عمرة و لا موتور جديد - ارجو المساعدة خصوصا اني غير محترف

[Maxmoss28]

السلام عليكم اولا

انا هحاول احكي اللي حصل باختصار

اولا الماتور كان بياكل زيت فلما روحت للمكانيكي قالي انت محتاج تعمل نص عمرة ( طقم شنبر وكده يعني ) المهم سمعت كلامه وده كلفني 600 جنيه

بعد ماخلص وانا استلمت العربية قالي ابقي غير زيت وفلتر روحت محطة شل وغيرت زيت وفلتر وبعد ما غيرتهم لاحظت ان لمبة الزيت بترعش بس بتطفي علي طول اول ما ادوس بنزين بصراحة متوقعتش ان يكون في حاجة وكان يوم الاحد يعني الميكانيكي قافل وروحت بيها الشغل ولما رجعت عديت علي المكانيكي ولقيته بيقولي ان فلتر الزيت اللي انا غيرته كان مضروب وبالتالي بوز الدنيا كلها وجرب فلترجديد تاني حصلت نفس المشكلة

ولما فتح العربية قالي بسبب الفلتر المضروب وانا مشيت بالعربية ولمبة الزيت بتنورأن الكرنك كان بياكل في السبيكة وبالتالي محتاج عمرة كاملة وقالي بدل ما تعمل عمرة كاملة وهتكلفك هات نص تحتاني للماتور استيراد هيكون ارخص

في النهاية واحد قريبي قالي اجيب ماكينة ( Short Block ) من غير وصلات التغذية خصوصا ان سعرها هيكون قريب من النص التحتاني اللي انا هجيبه وبصراحة انا اقتنعت بكده وامري لله

فارجو النصيحة من اهل الخبرة ؟ ومش عارف هل كل اللي حصل ده عيب ميكانيكي وبالتالي لا اتعامل معاه مرة اخري ولا اعمل ايه
واسف علي الاطالة

[HaMaDa-ToUBaR]

هو مبدايا كدة المفروض كان هو الى يغير الفلتر والزيت بعد الى عملة
وبعدين لو فى مشكلة فى دورة الزيت اللمبة كانت هتفضل منورة على طول سواء دوست بنزين او شيلت رجلك من على البنزين انتى لو عليت السلانسية شوية الرعشة دى هتروح فعلشان كدة انا بستنتج ان دة عيب ميكانيكى
بس لو تعرف ميكانيكى تانى احسن منة وضميرة كويس روحلة على طول من غير سؤال
وربنا معاك ويوفقك ان شاء الله

[hazem_khidr]

زي ما حماده قال بالضبط
المفروض بيلين العربيه و هي واقفه قدامه و يراقبها و بعدين هو بيغير الزيت و الفلتر.
بصراحه انا مش عارف العيب منين علشان ما اظلموش .
بس من رأيي خد ميكانيكي بيفهم و انزل اشتري موتور كامل و سيبك من حكايه نص موتور تحتاني و الكلام دا.
موتور كامل عالي بعضه افضل ميت مره بس علي تجربه طبعا

[NicEgypt]

المشاركة الأصلية كتبت بواسطة hazem_khidr زي ما حماده قال بالضبط المفروض بيلين العربيه و هي واقفه قدامه و يراقبها و بعدين هو بيغير الزيت و الفلتر. بصراحه انا مش عارف العيب منين علشان ما اظلموش . بس من رأيي خد ميكانيكي بيفهم و انزل اشتري موتور كامل و سيبك من حكايه نص موتور تحتاني و الكلام دا. موتور كامل عالي بعضه افضل ميت مره بس علي تجربه طبعا

++++++++++++++++1
وحسب تعاملى مع 6 ميكانيكية مختلفين ... الميكانيكى اللى مع حضرتك مش فاهم حاجة ف اي حاجة
وبيحاول يعلق اخطأءة على حاجات غير صحيحة .. الافضل فعلا موتور كامل يكون حالتة جيدة
هتركب ودور .. لكن العمرة مكلفة وهتاخد وقت ومشاكل لا حصر لها .

[Maxmoss28]

بجد متشكر جدا علي ردودكم وفعلا انا عملت زي ما انتو قلتم بالظبط انا اشنريت ماتور استيراد من خلال واحد قريبي والحمد لله حالته فوق الممتاز وريحت دماغي وان شاء الله هغير الميكانيكي لانه فعلا العيب منه هو السبب

بس انا مبسوط جدا علي ردودكم والف شكر