تعتيلة غريبه ومحيرانى

[كنتوش]

السلام عليكم ورحمة الله وبركاته
العربيه دى هتجننى
العربيه كانت بتعتل ولقيت البطارية فيها ربعين غيرتها بواحده مستعمله وسليمه المهم لقيت فيها تعتيله عند الدواره وهى بارده لكن البطاريه زى الفل وكنت لما ازودلها وهى بارده تتكتم وتبطل سنفرت البوجيهات وغيرت سلك البوجيهات وسنفرت الابلاتين وبقت تمام بتتكتم وهى بارده حاجه خفيفه وتمنع بسرعه لكن التعتيله هى هى ولما بتسخن المارش بيدور زى الفل والموتور بيلقط من اول لمسه طيب يا ترى ده ايه انا حاطط زيت فيسكو ماشى عليه حوالى 1300 كيلو هل ممكن يكون الزيت متقل الموتور وهو بارد ولا ده شغل كهربا ولا ايه بالظبط

[samirayad]

فين العربيه

نوعها وبياناتها

وجارى المتابعه

بعد الأطلاع على بيانات العربيه والمكنه

من كل أتجاه

[كنتوش]

باشمهندس سمير يا اهلا بيك
ان شاء الله اكيد انت اللى هتفيدنى
العربيه بولونيز موديل 81 اسبراتير عادى المكنه موتور ال125 1300 سى سى وجيبتلها ميكانيكى امبارح فى الجو اللى كان منيل ده ظبط الكهربا والتعتيله قلت شويه لكن ده اخر الميكانيكى معاها وظهر عيب بعد كده وهو ان العربيه سحبها قل عالجنا السحب التعتيله رجعت خليته سابهالى سحبها قليل علشان اعرف ادورها اللصبح بالتعتيله الخفيفه ومش عارف اعمل ايه

[samirayad]

وكنت لما ازودلها وهى بارده تتكتم وتبطل سنفرت البوجيهات

عامة البيانات غير كامله برضه

بس بشكل عام

يفضل تغيير البوجيهات بطقم جديد من نوع كويس

ونظف فلتر الهواء أو غيره هو وفلتر البنزين

[كنتوش]

طيب سوؤال يا باشمهندس
انا كنت لقيت بوجيه قاطع غيرته بجديد وفكيت الباقيين وقفلت فتحتهم شويه علشان كانوا وسعوا عن الجديد المهم لاحظت حاجه كده مش عارف ده من البوجيه ولا من ايه وهو انى بعد ما ركبت البوجيه قولت اشيك على كل البوجيهات لقيت ان الشرارة بين السلك والبوجيهات اضعف من اللى مع البوجيه الجديد ما شاء الله كانت طلقات ناريه لدرجة انها نورت فى الضلمه واللى مع البوجيهات القديمه تحس انها نيه شويه وضعيفه هل ده من الاسبراتير ولا من البوجيه