حطينا زيت فتيس بدل زيت الموتور ؟؟!!!!

[mialbedewy]

السلام عليكم
معلش حصل حاجة عجيبه اننا حطينا في اللادا 2107 زيت فتيس بدل زيت موتور نظرا لان لون الجركن زى زيت الموتور فابويا مخدش باله
هو الزيت كان تقيل ومركز حلو يعني
فهل فيها قلق ولا ايه
الموضوع ده حصل النهارده بليل
والعربية مشيت شوية يجي ساعتين

[Injection]

معلش بس هى طبعا فيها قلق, زيت الفتيس أتقل من زيت الموتور بكتير, ومعمول لظروف مختلفة غير زيت الموتور تماما ودرجات حرارة مختلفة, وممكن يبوظ طلمبة الزيت لو تقيل زيادة عن اللزوم, ويضيع أداء الموتور نتيجة للزوجته, ده غير برضه أنه هيسخن الموتور نظرا للزوجته العالية, ولو والدك زوده على الزيت القديم ألأثنين مش هيختلطوا نتيجة لأختلاف لزوجتهم وهيعملوا زى الميه والزيت.

فى المنتديات الأجنبية بينصحوا بتغيير الزيت من الموتور وتنزيل الزيت القديم بالكامل سواء بأويل فلش أو تغيير الزيت مرتين أو تلات مرات ورا بعض لأخلاء الموتور من زيت الفتيس, بالأضافة لتغيير الفلتر طبعا.

وأنا بصراحة منصحش بالأنتظار فترة طويلة من غير تغيير الزيت, لأن ثمن تغيير الزيت أقل من ثمن عمرة لو حصل حاجة غلط لا قدر الله.

[mialbedewy]

المشاركة الأصلية كتبت بواسطة Injection معلش بس هى طبعا فيها قلق, زيت الفتيس أتقل من زيت الموتور بكتير, ومعمول لظروف مختلفة غير زيت الموتور تماما ودرجات حرارة مختلفة, وممكن يبوظ طلمبة الزيت لو تقيل زيادة عن اللزوم, ويضيع أداء الموتور نتيجة للزوجته, ده غير برضه أنه هيسخن الموتور نظرا للزوجته العالية, ولو والدك زوده على الزيت القديم ألأثنين مش هيختلطوا نتيجة لأختلاف لزوجتهم وهيعملوا زى الميه والزيت. فى المنتديات الأجنبية بينصحوا بتغيير الزيت من الموتور وتنزيل الزيت القديم بالكامل سواء بأويل فلش أو تغيير الزيت مرتين أو تلات مرات ورا بعض لأخلاء الموتور من زيت الفتيس, بالأضافة لتغيير الفلتر طبعا. وأنا بصراحة منصحش بالأنتظار فترة طويلة من غير تغيير الزيت, لأن ثمن تغيير الزيت أقل من ثمن عمرة لو حصل حاجة غلط لا قدر الله.

الف شكر علي ردك
ان شاء الله هنغيرة بكرة علي طول احسن جارنا كان بيقول لابيوا مدام تقيل يبقي كويس وحلو متخافش
بس انا طبعا قلقان عشان بحب آخد الحاجة بدون عك وتنفيض لان العربية زي الحصان لو أكلته وحش هيبقي وحش ولو أكلته أكله هيبقي مهر
بس سؤال ايه الاويل فلش ده سائل يعني ولا ايه واجيبه منين
وهل لازم تغير الفلتر في يوم واحد كده
الف شكر مرة تانية

[Injection]

العفو ياباشا, الأويل فلش سائل بيتحط على نص الزيت اللى فى العربية, والعربية بتدور على السلانسيه شوية وبعدين ينزل الزيت الباقى, ومن أسمه بيعمل فلش للموتور من كل الزيت اللى فيه, وأسمه بالأنجليزى oil flush لو حبيت تدور على النت, وموجود عند معظم البنزينات, وأون ذا ران ومحلات الأكسسوارات.

والسؤال التانى غريب شوية, أساسا طالما غيرت زيت المفروض تغير فلتر زيت معاه.

وتشبيه الحصان تشبيه حلو قوى وفى محله, ربنا يخليهالك فرس سباق عربى ويفرحك بيها.

[omardivel2005]

يجب* تغيير الزيت مرتين و الفلتر*أدينا*فرصة*يا*عم*أ نجكشن*كل*ما*ادخل*موضوع*مل قيش*حاجة*تتقال*بعديك
*الله*ينور