اريد نصيحة من اهل الخبره في الرينو رينبو 97

[تيتو55555]

انا مقبل علي شراء سيارة وبصراحه مش معايا غير 28 الف فقط وطبعا اتمني اني اوفر منهم , المهم عشان مطولش علي حضاراتكم امامي سيارة رينبو موديل 97 , 1300 سي سي العربيه عامله 210,000 كيلو متر بس العربيه فيها شوية عيوب:
- الفنوس الامامي مكسور (يا تري هلاقيه ولا لا وبكام ؟؟)
- التكيف مش شغال وصحبي قاللي انه محتاج كرته للمروحه تتغير وقاللي برده انه راح لكهربائي وقاله ممكن اشغلك المروحه عمومي (فهل ده تمام ؟؟؟ ولا ملهاش كرتات )؟؟؟
-المسطره الموجوده بين الفانوسين اللي وراء فيها كسر صغير وهو قاللي انه سال عليها في اسكندره وملقعاش (فهل هلاقيها ولا لا؟؟؟؟)
-باقي الامور اللي فيها بسيطه وبصراحه فتيسها وعفشتها متهيقلي تمام اوي
عاوز نصيحتكم اشتريها ولا لا وتساوي كام علي حالتها دي وهل قطع غيارها موجوده ولا لا لان ناس كتير عقدتني منها بان قطع غيارها عاليه وناس تاني قالتلي انت مش هتغير قطع غيار كل يوم ,, عارف اني طولت عليكم اوي بس بجد انا محتار ياريت تردو عليا بسرعه وجزاكم الله خيرا .. واتمني ايضا البوب يرد عليا وكل الاخوه الاعضاء .....

[تيتو55555]

ايه يا خبراء الرينو اين انتم برجاء اجيبوني

[RENAULT 18]

السلام عليكم ،،،،،،، تقبل تحياتى :

أولا أنا مش من ملاك الرينو رينبو بس أنا بسمع عنها أنها عربية ممتازة لو حضرتك شايف أن كل اللى هيتغير فيها مش هيكلف كتير أتوكل على الله

و أنتظر ردود خبراء و مالكى السيارة ،،،،،،،،، و الله الموفق

[تيتو55555]

شكرا استاذ/ رينو 18
واتمني من خبراء الرينو ان يجيبوني

[hossamhussein0]

بص يا باشا

أنا بصراحة لا اعرف الكثير عن الرينبو بس انا اسمع انها عربية محترمة جدا و قطع غيارها قريبة جدا من الرينو 9

و عموما كل حاجة موجودة و قطع الغيار التركي و السوق الاوروبية ما خلتش حاجة ناقصة و لو يا سيدي ما لقيتش جديد هتلاقي استيراد و اعتقد ان الفانوس ما بين 150 - 200 ج و الشنب الخلفي في حدود 100 ج (و دي تقديراتي الشخصية بناء علي خبرتي الشخصية)

موضوع التكييف ده ممكن يكون حواره كبير ،،، و ممكن يكون العيب في الكباس أو الثلاجة و دي حاجات هتصرف شويه كثير ، أما اذا كان صادق و العيب الوحيد هو كارته المروحة فده شئ بسيط ممكن تتغير و ممكن تتصلح ،، يعني هيبقي ليها صرفه باذن الله

و احب ان اؤكد لك ان العربيات الرينو محترمة جدا جدا و انا عن نفسي ركبت 18 و سوبر 5 و اخيرا لوجان زيرو

و ياريت تدور علي عربية تكون حالتها بيتي و تشتري دماغك ( يعني تكييفها شغال فعلا و البودي الخارجي جيد و تركب علي طول هيكون افضل من المجازفة و خصوصا ان امكانياتك محدودة و العربيات دي قطع غيارها غالية شوية و ممكن تصرف منك كثير )

و علي فكرة هناك برضه الكليو الفرنسي ( الهاتش باك ) موديلات التسعينات عربيات ممتازة و ممكن تلاقيها كمان في اوائل العشرينات.