العودة   مصر موتورز مجتمع السيارات > منتديات السيارات العامة > منتدى السيارات العام

منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم


إضافة رد
 
أدوات الموضوع
  #1  
قديم 30-10-2010, 04:57 PM
THE_HERO2005 THE_HERO2005 غير متواجد حالياً
 
تاريخ التسجيل: Aug 2010
المشاركات: 101
THE_HERO2005 is a jewel in the roughTHE_HERO2005 is a jewel in the roughTHE_HERO2005 is a jewel in the rough
افتراضي ماله مترو الانفاق بـ 2 جنيه وزى الفل !!

السلام عليكم ورحمة الله وبركاته

معلش انى بزعجكم بمشكلتى بس مش لاقى غيركو احكيلوو.........

من قبل ما اجيب العربية الناس قلها بتقولى السواق محتاجة قلب ومحتاجه جرأة دى سهلة خالص

المهم بعد ما جبت العربية ولسة بتعلم عليها عملتلى كدا كام حدثة مرة فى رصيف ومرة فى ميكروباص ومرة فى الفتيس وصرفت كتير ... والكلام دا كلو فى 3 اسابيع ولا 4 .

بعد ما دخلت مدرسة وحسيت انى اتعلمت الاساسيات وقعد مع صحابى شوية علشان يظبطونى فى السواقة وكدا !!!
المهم لما بدات اسوق فى الشوارع والزحمة والقرف والخنقة لقيت الحوار صعب مش زى الصورة الوردية الى انا كنت متخيلها انى بكدا هوفر ووقت وفلوس .....

وكل الى قلولى ان السواقة دى عايزة قلب وجراة !! انا مش معاهم خالص انا بلعب بوكس ومصارعة بقالى سنين ولازم يكون قلبى ميت من زمان ...وقلت على كدا السواقة دى مش هتاخد معايا ماتش واحد واكون اديتها القاضية ولكن !!! لما سوقت لمدة حوالى 3 ساعات متواصلة بعد ما خرجت من العربية حسيت بالاعراض الاتية :-
1-
الام فى الكتف مع العلم انى ممكن اشيل اوزان ثقيلة ويكون التحميل على كتفى الحمد لله.
2- الام فى الفك السفلى زى لسة واخد بوكس مطيرلو صف سنانو التحتانى (يمكن من كتر الضغط والكلاكسات).
3- صداع نصفى والام فى الرقبة.
4- ضيق وثقل فى التنفس مع العلم مش بشرب سجاير.
5- الام فى الركبة و العصعوصة.
6- الام عند الكعب.

كل دا كوم والام النفسية كوم تانى (عامل زى الى بقالو 50 بطولة بيخسر من الجولة الاولى)

وفكرت انى ابيع العريبة ...... بس للاسف لقيت نفسى هخسر على الاقل 6-7 الاف جنية فقولت حرام بس مش عارف !!! هتروح عند ميكانيكى وكهربائى وسمكرى >العربيات دى حوار كبير قوى<.

فعندى شعور بالندم لانى جبت العربية ومستحرم ابيعها مع العلم انى لما كنت شاريها ماكنش فيها مشاكل.

ملاحظة:
وعمال اقول لنفسى مالو المترو زى الفل وبيدونى لحد حلوان فى ساعة وكل دا ب 2 جنيه رايح جاى.
رد مع اقتباس
  #2  
قديم 30-10-2010, 05:17 PM
الصورة الرمزية دحداحي
دحداحي دحداحي غير متواجد حالياً
من انا؟: فاشل
التخصص العملى: طالب
هواياتي: الكمبيوتر والسيارات
 
تاريخ التسجيل: Sep 2010
الموقع: القاهره : المعادي
المشاركات: 92
دحداحي has a spectacular aura aboutدحداحي has a spectacular aura aboutدحداحي has a spectacular aura about
افتراضي رد: ماله مترو الانفاق بـ 2 جنيه وزى الفل !!

بس موما العربيه بيتنفع كتير في اي وقت
يعني بتروح اي حته انت عاوزها في اي وقت مش بتقول لا المشاور ده بعيد وتكسل وماتبقاش خايف ان المترو يقفل وتروح في المواصلات وتبقي الزحمه بقي وتتخنق اكتر
بس هي عربيت حضرتك نوعها ايه وشاريها مستعمل ولا جديد
رد مع اقتباس
  #3  
قديم 30-10-2010, 05:40 PM
الصورة الرمزية ahmedraafat00
ahmedraafat00 ahmedraafat00 غير متواجد حالياً
 
تاريخ التسجيل: Nov 2009
المشاركات: 590
ahmedraafat00 is a splendid one to beholdahmedraafat00 is a splendid one to beholdahmedraafat00 is a splendid one to beholdahmedraafat00 is a splendid one to beholdahmedraafat00 is a splendid one to beholdahmedraafat00 is a splendid one to beholdahmedraafat00 is a splendid one to behold
افتراضي رد: ماله مترو الانفاق بـ 2 جنيه وزى الفل !!

يااااااااه حضرتك كأنك بتتكلم بلسانى بالظبط
نفس اللى حضرتك بتقوله انا متفق معاك فيه بالملى " باستثناء المصارعه طبعا ههههه انا مسالم جدا "
يعنى بجد قبل ما اخد العربيه كنت مفكر نفسى مش هرحمها وكل يوم فى حته ولما خدتها اتقرفت من السواقه لكن اهوه بعصر على نفسى لمونه و مقضيها بسوق فى المشاوير المهمه
فكرت ابيع العربيه لكن أنا شايف ان وجود عربيه فى كل بيت حاجه مهمه حتى لو مش بنستخدمها بأستمرار يعنى بيجى اوقات و بنحتاج لها فى مناسبات مثلا زى فرح او مناسبه عائليه شبيهه و زى مثلا رايحين المصيف فى الصيف ولو برده نازل مع اختى او امى او فى المستقبل مراتى مثلا اكيد وجود عربيه بيكون افضل بكتير و زى مثلا لو لقدر الله حد من الاسره تعب فى وقت متأخر من الليل وجود عربيه تحت ايدك حاجه مهمه جدا وغيره ....
وربنا يصبرانا على السواقه فى مصر
__________________

رد مع اقتباس
  #4  
قديم 30-10-2010, 05:50 PM
الصورة الرمزية koashraf
koashraf koashraf غير متواجد حالياً
من انا؟: وديع فى شراسه واحب الخير للجميع.
التخصص العملى: كيميائى .
هواياتي: السيارات والكمبيوتر وصيد السمك
 
تاريخ التسجيل: Feb 2010
الموقع: الاسكندريه/ مصر
المشاركات: 1,407
koashraf has a reputation beyond reputekoashraf has a reputation beyond reputekoashraf has a reputation beyond reputekoashraf has a reputation beyond reputekoashraf has a reputation beyond reputekoashraf has a reputation beyond reputekoashraf has a reputation beyond reputekoashraf has a reputation beyond reputekoashraf has a reputation beyond reputekoashraf has a reputation beyond reputekoashraf has a reputation beyond repute
رأى رد: ماله مترو الانفاق بـ 2 جنيه وزى الفل !!

بص يابطل السواقه مش مجرد نصائح من الزملا وكام حصه وخلاص السواقه ممارسه يعنى فى البدايه الاعراض الى حصلت لك دى هى الطبيعى من كتر التركيز حتبقى جميله لان محدش حيسوق لكن مع الوقت بتكون ردود افعالك تلقائيه ومش محتاج انك تفكر ولوسألت اى حد من الزملا اللى بيسوقو من سنين حيقولك انه مر بنفس التجربه حتى اصبح يسوق باحتراف بس المهم ماتشدش اعصابك اوى كده....
ولوكل الناس اللى مرو بالتجربه دى فى الاول بطلوا كانت الشوارع
__________________

"اللهم أنصر الاسلام وأعز المسلمين"
رد مع اقتباس
  #5  
قديم 30-10-2010, 06:28 PM
الصورة الرمزية lol64
lol64 lol64 غير متواجد حالياً
 
تاريخ التسجيل: Oct 2009
الموقع: لقاهره
المشاركات: 3,532
lol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond reputelol64 has a reputation beyond repute
افتراضي رد: ماله مترو الانفاق بـ 2 جنيه وزى الفل !!

كل شئ هايتحسن بالممارسه وهاتفتكر الايام دى وتضحك عليها كلنا كنا كده فى الاول
__________________

رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 06:49 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017