تجاربنا مع الصيانة و قطع الغيار

[xabi]

عندى اقتراح ممكن يكون كويس وينفع الاعضاء
كل واحد من الاعضاء عمل اى شغل او صيانه فى العربيه بتاعته فى نفس اليوم سواء كانت كهربا او ميكانيكه اوعفشه او اى حاجه بعد ما يعملها يرجع يكتبها ويقلنا عليها وجاب قطع غيار ايه ودفع كام وبكده هنقدر نفيد اى حد من الاعضاء رايح يعمل صيانه او يصلح اى حاجه فى العربيه ويبقى عارف اسعارها ايه علشان محدش يغلى عليه ...والكلام ده يكون يومى وبشكل متكرر علطول فى نفس الموضوع والكل يستفيد..ولو الموضوع مشى وبقى فيه استجابه من الاعضاء نغير اسمه ونثبته وده طبعا بعد إذن الاشراف طبعا

[lol64]

وانا موافق على الموضوع ده وده فعلا هايفيد كل واحد لو عنده نفس المشكله ويعرف هايعمل ايه

[xabi]

ايه ياجماعه هو الاقتراح وحش ولا ايه

اقتراح جميل جدا ويا ريت كل الناس تتفاعل معاه لانه هيكون خير للناس كلها

[xabi]

أنا عن نفسى لقيت الانذار بتاع العربيه بيخرف وبيقفل باب والباقى لأ وبيعمل حاجات غريبه امبارح وفضل على الحال ده للدرجه انه قفل الابواب بتاع العربيه كلها وساب الباب بتاعى مفتوح...روحت لبتاع السنتر فك الباب ولقى ال lock unit بايظه ومش شغاله وكمان السلوك بتاع الانذار كانت متبهدله..روحت جبت lock unit جديده ب17 جنيه ماليزى(دى كانت اعلى حاجه عند الراجل) وركبتها والعمليه بقت تمام التمام.
الصنايعى بتاع الانذار اخد20 جنيه
والكهربائى اللى اشتغل اكتر منه اخد 15 جنيه.