نداء لكل الفاهمين

[elsheikh2010]

كل سنة وانتم طيبين انا ياجماعة معايا مبلغ 70000 جنيه هي تحويشة عمري قررت اشتري عربية من قرف المواصلات وعشان عيلتي الي ابتدت تكبر ماشاء الله لا قوة الا بالله وعلى فكرة انا قاعد في شقة تعتبر بالايجار يعني فضلت العربية على الشقة عشان الي بشوفه من البهدلة وعشان انا ما بافهمش في الأنواع الجديدة فقررت استشير اهل الخبرة تنصحوني بايه ؟؟؟؟ وبالاخص اقتصادية السيار ومتانتها ورفاهيتها وقطع الغيار المتوافرة والرخيصة ووكيل يعني محترم شوية معلش انا طماع بس ياريت تفهموني .
وشكرا

[eng_ahmed_90210]

افضل عربيه بميزانيه حضرتك هي اللوجان
قطع غيارها بدأت تتواجد بره التوكيل
ده غير ان توكيلها توكيل كويس الي حد كبير

[luckyman]

الشيفرولية الافيو او الهيونداى نيو اكسنت واتوقع ان دول فوق 70 الف بشوية
لكن لو العائله عندك مش كبيرة يعنى لسة اطفال وانت جديد فى السواقة ومحتاج عربية اقتصادية سهله السواقة ومصاريف تشغيل زهيدة وسعر سيارة ذكى ومدروس وتستمتع بما تبقى لك من مال تبقى هى الاسبرانزا ب 50000 خمسين الف جينة مصرى لا غير وتوفر الباقى لو مش محتاج سيارة ازيد من كدة
كمان هى واسعة من الداخل ومدمجة من الخارج يعنى كمان فى المواقف سهله الركن خالص امنياتى باختيار موفق ولك منى كل الشكر والاحترام

[moataz.ghoneim]

شوف يا باشا المبلغ ده يخليك تجيب :
1- فيرنا ( فيها كل اللى انت عايزه تقريبا)
2-لانوس (زى الفيرنا فى كل حاجة ما عدا الموتور لصالح الفيرنا)
3- لوجان(حاجاتها اغلى شوية من اللي فاتو)
نيجى بقلى للصيني
بلا منازع (BYD F3 وتتميز بالاتساع الداخلى الفظيع و اشتراكها مع موديلات يابانى في الموتور ميتسوبيشي لانسر 2007&عفشة وفرامل تويوتا كورولا)
وبعديها سبرانزا A516
الاختيار يعتمد على الشكل العام و الراحة النفسية (وده يرجعلك).

[fares515]

نيو أكسنت في رأيي أفضل حاجه ولو الميزانيه تسمح ادفعهم مقدم للسيراتو وقسط الباقي بالنظام اللى يتناسب معك وبالتوفيق ان شاء الله