العودة   مصر موتورز مجتمع السيارات > النادى الثقافى الاجتماعى > نادى الاطباء

نادى الاطباء خاص بالموضوعات الطبية التى يضعها المتخصصون خدمة لباقى الاعضاء


إضافة رد
 
أدوات الموضوع
  #1  
قديم 24-05-2010, 09:17 PM
alref alref غير متواجد حالياً
من انا؟: Radiomania
التخصص العملى: Radiologist
 
تاريخ التسجيل: Apr 2009
الموقع: october city
المشاركات: 245
alref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond repute
قبل ما تعمل فحص اشعة..اعرف هو ايه الأول

بسم الله الرحمن الرحيم

انا فكرت اعمل موضوع عن تخصصي و هو الأشعة علشان في ناس كتير ماتعرفش عنه معلومات كافية و للأسف بيتم تشخيصهم غلط و بالتالي بيتعالجوا غلط

انا هحاول اشرح الموضوع بصورة مبسطة شوية علشان الأشعة مكلكعة شوية لدرجة ان في اطباء كتير معلوماتهم في الاشعة زي معلوماتهم عن اللغة اليابانية (بصراحة مش ذنبهم لأن مفيش دراسة علم اشعة خلال ال 7 سنين طب و لكن بتبقي دراسة جديدة تماما بعد التخرج)

ان شاء الله نبدأ مع بعض واحدة واحدة و نوصل لفايدة عامة سوا


__________________


No
Pain No Gain
Dr. Mohamed El-Refaey
Radiologist

رد مع اقتباس
  #2  
قديم 24-05-2010, 09:33 PM
alref alref غير متواجد حالياً
من انا؟: Radiomania
التخصص العملى: Radiologist
 
تاريخ التسجيل: Apr 2009
الموقع: october city
المشاركات: 245
alref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond repute
افتراضي رد: قبل ما تعمل فحص اشعة..اعرف هو ايه الأول

الحلقة الأولي:

علم الأشعة هو علم تصوير الأجزاء الداخلية لجسم الأنسان مع تشخيص الأمراض الموجودة (التشخيص اهم كتير من مجرد التصوير..و دا للأسف المشكلة الكبيرة اللي بتواجهنا في مصر و هنعرف كمان شوية ليه)


لازم نفرق كويس جدا ان مش كل طرق التصوير بتعتمد علي الأشعة (طبعا كلام غريب و ماحدش فاهم مني حاجة)

هنقول بطريقة تانية

التصوير الأشعاعي يعتمد علي اختراق الجسم بأشعة مؤينة غير مرئية مع التقاط الأشعة بعد الخروج من الجسم علي لواقط حساسة باسلوب معين

اللي بيستخدم الأسلوب ده في التصوير نوعين فقط
1- الأشعة العادية (الأشعة السينية او المتعارف عليه x-ray)
2- الأشعة المقطعية


انما باقي اساليب التصوير لا تعتمد علي الأشعة المؤينة زي الموجات الصوتية و الرنين المغناطيسي

طيب هنستفيد ايه من المعلومة دي ؟؟

ان الأشعة العادية و المقطعية (الاتنين بيستخدموا الأشعة المؤينة) من الضار جدا التعرض ليهم بكثرة
و ان غير مسموح بعملهم للسيدات الحوامل و يفضل عدم تعريض الأطفال ليهم الا في الضرورة

هنعرف تفاصيل اكتر لما نشرح كل نوع تصوير بطريقة منفردة ان شاء الله

معلش استحملوني شوية و ان شاء الله هتدعولي لما اخلص

__________________


No
Pain No Gain
Dr. Mohamed El-Refaey
Radiologist

رد مع اقتباس
  #3  
قديم 24-05-2010, 10:13 PM
الصورة الرمزية Injection
Injection Injection غير متواجد حالياً
من انا؟: أنسان يعيش و يتعايش
التخصص العملى: تانية تجارة
هواياتي: Everything
 
تاريخ التسجيل: May 2010
الموقع: مصر الدور الرابع
المشاركات: 1,400
Injection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond reputeInjection has a reputation beyond repute
افتراضي رد: قبل ما تعمل فحص اشعة..اعرف هو ايه الأول

ياسلام, أخيرا موضوع علمى بحت, ربنا يكرمك يادوك ومستنيين باقى الموضوع.

الٌ Radiology علم ناس كتير متعرفش عنه, يارب مانحتاج ليه أبدا
__________________

حكمة الشهر: ذاكر تنجح, غش تجيب مجموع

عذرا لقلة تواجدى بالمنتدى, تجارة بقى وأخر شهر بتاع الشغل كله.





رد مع اقتباس
  #4  
قديم 24-05-2010, 11:54 PM
alref alref غير متواجد حالياً
من انا؟: Radiomania
التخصص العملى: Radiologist
 
تاريخ التسجيل: Apr 2009
الموقع: october city
المشاركات: 245
alref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond reputealref has a reputation beyond repute
افتراضي رد: قبل ما تعمل فحص اشعة..اعرف هو ايه الأول

الأشعة العادية = السينية = x-ray

دي ابسط و اسهل و اسرع و ارخص اشعة و الأكثر طلبا من الأطباء


زي ماقولنا في الأول ان دي من الأشعة المؤينة اللي لا يجب عملها للسيدات الحوامل

فكرتها بسيطة جدا

الأشعة بتخرج من الجهاز..تخترق قسم المريض و يتم استقبالها من خلف المريض علي فيلم حساس

اكيد مفيش بيت في مصر او شخص ماعملش اشعة عادية قبل كده
لو عندك فيلم اشعة امسكه و اتفرج عليه

هتلاقي اجزاء سوداء و اجزاء بيضاء (الحقيقة هي شفافه بس معلش عدوها و نعتبرها بيضاء)
الجزء الأسود من فيلم الأشعة هو الجزء اللي وصلته الأشعة بنسبة 100%..يعني الفراغ اللي كان حوالين الجزء اللي بيتصور او الهواء اللي في الرئة بالنسبة لفيلم الصدر
اما الجزء اللأبيض من الفيلم دا معناه ان مفيش اشعة وصلت للفيلم..او بمعني اخر دا مكان عظام حضرتك اللي عكست الأشعة و منعتها انها توصل للفيلم الحساس اللي وراك

فوائد الأشعة العادية
زي ماقلنا رخيصة و سهلة و سريعة

الاضرار
انها نوع من الأشعة الضارة و يفضل عدم التعرض ليها لفترات طويلة او متكررة




تستخدم في ايه الأشعة العادية ؟؟ او بمعني تاني امتي نصور اشعة عادية ؟؟

الأشعة دي بتبين العظام بنسبة جيدة جدا

يعني تعتبر غير مفيدة في تصوير اي جزء من الجسم بخلاف البحث عن مشاكل العظم (باستثناء اشعة الصدر)
في ناس كتير متخيلة ان الاشعة بتصور كل حاجة
يعني واحد مفصل الركبة بيوجعه او الأنكل اتلوي يروح يعمل اشعة علشان يشوف الأربطة بتاعت المفصل
طبعا مش هيبان اي حاجة من دي و الحاجة الوحيدة اللي هنحكم عليها هي العظام (وجود كسر من عدمه - خلع في المفصل - مشاكل المفاصل زي الروماتيزم)


الغلطة القاتلة

دكاترة كتير يقولوا للعيان اعمل اشعة و هاتها من غير تقرير بسرعة
مع كامل احترامي لكل الأطباء من مختلف التخصصات..نظرة عينك غير نظرة اخصائي الاشعة..و هقولكم ليه كمان شوية

معظم العيادات و المستوصفات و المراكز الخيرية مفيهاش فانوس اشعة (علبة وشها الأمامي باغة بلاستيك شفافة و جواها لمبة نيون) و بالتالي الطبيب بيمسك فيلم الأشعة و يبص فوق في اتجاه اللمبة النيون او ضوء الشمس و يقول للمريض..الف سلامة..مفيش كسر و الحمد لله (طبعا مش كل الاطباء بيعملوا كده انا بتكلم عن غلطة بتحصل من البعض)

طبعا الحمد لله انا مش بشكك في قدرة الطبيب انه يشخص وجود كسر من عدمه
لكن الفكرة ان في حاجات تانية في العظام بنبص عليها و الطبيب اللي مش دارس اشعة بتفوت عليه طبعا..و هنا بقي بتبقي المشكلة

التفاصيل في الحلقة القادمة..انتظرونا
__________________


No
Pain No Gain
Dr. Mohamed El-Refaey
Radiologist

رد مع اقتباس
  #5  
قديم 25-05-2010, 12:52 AM
dr_maged dr_maged غير متواجد حالياً
 
تاريخ التسجيل: Apr 2010
المشاركات: 152
dr_maged is a splendid one to beholddr_maged is a splendid one to beholddr_maged is a splendid one to beholddr_maged is a splendid one to beholddr_maged is a splendid one to beholddr_maged is a splendid one to behold
افتراضي رد: قبل ما تعمل فحص اشعة..اعرف هو ايه الأول

سؤال بس
الاشعة المقطعية ثلاثية الابعاد مالتى سليس على القولون بتبين كل حاجة وزيها زى المنظار لو فى ورم او حاجة بتجبها ولا مبتجبهاش ؟؟
__________________

رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 07:54 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017