عايز عربيتك ما تتسرقش، خش معايا

[مهند سالم]

مشكلة كبيرة سرقة العربيات،
بس أنا ما أقصدش سرقة حاجة من جوة العربية، لأ أنا أقصد سرقة العربية نفسها، ودي بتبقى مشكلة أكبر؛ لأن إلا بيسرقها ما بيسبش فيها حاجة
يعني بياخد البطارية والدينامو والمارش والفرش والجنوت وكل شيء، والله أنا أعرف واحد بعد ما عربيته اتسرقت وصرف بلاوي متلتلة على البحث عنها لقاها في الآخر عبارة عن قطعة حديد
طيب والحل إيه؟
الحل إنك تشيل الشاكوش من الاسبيراتير، يعني إيه الكلام ده
العربية فيها حاجة اسمها وش الاسبيراتير، وده إلا بيتشال لما تيجي تركب طقم بوجيهات لأن التقسيمة بتتعمل من خلاله
وش الاسبيراتير ده بيتشال بكل سهولة، يعني نظام كلبسات بتفكها وتشيله
بعد ما تشيله هتلاقي حاجة اسمها الشاكوش ، وده عبارة عن قطعة صغيرة بتتشال بالإيد بكل سهولة، بس لما تتشال مش ممكن العربية تدور
فكل إلا مطلوب من حضرتك إنك تفك الكلبسات بتاعت وش الاسبيراتير وبعدين تشيل الشاكوش بإديك بكل سهولة
ولما تحب تدور الصبح هتحط الشاكوش في مكانه، وطبعا تقسيمة الكهربا مش هتخلف معاك ولا حاجة
وبعدين تركب وش الاسبيراتير بكل بساطة
وبكدة تضمن إن مفيش حد هيقدر يحرك العربية من مكانها وشكرا ليكم

[مهند سالم]

حد يا جماعة عنده حلول تانية بخصوص الموضوع ده، ياريت يكتب لينا وشكرا ليكم

[dego_story]

شكرا على النصحية ياباشا وربنا يحمينا من كل سؤ بس انا شوفت عصايه كدة بتقفل الدركسيون بالدواسات الدبرياج يعنى والله اعلم وبرضو دا نصيب ياباشا

[مهند سالم]

المشاركة الأصلية كتبت بواسطة dego_story شكرا على النصحية ياباشا وربنا يحمينا من كل سؤ بس انا شوفت عصايه كدة بتقفل الدركسيون بالدواسات الدبرياج يعنى والله اعلم وبرضو دا نصيب ياباشا

أيوة ده اسمه العكاز ده معروف، لكن ممكن يكون ليه حل، لكن كونك تشيل حاجة سهلة من مكونات الماتور دي مش هتخطر على بال أي سارق، وبعدين مش هيعرف هي ما بتدرش ليه أصلا، فهيخاف ويمشي، وشكرا ليك

[dego_story]

بس ياباشا مش هيكون حوار متعب انك تعمله كل يوم لما تيجى تركن العربية ولا ايه بس انا لو معاياة ( البوجاتى) الجديدة والله انا مستعد اشيل البطارية والكاوتش كل يوم شكرا على التوضيح ياباشاptmnlo123per179