هوندا أكورد 2004 أو تيوتا كامري 2005

[dr_eslam_66]

طبعا بعد الحيرة واللف والدوران إستقريت على أحد السيارتين دول وطبعا بما إنهم مستعملين فا الحمد لله أنا شوفت كل عربية فيهم وإتأكدت من حالتها والإتنين زي الفل الحمد لله فا محتاج من أعضاء المنتدى الكرام حد يقدر يساعدني في الإختيار مابينهم علما بأن فرق السعر بينهم واضح حيث أن الأكورد معروضة عليا 28,000 والكامري 24,000 درهم إماراتي.
ولو أحد أعضاء المنتدى الكرام تفضل وقدملنا مقارنة سريعة مابن السيارتين يكون كتر ألف خيره.
ودا الي إتعودناه دايما في الأعضاء المحترمين بصراحة.

[homosh]

إزيك يا دكتور إسلام ,, يا فندم من غير مقارنة دوس في الكامري ,, عربية عائلية وإقتصادية جدا جدا وكمان موديل 2005 لكن الأكاورد 2004 , أنا معايا أكاورد 4 سلندر عربية كويسة جدا بس قطع غيارها أغلى شوية من التويتا وصيانتها طبعا انتا عارف ان الكامري مغرقه الدنيا تاكسي في الإمارات بس عادي يعني الناس كلها برضو بتركبها
توكل على الله وخد الكامري لو حالتها نضيفه واوعي تسجل قبل ما توديها للفحص الفني وتاخد ريبورت في كل حاجه عن حالة العربيه وضغط الموتور والحاجات اللي في العربيه وان كان فيها صبغ أو سمكره كل ده بنزل من تمنها وتأكد إن العربيه نضيفه 100%

[@واحد من الناس@]

أنا رايى الاكورد بناء على قناعات شخصية

[dr_eslam_66]

المشاركة الأصلية كتبت بواسطة homosh إزيك يا دكتور إسلام ,, يا فندم من غير مقارنة دوس في الكامري ,, عربية عائلية وإقتصادية جدا جدا وكمان موديل 2005 لكن الأكاورد 2004 , أنا معايا أكاورد 4 سلندر عربية كويسة جدا بس قطع غيارها أغلى شوية من التويتا وصيانتها طبعا انتا عارف ان الكامري مغرقه الدنيا تاكسي في الإمارات بس عادي يعني الناس كلها برضو بتركبها توكل على الله وخد الكامري لو حالتها نضيفه واوعي تسجل قبل ما توديها للفحص الفني وتاخد ريبورت في كل حاجه عن حالة العربيه وضغط الموتور والحاجات اللي في العربيه وان كان فيها صبغ أو سمكره كل ده بنزل من تمنها وتأكد إن العربيه نضيفه 100%

بجد متشكر جدا على الرد ياباشا و ألف مليون شكر كمان
أنا رأيي من رأيك بردو الكامري مالية الدنيا تاكسي ولا ملاكي فا مش هتغلبني خالص وموضوع الفحص دا أكيد من غير كلام أنا بس كنت محوش كام ملاحظة كدة على العربية مشتني لما أتأكد بعد الفحص أتكلم فيهم وأهو بالمرة ينزلوا شوية من السعر. (ياعني مثلا الباور تقيييل بشكل ملحوظ, البوجيهات حاسس إنها عايزة تتغير, غير بقى حالة الفرش من جوا مش قد كدة مش داخلة دماغي قوي بصراحة أصلها كانت عربية مقاول بردو) إنشاء الله هيا الكامري بس الي مخليني أتردد هيا حالة الأكورد فعلا شاذة فابريكة برة وجوة الإكصدام حتى ما إتخدش قبل كدة غير إني الي كان راكبها على طول حاطط إيده فيها مش مخلي فيها الهوا وهيا مالك أول من ساعت ماطلعت من الوكالة.
الكامري بقى دا تاني مالك.
عموما لو الفحص ظبط معايا الحاجات الي بتكلم فيها دي وماطلعشي فيها جديد يبقى هيا الكامري إنشاء الله.

[dr_eslam_66]

المشاركة الأصلية كتبت بواسطة @واحد من الناس@ أنا رايى الاكورد بناء على قناعات شخصية

متشكر قوي على الرد ياباشا بس عموما أسبابك دي مش شخصية ولا حاجة.
أي حد بيحب يركب عربية ويسوق لمجرد إنه عايز يسوق العربية يبقى فعلا هيستريح مع الهوندا. الهوندا برنسيسة الياباني الدلع كله مواتير مافيش بعد كدة كراسي من الآخر صالون بوجه عام لا يعلى عليه دايما في وسط منافسينها وغير بقى الشكل الخارجي طبعا دي أزواق بس أنا حاسس إني الكامري الـ 2005 دي بالذات أو الشكل ده أوتوبيس طويلة قوي وشكلها بيبين طولها دا عكس الأكورد إطلاقا كبيرة وطويلة وواسعة بس خطوطها من برة مش بتبين دا خالص.
عموما الواحد بيرجع ويقول أنا آه عايز أستريح وأنا سايق بس كمان عايز حاجة ماتوجعليش دماغي سواء صيانة ولا ولا ولا