى نفسى محتار بالشكل ده مجرد لما بحط نفسى مكان اهل اى شهيد من الى راحو بلاقى انى مش ممكن اسامح شعب مصر بالكامل لو ساب الى قتل ابنهم لمجرد كلام ووعود من نظام فاسد بقالو 30سنه بيكدب علينا و حتا لما بيكدب علينا فى الازمه بيقول كلام عايم و المفروض ان الضمان على تنفيذه هى الثقه !!!فقط ده غير لما الاعلام المصرى يفهم الناس ان ابنهم و الى واقفين معاه فى ميدان التحرير عملا و هم الى خربو البلد و واقفين حال الدينيا و يلاقو اخواتهم بيضربو فيهم بالطوب....... الا يشعرك ذلك بالظلم ربنا يحلها من عنده هو القادر على كل شئ
__________________
سبحان الله و بحمدة
سبحان الله العظيم
|
|
#4
05-02-2011, 02:04 PM
|
||||
|
||||
|
رد: انا اسف
برافو عليك مصرى أبن مصرى أصيل .
وبالبلدى كدة وجع ساعة ولا كل ساعة
__________________
 تحيا مصر
|
|
#5
05-02-2011, 02:34 PM
|
||||
|
||||
رد: انا اسف
والله انا في لحظة كنت في مكانك!!!! و برضه استدركت رايي شوف موضوعي http://www.masrmotors.com/vb/showthread.php?t=47060 و حتعرف اني انا برضه كنت معتبر جمعة الرحيل اخر يوم! بس لأ والله مش حنياس و معركة النفس الطويل احنا حنكسبها لان احنا اصحاب الحق! مش احنا اللي عندنا 55 مليار دولار في بنوك امريكا و سويسرا! مش احنا اللي قتلنا اخواتنا و شبابنا لما المتظاهرين بيمسكوا واحد من البلطجية بيكتفوه و يسلموه للجيش (اللي بيسيبهم تاني) لكن لما بلطجية مبارك بيمسكوا معتصم او صحفي بيضربوه حتى الموت او بيقطعوه بالسنج و السيوف حتى الموت! شوفتوا الفرق بين دول و دول! احنا مش قته بل نحن مصلحون! الحمدلله الدنيا ابتدت ترجع طبيعي تاني! الناس بتروح شغلها! البنوك ان شاء الله حتفتح الدنيا حتمشي طبيعي و لكن الاعتصام مستمر و التظاهرات حتستمر لحد ما ناخد حق اللي مات و هو بيقول كلمة الحق! بدون ذنب غير انه واجه الطاغية
|
|
|
|
