تست درايف 307 sw هاى لاين

[SuMo]

صباح الفل يا رجاله
يوم الخميس اللى فات وانا قاعد فى ساعة صفا مع نفسى قلت اعمل حاجه جديده للمنتدى بمل انى معملتش مواضيع من فتره و حتى المواضيع اللى بعملها بتكون فى قسم رياضة المحركات اللى محدش بيعبره
كانت معايا الاسد الفرنسى اللذيد ال307 بتاعت خالى فقلت نعمل ريفيو انيق ليها و خصوصا انى عندى فكره شامله عنها بحكم انى بسوقها اكتر منو
انا هتكلم عن انطباعات اكتر من الميكانيكا مع العلم ان العربيه هى الهاى لاين المزود بالسقف البانوراما الأكثر من رائع
من غير رغى نبتدى

الشكل الخارجى









العربيه شكلها الخارجى لذيذ جدا و تحس وانت رايح تركبها انها بتبتسملك او بمعنى اصح بترحب بيك و اللون ده كمان اكتر من رائع و رأيى انو احسن لون بيليق عليها و من الخلف العربيه احلى بمراحل من ال308 اللى عدى عليها وابور الزلط و هو مش واخد بالو ptmnlo123per111
و زى ما لاحظتو فيها باركينج سينسور بتاع بلدها ptmnlo123per154
و طبعا السقف البانوراما

اللى بعده (من الداخل)

الفتيس



و ده مزود بخاصية الاوتو ستيك او الستيب ترونيك او التيب ترونيك زى ما كل شركه بتخترعلها تسميه و فالاخر كله زى بعضه ( حسن اخو حسين ) و فيه زرار السبورت مود الجامد جدا و زرار زياده العزم اللى محدش بيستخدمه فى مصر

شاشة البيانات



و دى بجد محطوطه فى مكان صح
مش بتخليك تفقد تركيزك وانت سايق و واضحه سواء صبح او ليل سواء فاتح السقف او قافله
و بتعرض كل ما تتخيله راديو-سى دى-بلو توث-ساعه-استهلاك البنزين-مسافة الرحله-المافه الممكن قطعها بالبنزين المتبقى بس مش بتعرض اسامى التراكات و انت على السى دى مود ---------رقم التراك و الزمن بس
و يمكن التحكم فى وظائفها من الكاسيت العجيب او الماتى فانكشن المختفى واللى نسيت اصوره للأسف
العدادات



واضحه و صريحه و مبتكدبش و مش محتاجه شرح
بنزين و حراره و سرعه و لفات موتور مش هنألف يعنى
بس جوه عداد الrpm شاشه نونو بتقولك على الغيار اللى الفتيس واخده و جوه عداد السرعه واحده تانيه بتقولك على الكيلو متر المقطوع

الكونسول



مرتب بطريقه جيده جدا جدا و كل مفاتيحه فى متناول اليد و ان كان يعيبه قلة جودة البلاستيك المحيط ذو اللون الفضى فقط ( اللون الاسود الماده بتاعته بجد تحفه ) و عموما كتصميم مريح للعين و يحتوى على تكييف ديجيتال ذو خاصية التوزيع التوماتيكى للهواء و وحدة تحكم فى وظائف السياره متنكره فى شكل كاسيت ام بى ثرى لو تلاحظر حتلائو زرارين menu-mode بيعملو الشغل كلو و كمان زرار الانتظار اللى بجد حسن الملمس مش زى بتاع فادى ptmnlo123per122 و زرار التحكم فى قفل الابواب اللى اساسا بتقفل بعد سرعة 20 كم اوتوماتيك

المنطقه الخلفيه
الكرسى وتوأمه التلاجه



و دى خالى حاطط فيها كرسيين تتوسطهم شمامه...............قصدى تلاخه مستفزه الى اقصى الحدود و عديمة النفع حتى اشعار اخر و بجد المنطقه دى ضييييييييييييييقه
لا تصلح لا لمتوسطى القامه ولا لأطاولها و اللى زاد وغطا ان التلاجه واكله من الكرسيين الغلابه حته يعنى مش عاتقه (عامله زيى------مفتريه )

باب السائق



يوجد به مسند فيه 4 زراير اوتو للزجاج و زرار لوك عشان الشياطين اللى راكبين ورا ميخربوهوش و مجموعة التحكم فى المرايات الكهربيه المدفأه
وجيب تحميل كبير بجد و السماعه طبعا--------مش محتاجه زكاء يعنى

صور متفرقه
مرياة السائق المايكرو عشان يصاب بالعمى



السقف البانوراما الجميل و كائن غريب فى الصوره سيبكو منو



الشماسه اليمين و الشمال و موبايلى و سماعة موبايل خالى





لو تلاحظو هتلاقو حرب النوكيا و السونى اريكسون
------------------------------------------------------------------------
وبكده خلصت الصور وبكره نكمل الباقى و برده تكون فرصه ليكو عشان ترتاحو من الرغى بتاعى و تصبحوا على خير يا حلوين عشان انا هنجت خلاص

[Nour_peugeot]

تسلم يا سومو

بس عيزينك تشرحلنا بقي الداء و الثبات و الفرامل و كل الحجات دي و تقييمك الشخصي طبعا متابعك باهتمام

[AbOnOrA]

وانت من اهلة يا سومو وتسلم ايدك على التقرير ومستنى الباقى بكره

بس ابقى قولى ايه موضوع زرار زيادة العزم ده

الله عليك يا سومو يا جامد يا ملك 307

[koky_90]

تسلم ايدك
يا كبير تقرير رائع