رينو فليوينس

[dr_eslam_66]

أولا السلام عليكم
ثانيا أحب أوضح مدى حبي وإعجابي وبدون أي مبالغة بالروح الجميلة والمساعدات الهايلة الي بلاقيها في الموقع عموما والمنتدى خصوصا, ومش هطول في المقدمات.
نظرا لأني معجب بالشكل العام للعربية دي ونظرا كمان إني خبرتي لاتسمح لي بإجراء موضوع كامل عن العربية لوحدي ويكون جيد بجودة الاعضاء العظام للمنتدى فأرجو إننا كلنا نتعاون علشان نشيل الضلمة أو التراب الي على العربية (فليوينس) علشان كل الناس تعرفها وتبدأ تتعرف عليها ياعني كل الي عندو معلومة يبدأ يشارك بيها وأهو إيد لوحدها ماتسقفش.
أولا أنا هبدأ بنفسي
ونشوف مجموعة الصور مع بعض:

http://www.youtube.com/watch?v=SfyXbMkzlM8

http://www.youtube.com/watch?v=LpUuNSrlwlM

http://www.youtube.com/watch?v=wPrEpVqiKPQ

http://www.youtube.com/watch?v=5Km8p...eature=related

كفاية بقى صور وفيديوهات ومع إني شايف إني الصور فعلا بتتكلم ومش محتاجة أي كلام.

كنت بس أحب أضيف حاجة صغيرة
العربية آه رينو بس متصنعة في كوريا الجنوبية في مصانع سامسونج التابعة لرينو الفرنسية.

أرجو بقى حد يحاول يكمل ياجماعة معايا وخصوصا آراأكوا حعلى العربية.ptmnlo123per1106

[dr_eslam_66]

ptmnlo123per144 جالي إحباط بصراحة إيه فين الرجالة والمشاركة والروح الحلوة مش نشوف كدة ينفع نفيد بعض في إيه.
طيب خليني مثلا أنقلكوا الكلام الي عرفت أجمعه عن العربية:

الطول الكلي للسيارة = 4.62 م
طبعا مش محتاجين نتكلم علة الشكل الخارجي لأنو زي ما إحنا كلنا شايفينه وديفي الأول ولا في الآخر مسألة أزواق

لاكن لو حبينا ناخد بالنا من الخطوط الأمامية للكبوت وشكل الفتحة الأمامية وكيفية وضع علامة رينو في نهاية الخطوط الأمامية مع ملاحظة الفوانيس والخطوط المحيطة تلاقيها كونت عندك إنطباع رياضي فاره بعض الشيء مش عارف أنا شخصيا حسيت إنها سيارة إنجليزي.

بالنسبة بقى للشنطة والجزء الخلفي للسيارة هنلاقي رينو إستخدمت فوانيس طويلة جزء منها مع الشنطة جزء منها مع جانب السيارة الفانوس مش مستطيل ياعني تقربا خط واحد بارز في الشنطة ومكمل مع الفانيس وعجبتني أوي إني الخط دا إنتها بإنتهاء الفوانيس الخلفية وهنلاقي بمنتها الروعة فيه خط غيره ومن غير مانحس بأي نشاز بيبتدي بأعلى شنطة السيارة ومكمل على طول الجانب وينتهي بإنحناءة أعلى الدواليب الأمامية.

مش هنعلق على الأيرو ديناميكية للعربية حيث ان رينو يعرف عنها تفوقها في هذا الجزء خاصتا وده يمكن الي بيدي العربية تصميم مميز وفريد ويخلييها شخصية مستقلة عن باقي السيارات من فأتها.



بالنسبة للتصميم الداخلي للصالون معلش إعذروني ماعرفتش ألاقيلها صور غير بفتيس مانيوال وكمان هما صورتين بس الي لقيتهم هنلاحظ التابلو تقليدي بعض الشيء بإستثناء الشاشة الوسطى ولكن فخم عجلة قيادة مبتكرة التصميم ومتعددة المهام شكل فتحات التكييف وتوزيعها بالتابلوه تقليدي قوي ماعجبنيش بصراحة.



إحنا ماتكلمناش عن الفانوس الأمامي ولا الفوج لايت بس أنا حاسس إنو فيه شبه كبير قوي من فانوس المازدا 3 ولاكن مع إختلاف الأبعاد طبعا وكمان مع الخطوط الشكل العام للكبوت والشبكة الأمامية مدي شكل أحلى بكتير قوي (أزواق بردو على فكرة)


ptmnlo123per154
أنا مش هكدب عليكوا أنا أول حاجة شدتني للعربية علامة رينو والتصميم الخارجي تعالوا نشوف ممكن نلاقي إيه مع بعض.
أولا العربية كانت مصممة بواسطة المصمم (Patrick le Quément) رئيس مصممي رينو وبطول كلي يساوي الطول الكلي للسيارة رينو لاجونا

رنو لاجونا

فليوينس كانت مصممة لتكون سيارة كوبيه وتم تقديم هذا التصميم عام 2004 في Louis Vuitton Car Elegance Classic ببريطانيا و Mondial de l'Automobile 2004

التصميم المبدئي لـ فليوينس سنة 2004

كدة اقدر أقول العربية واخدة الطابع الرياضي ليها منين أو إزاي أو أصل حكايتها وبدايتها.
وطبعا بما إني إحنى في عصر صعب جدا إقتصاديا ونظرا للظروف الي طرئة على العالم ومن خلال مراحل التطوير الي إشترك فيها مع رينو كتير من الشركات المهمة في العربية دي ممكن نقول أو نخمن إنه رينو تقريبا تنازلت عن فكرة العربية الكوبيه لصالح السيارة الصالون علشان تكون أكتر إنتشارا وماتكونشي عبئ إقتصادي على الشركة.
نرجع تاني بقى للوقت الحاضر ونتكلم عن السيارة سنة 2010
السيارة عالميا أو خارج مصر مزودة بمحركين 1600سيسي و 2000 أفتكر طبعا مش هيبقى موجود منها في مصر غير ال1600 بس طبعا نظرا لظروف سوقنا الله يسامحهم.

المحرك بنزين زي ماقولنا 1600 سي سي 110 حصان بناقل حركة أوتوماتك أو مانيوال.

فيه محركات تانية تقريبا ديزل رينو منزلها مع السيارة بس أنا ماعنديش معلومات عنها كفاية.

عايزين نقول إنو فوق كل الإختبارات القياسية الموجودة رينو أضافة 800 إختبار جودة للتأكد إني السيارة تناسب جميع ظروف بلدان العالم وحسب مكان التسويق.

السيارة مزودة بما هو آتي:

فرامل ABS مع توزيع كهربائي لقوة الفرامل.
محافظة إلكترونية للإتزان ESC مع CSV للتحكم في قوة الؤازرة الآلية.
أحزمة أمان بنقاط تثبيت ثلاثية مع خاصية الشد المسبق وقياس حدود الاحمال لأحزمةاللكراسي الأمامية.
أربعة وسائد هوائية للسائق والراكب الأمامي إثنتان جانبيتان وإثنتان أماميتان.
إنذار لحزام أمان الراكب الأمامي والسائق.
آخر أجيال مساند الرأس.
مؤشر للتحكم بالسرعة القصوى.
دعامات جانبية بالأبواب لحماية المقصورة الداخلية.

ptmnlo123per1106ptmnlo123 per172 أنا حاليا بصراحة تعبتن جدا ومش هعرف أكمل.
ياااااجماعة الخيييير الدعوة عااااامة ياريت أي حد يحب يستفيد يحاول يفيدنا كمان معاه.
وأنا فعلاآسف مش عارف أكون محدد بمعلوماتي في الجزء الي يفيد كتير من الناس لأني غير متواجد في مصر وماعنديش معلومات متخصصة عن سعر ومواصفات العربية الي داخل مصر.ptmnlo123per144

[neversighs]

السياره مصممه في مصنع سمسونج بكوريا الجنوبيه لكن اللي هتنزل مصر متجمعه في مصنع رينو بتركيا
1600 سي سي / 110 حصان للمانيوال / 105 حصان للاوتوماتيك
نازل منها في مصر 4 فئات : فئه مانيوال ب 113 الف جنيه -- 3 فئات للاوتو اسعارها 125000 و 135000 و 158000 جنيه .
اول دفعه حقيقيه من السياره هيتم تسليمها في اول ابريل القادم .
بعض الناس استلمت فعلا لكن دي كانت كميه قليله الوكيل منزلها للعرض والتسويق .

[horas3000]

تسلم ايدك علي الموضوع يا زعيم
و العربية شكلها حلو و مميزاتها مناسبة جدا لسعرها
بس العربية محتاجة دعم كويس من التوكيل لان بصراحة سمعة رينو في سوقنا العجيب مش ولا بد
و شايف ان لو التوكيل فيه شوية ناس بتفكر كويس كان المفروض بعدوا الفلونس عن نطاق السيراتو عشان يكلوا حتة كويسة من السوق بس تقول ايه بقي ....
يعني هي جت عليهم ما هي بايظة بايظة

[dr_eslam_66]

المشاركة الأصلية كتبت بواسطة neversighs السياره مصممه في مصنع سمسونج بكوريا الجنوبيه لكن اللي هتنزل مصر متجمعه في مصنع رينو بتركيا 1600 سي سي / 110 حصان للمانيوال / 105 حصان للاوتوماتيك نازل منها في مصر 4 فئات : فئه مانيوال ب 113 الف جنيه -- 3 فئات للاوتو اسعارها 125000 و 135000 و 158000 جنيه . اول دفعه حقيقيه من السياره هيتم تسليمها في اول ابريل القادم . بعض الناس استلمت فعلا لكن دي كانت كميه قليله الوكيل منزلها للعرض والتسويق .

تمام وألف شكر ياباشا على الإفادة.