مزدا 3 ولا لانسر عوزكم تفكرو معايا

[medo akef]

اخباركم يا جماعه عملين ايه؟
انا معايا لانسر 1.3 اوتو و ببيعها دلوقتي لاني اتخنقت من كل العربيات بسببها و طبعا انتو عرفين ليه عشان ضعف الموتور و الثبات و دول اهم حاجه عند اي شاب
و هي بردو كرهتني في الفتيس الاوتو و هرجع للمنيول تاني العزم و القوه و الواحد ميخفشي عليه من حاجه
و كنت عوزكم تفكرو معايا اجيب مزدا 3 2007 او 2008 استعمال نظيف منيول
ولا اجيب لانسر 1.6 منيول 2009 بردو استعمال نظيف
ناس قالت المزدا تقيله في طلعتها و جريتها عموما بالنسبه للانسر و بيقولو لانسر 1.6 منيول مفيش حد بيقف ادمها و انا معاهم في الحته دي هي خفيفه و عفشتها رياضيه مثبتاها و موتورها الخليجي 122 حصان يعني طياره
و ناس قالت بردو ان اعتماديه و جوده تصنيع الانسر اعلي من المزدا! لكن الحقيقه انا بشك في الكلام ده صاج و طبلو المزدا بيقولو عكس كدا تماما و ده بجانب ان تكنلوجيتها الماني اصلا

فياريت يا جماعه الي يخش يقول لي وجهة نظره في الموضوع ده لاني محتار جدا و الحقيقه مايل للمزدا انا اه بحترم الانسر و بحبها لله فالله لكن عاوز احس بالتميز بقا بس بردو عادي لو الانسر افضل بكتير بيس
و استخدامي تخميس خفيف غرز علي سرعات ريسنج من الثبات او علي الطريق يعني 50% من استخدامي حرق و جري

[luckyman]

يبقى لا دى ولا دى والله العظيم زى ما بقولك كدة دى فى الاول والاخر عربيات صغيرة سيدان متوسطة صغيرة لا ترقى بمتطلباتك ابدا ولا حتى مرسيدس انت كدة عايز كامارو لان مهما كانت العربية كويسة وهى مصنعة ومخصصة للاستخدام والتنقل الطبيعى المدنى حتتبهدل معاك اسرع مما تتخيل وكمان علشان نفسك وروحك هناك فى عائله منتظراك وبعدين فرضا انك سائق محترف تضمن من فين اخطاء الغير وفى لحظة ممكن تتسبب فى كارثة وبالتالى انصحك بالعدول عن السواقة باعصابك انت عارف معظم سائقين المهرة المحترفين عالمين عمرهم ما يجروا فى المدن وتخميس خفيف او تقيل الفرق بين الحياه والموت جزء من اللحظة سلامتك اولا وكمان الطريق يشاركك فية المشاه والسيارات الاخرى معظم الحوداث اكثر من 85 فى المئة منها ترجع لاخطاء بشرية للعامل البشرية محل دى بقى عربيات مش مصممة للامور اللى انت عايزها وتقبل شكرى واحترامى

الانسر اكتر اعتمادية وقطع غيارها في اللذيذ وبياعه لكن معلش المازدا برقبتها قوة ايه وسحب ايه بس مش واخده حقها في البلد ديه واعادة بيعها صعب شوية وتقيلة جدا في انك تتخلص منها خليك في الالنترا او السيراتو شكل وقوة ماتور وثبات وسحب مفيش بعد كدا

[miroseba]

المشاركة الأصلية كتبت بواسطة corsair الانسر اكتر اعتمادية وقطع غيارها في اللذيذ وبياعه لكن معلش المازدا برقبتها قوة ايه وسحب ايه بس مش واخده حقها في البلد ديه واعادة بيعها صعب شوية وتقيلة جدا في انك تتخلص منها خليك في الالنترا او السيراتو شكل وقوة ماتور وثبات وسحب مفيش بعد كدا

يا راجل بيقولك قوه وجرى و حرق و تخميس تقولو النترا وسيراتو العربيات ديه متستحملش خالص الحاجات الى بتقول حاجه ده انتا هتخلى يكره العربيات كلها انا شوفت النترا فركت العربيه وقفت والواد خدها زق هوا وصحابه العربيات ديه اوبشن لاكثر ولا اقل والانترا مش ثبات خالص والسيراتو بترمى شمال لوحدها وماتور مش هيستحمل الحرق والتخميس

بص انت عايز عربيه قويه وتستحمل الحاجات ديه طلع المازدا من دماغك مع انى عمرى مشوفتهاش بتعمل اى حاجه بس مش بفضلها

لو هتجيب جيب يا لانسر عربيه وحش بمعنى الكلمه بس شكلك زهقت وعايز تغير ادامك يا سوبارو ديه عربيه ملهاش حل وتستحمل الكلام ده كولو يا تجيب اوكتافيا a4 وتكبر دماغك وتريحاها

[luckyman]

انا من وجهة نظرى تبطل تسوق لغاية ما ترجع عن قرار السواقة لان العربية بالشكل دة ممكن تكون سلاح قاتل ودمت سالما لاسرتك ولجميع احبائك