البنزين 90موفر عن 92موفر عن 80

[mansoub504]

الموضوع ده شغالني جدا وقعدت كتير افكر فيه
وفي الاخر اكتشفت ان المعلومه ديه صح
ان البنزين 90موفر عن 92موفر عن 80
وده ليه لأن 90يتميز بالحرق السريع عن 80 وارخص من 92
والفرق بينه وبين الـ 80 ان العربية لما بحطلها 90 سحبها بيبقي افضل واستفادتها من الوقود بتكون اكبر
ولما بحط ال80 المشوار اللي بياخد معاية 10 لتر 90 بياخد تقريبا 13 لتر 80
وغير كده بلاحظ ان الزيت والفلتر بيسودو اسرع مع الـ 80 عن الـ 90
والفلاتر بتاعة البنزين بتبوظ اسرع مع 80
فبصراحة من رأي ان ال90 في مصر هو افضل فئة وقود كأداء وتوفير
ودي وجهة نظري
وارجو مشاركتي في وجهة النظر ديه

[خالداعزالناس]

انا رأيى ان البنزين 92 هو الافضل فى مصر
80 يسبب اتلاف السياره وغير متوافر ...... والحصول عليه يكون بطريقه غير أدميه
90 ما هو الا خليط من بنزين 80 & 92
92 بنزين مناسب للسيارات فى مصر واغلى من بنزين 90 بــــ 10 قروش فقط اى الفرق بسيط
95 بنزين رائع جدا لكنه سعره غالى جدا ..... ولايتناسب مع ظروف المعيشه المصريه

[MO]

طب فكر فيها تاني
هتلاقي حسبتك اتغيرت و كلام غير الكلام الاول
بص يا زعيم كلامك صح بنزين 90 بيرفر كتير و بيدك بنزن كتير
بس تعلي بقي شوف دي
لو فولنا مثلا دايو لانوس 90 قول هتمشي مثلا 600 كم
اما 92 هتمشي 700
الفرق 10 قروش بس يستاهل

[luckyman]

مع احترامى لكافة الاراء هذا التفسير خاطىء وليس له اى علاقة بصحة الكلام حتى لو كان صحيح لان الاساس غير صحيح
اسمحلى ابسط المعلومة بشكل سهل اولا دعنا نتفق ان بنزين 80 وبنزين 90 وبنزين 92 ليس له علاقة بدرجة نقاوة الوقود او درجة الشوائب
انما هذا الرقم هو يدل على الرقم الاوكتينى للوقود وخلينا اكثر دقة الرقم الاوكتينى لوقود البنزين طيب اية هو الرقم الاوكتينى هو رقم يعتبر مرجع ليا من خلاله اعرف اهم صفات الوقود النوعية يعنى بشكل ابسط مقياس لدرجة جودة البنزين ضد الخبط او الصفع او الدق واشرح يعنى اية الكلام فى نص الكلام واحدة واحدة يعنى هو مقدار مقاومة البنزين للاحتراق والانفجار المفاجى تحت الضغوط والحرارة المرتفعة يعنى كل ما كان الرقم الاوكتينى مرتفع كلما كان المقاومة ضد الدق عالية
ومحرك سيارتك له علاقة بهذا يعنى بكل بساطة لكل محرك سيارة نسبة انضغاط او زى ما بيقولوا ضغط المحرك
كلما زاد نسبة انتضغاط المحرك كلما كان من الملائم استخدام بنزين ذو رقم اوكتينى مرتفع
بنزين مثلا 80 ملائم تماما لسيارات القديمة او السيارات ذات نسبة انضغاط منخفضة لان لو فرضنا لو حطيت بنزين 92 القى المحرك كسول ومش بييسحب وممكن كمان لو تعبان شوية مش يشتغل والعكس صحيح تماما لو عندى محرك حديث ذو نسبة انضغاط مرتفعة من الملائم استخدام بنزين ذو رقم اوكتينى عالى لكن لو فرضنا استخدمت بنزين 80 اية اللى ممكن يحصل يحصل اشتعال مسبق قبل نهاية الشوط وقبل موعد الشرارة وبالتالى انفجار مسبق او اشتعال مسبق مسببا ما يعرف الدق او الصفع وبالتالى دة بيأثر على اجزاء محرك سيارتك الداخلية وبيعمل اجهاد علية وممكن كمان يكسر الكرنك او عمود المرفق
ودة يفسر ازاى المحركات على سبيل المثال الحديثة زى 1600 سى سى تستخرج طاقة فى حدود 106 الى 112 حصان فى حين كانت المحركات القديمة ذات نسبة انضغاط اقل ومنخفضة بتستخرج فى حد اقصى 90 حصان او 88 حصان
لان كل ما تخلى البنزين يشتعل عند طاقة ضغط اعلى وبالتالى درجة حرارة اعلى لان فى علاقة طردية بين الضغط والحرارة كلما رفعت الضغط كلما زادت درجة الحرارة بقدر انى استخرج طاقة اعلى من المحتوى الحرارى الموجود فى الوقود لكن المطلوب انة اخلية يشتعل تحت ضغط اعلى والا يعمل اشعال مسبق بدون ما استخرج اى طاقة وبالتالى ضياع وهدر طاقة واهلاك محرك ارجو انى اكون بسط المعلومة بشكل مبسط وسهل بعيد عن التعقيد وانا فى الخدمة لو فى شىء مش واضح خالص تحياتى ولكم من كل الشكر والود والاحترام

[toblina63]

الكلام اللي بتقولوه ده صح ؟؟؟

ان الفرق في 90 و 92 في إستهلاك الكيلومترات ؟

يعني 90 يمشي 600 و نفس الكمية من 92 يمشي 700 الكلام ده منطقي ؟؟؟؟؟؟؟؟؟؟؟