العودة   مصر موتورز مجتمع السيارات > تعديل السيارات والاكسسوارت > تعديل السيارات العــام

تعديل السيارات العــام منتدى تعديل السيارات والاكسسوارات والسانود سيستمCar Tuning - Pimp My CaR!!!!!


إضافة رد
 
أدوات الموضوع
  #1  
قديم 15-10-2010, 01:28 AM
THE_HERO2005 THE_HERO2005 غير متواجد حالياً
 
تاريخ التسجيل: Aug 2010
المشاركات: 101
THE_HERO2005 is a jewel in the roughTHE_HERO2005 is a jewel in the roughTHE_HERO2005 is a jewel in the rough
افتراضي لكى تجعل عربيتك مصفحة !!! احلم بالتثيت

السلام عليكم ورحمة الله وبركاته

انا كنت بفكر فى حاجة وحبيت ان الناس الى فى المنتدى يشركونى فيها !!!!

اتخنقت ان عربيتك خفيفة قوى و اى حد لو ضربها تكسر ولو اتخبطت حاجة بسيطة تدمر.
اتخنقت من بتوع الميكروباصات الى بيزنقوا عليك وكل شويه يرمو عليك.
اتخنقت وانتا بتعلم اختك ولا ولدتك انها كل شويه تخبط فى رصيف ولا فى حيطة ودفعك مبلغ وقدره .
اتخنقت .....اتخنقت .......اتخنقت .....اتخنقت ..........اتخنقت ......اتخنقت


ان شاء الله تجد الموضوع يفيدك حتى لو مطابقتهوش...

انا كنت بفكر انى افك الرفارف والاربع ابواب بتوع العربية ...
1- اجيب حديدتين (نفس شكل الصليبة) يعنى متقاطعين وكمان مقوسين (يعنى عند منطقة التقاطع تاخد انباعاج قليل علشان تبقى مقوسة) ويكون سمك الحديد حولى 2 سم.

2- اجيب اى رفرف من الرفارف الاماميةفى الجهة الداخلية منه وبعدين اركب عليها الحديدة المقوسة وذلك عن طريق مسامير تربط فى الرفرف نفسه او اى طريقى اخرى جيدة لتثبيته (محتاج راى الخبرا فى الحتة دى ) وبعدين احط رصاص او اى مادة من الى بتتحط لتقوية الشاسيه(محتاج راى الخبرا فى الحتة دى) ليصل سمكها 1.5 الى 2 سم مع حساب وزن الرفرف قبل وبعد التعديل .....

3- عمل نفس الشئ بالنسبة فى الرفرف التانى والاربع ابواب بردو بعد نزع الزجاج منه ومحاولة عمل نفس الشئ فى الشنطة مع حساب ان يتساوى جميع الاوزان الرفارف و الابواب والشنطة .

4- نفك الاكصدام والشبكة وبعدين نجيب حديدة بنفس طول الاكصدام ومحاولة تنيها لتاخذ شكل قوس خفيف وتربط مع البودى بتاع العربية وعلى نفس المستوى نرتفع قليلا ونربط حديدة تانية مقوسة وتمر قدام الردادتير ولو مفيش مساحة (فى فكرة تانية عارف الحديدة الى بيربطو بيها الركب بتاعت العربية علشان الثبات الى موجودة جوا الحوض بتاع العربية وكدا هنركبها وهتكون بشكل عرضى نقوم نجيب حديدة وهنركبها راسى وهتكون محطوطة كالاتى : احدى الاطراف مربوط فى وش العربية عند الحتة الى فيها قفل الكابوت وتكون على شكل دائرة او كلابش ويكون مربوط فى النص بالظبط والجهة الثانية تكون مربوطة فى الحديدة بتاعت الركب على نفس شكل دائرة او كلابش وتكون مقوسة فى اتجاه الكبوت اوتاخذ نفس الانحناء للكبوت __هشرح الحتة دى بعدين للى مفهمهاش.

5- لا ننسى القوائم : نحضر عمودين اطول من القائم بقليل ونقوم بثنيه على شكل قوس خفيف ونثبته فى السيارة احدى الاطراف فى السقف والاخر فى العتب (يمكن تغير المادة المستخدمة الى هيا الحديد الى الفولاذ او الياف الكربون وكل ذلك يرجع للتكلفة ).

6- الرصيف .... الرصيف..الرصيف علشان نحل المشكة دى خالص هنركب بطول صدر العربية نفس الحديد المقوس الصليبة ولكن كنت بفكر اضيف اضافة صغيرة قوى انى اركب سوستة من الحديد المقوى فى المنتصف الصدر تمام يمكن ان تكون طوبلة او مجموعة سوست على التوازى وتكون صغيرة وذلك لامتصاص الصدمة مع حساب ان لكل فعل رد فعل )و بعد كدا هتاخد اى بلاعة تحتيك او طوبة من غير ما يهمك .

المميزات لهذه الفكرة :-

1- الثقة فى العربية.
2- هتحس انك مرتاح من حاجات كتير ممكن تخنقك من الى قلناها فوق.
3-من الصعب ان العربية تعوم او تتقلب منك .
4- حوارات التقويس الكتير دا علشان يمتص الصدمة يعنى الانبعاج اخر يخلى الحديدة ترجع مستقيمة تانى
5- هيعتبر بادى العربية هو دا الكفر بتاع العربية الحقيقى.

العيوب (يمكن معرفهاش كلها بس دا الى خطر على بالى) :-

1- زيادة فى كتلة السيارة وبالتالى نقص السرعة القصوى.
2- نقص العزم بتاع الموتور.
3- تحتاج لتقوية الفرامل لايقاف الكتلة الاضافيه للسيارة
4- يمكن ان يكوش شكل السيارة قبيح .
5- معرفش التكلفة كام بس ما اظنش غالية لان كل دا قطع حديد سمك 2سم ولا يزيد طولها عن 80 سم.
6- لسة بفكر على طريقة تقدر تحافظ على العربية لما تتخبط من عند الجنط .





على فكرة لسة عندى افكار تانية بس قلت اشوف دا الاول .


الموضوع مش منقول وبجد انا تعبت فيه وارجو من الادارة التثبيت
رد مع اقتباس
  #2  
قديم 15-10-2010, 04:11 AM
solghof solghof غير متواجد حالياً
 
تاريخ التسجيل: Aug 2009
المشاركات: 21
solghof is on a distinguished road
افتراضي رد: لكى تجعل عربيتك مدرعة !!! احلم بالتثيت

لو عندك صور للطريقة هاتسهل اكثر علي الاعضاء فهم وجهة نظرك
وشكرا علي المجهود
رد مع اقتباس
  #3  
قديم 15-10-2010, 08:39 AM
الصورة الرمزية NicEgypt
NicEgypt NicEgypt غير متواجد حالياً
من انا؟: web programmer & application windows
هواياتي: marketing books كتب علم التسويق بأنواعها
 
تاريخ التسجيل: Jun 2008
المشاركات: 351
NicEgypt has a reputation beyond reputeNicEgypt has a reputation beyond reputeNicEgypt has a reputation beyond reputeNicEgypt has a reputation beyond reputeNicEgypt has a reputation beyond reputeNicEgypt has a reputation beyond reputeNicEgypt has a reputation beyond reputeNicEgypt has a reputation beyond reputeNicEgypt has a reputation beyond reputeNicEgypt has a reputation beyond reputeNicEgypt has a reputation beyond repute
افتراضي رد: لكى تجعل عربيتك مدرعة !!! احلم بالتثيت

حضرتك نسيت ان استهلاك البنزين هيكون اعلى .. الموتور هيموت فعلا
لو حصل حادث لا قدر الله التعديلات دى ممكن تكون مميتة للى جوة بدل ما تحمية
السيارات عموما مصممة بحسابات دقيقة بحتة اي قطعة اضافية بتفرق كتييير
فكرة تعديلات حضرتك ممتازة طبعا ولا غبار عليها ..
ولكن عيوبها كتيرة وتكاد تكون غير مجدية لكثير من السيارات يعنى فية كتير من العربيات مش هينفع التعديلات دى نهائى عليها ملهاش اي مكان ليها ... الحل هو ثقة السائق بنفسة والقيادة بهدوء
وانك تخلي اللى عايز يعدى يعدى مش مشكلة التسامح حلو . التأخير مش هيكون اكتر من عشر دقائق
مقابل الحفاظ على السيارة.. انما التعديلات دى تحولها لــمدرعة تدخل بيها حرب
متنساش ان الشاسية والمساعدين والعفشة عموما مش هيستحملو التقل الرهيب دة
ومتنساش الدريكسيون هيكون محتاج عشرة يلفو معاك .. بجانب ان التعديلات دى هتجيب اجل مكونات السيارة
بشكل كامل .. عفشة وموتور وفـتيس واسطوانة دبرياج وطنابير وكبالن وغيرة وغيرة . تعديلات حضرتك فعلا محتاجينها فى شوارعنا فمصر .. لكنها للاسف اضرارها اكبر من نفعها .. والحل التسامح والقيادة الهادئة .. وفى انتظار باقى تعديلاتك .. وتعديلات وخبرة الاعضاء .. موضوع اكثر من رائع. تقبل تحياتى

التعديل الأخير تم بواسطة NicEgypt ; 15-10-2010 الساعة 09:01 AM
رد مع اقتباس
  #4  
قديم 15-10-2010, 09:17 AM
الصورة الرمزية zoomaa&mizaa
zoomaa&mizaa zoomaa&mizaa غير متواجد حالياً
 
تاريخ التسجيل: Apr 2010
المشاركات: 441
zoomaa&mizaa has much to be proud ofzoomaa&mizaa has much to be proud ofzoomaa&mizaa has much to be proud ofzoomaa&mizaa has much to be proud ofzoomaa&mizaa has much to be proud ofzoomaa&mizaa has much to be proud ofzoomaa&mizaa has much to be proud ofzoomaa&mizaa has much to be proud ofzoomaa&mizaa has much to be proud of
افتراضي رد: لكى تجعل عربيتك مدرعة !!! احلم بالتثيت

فكرة حلوة بس كدة العربية باظت قبل متعمل حادث لان التصفيح دة هيدمر كل حاجة فى العربية
__________________

تحيا مصر
رد مع اقتباس
  #5  
قديم 15-10-2010, 10:42 AM
bedos bedos غير متواجد حالياً
 
تاريخ التسجيل: Oct 2009
المشاركات: 71
bedos has a spectacular aura aboutbedos has a spectacular aura aboutbedos has a spectacular aura about
افتراضي رد: لكى تجعل عربيتك مدرعة !!! احلم بالتثيت

تفكير حلو لكن فين حسابات وزن العربيه ومين اللي هركب الحاجات دي وتكلفة تركيبها هتكون مرتفعه جدا جدا وبرده لو اتخبطت من التصفيح دا هتتضر تروح تصلحها وترشها برده
شكراً لك وافكار رائعه
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 03:10 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017