|
#1
11-02-2010, 10:51 AM
|
||||
|
||||
النيوسيراتو سياره جيده جدآ !
الآن و بقلب جامد أستطيع أن أقر بأن النيوسيراتو سيارة جيده جدآ و عفشتها ممتازه ! و ذلك ردآ على كل
الآقاويل اللى ذكرت ان عفشتها ضعيفه و السياره بتضرب شقلبظات لوحدها و بتحب القفز فى الترع ! و كذلك ردآ على الاخوه اللى زعلانين منى انى لم أقل رأيآ صريحآ فيها ( على حد قولهم ) فى مشاركاتى السابقه عنها ! بس أنا اتعودت على الصراحه والآمانه ولا أقول عن شىء الا بعد التجربه ! واليكم التجربه ! من يومين أردت زيارة الآهل بالمنصوره وبالمره أجرب النيوسيراتو لآول مره فى طريق السفر و طبعآ أقرب طريق هو طريق القاهرة الاسكندريه الزراعى و عند كوبرى بنها ندخل طيق كفر شكر - ميت غمر - أجا - المنصوره ! ولكن لآن كان عندى مشوار لصديق فى طنطا ! اخترت طريق القاهره - طنطا - المحله - المنصوره ! أولا طريق القاهره بنها الساعه 10 صباحآ زحام رهيب ميكروباسات على نقل والملاكى أقليه ! السياره بسم الله ماشاء الله ثبات عالى - مناوره جيده واستجابه رائعه وسحب و تسارع على كيفك ! بس الطريق لم يسمح بأكثر من 100 كم / الساعه نظرآ للزحام ! طبعا ابتديت أمارس هوايتى فى القيادة السريعه بين السيارات وأطلع من خرم ابره من على اليمين والشمال و من المنتصف ! لآنى أكره جدآ أن أسير خلف أى سياره و كمان الهوايه التانيه و هى تسخين الميكروباصات ! بأحب أجننهم علشان يعرفوا ان همه لا عفاريت أسفلت ولا حاجه ! بس بصراحه التويوتا الهاي ايس قويه جدآ بتشيل 16 واحد وبتجرى بيهم آخر اجرام ! وصلنا طنطا بسلامة الله و قضيت مشوارى و خد عندك بأه يا محترم الطريق من طنطا للمحله والمفروض انه طريق سريع ! كله مطبات رفيعه عباره عن قضبان حديديه بعرض الطريق بحيث كأنك ماشى على فلنكات قطر طول الطريق بطريقه تهد أجدعها عربيه ! فى الآول كنت بأحاول أمشى عليها 40-50 لكن بعد شويه زهقت ومشيت 80 -90 و كنت خايف السياره تتفكك بس الزهق أقوى من الخوف ! طبعآ ده غير المطبات الصناعية العاديه ! ولآن السعه كانت 5 و نصف تقريبآ فقلت ياواد ما فيش داعى تدخل المحله لآنى زرتها من 6 شهور و كانت الشوارع هناك عامله زى سطح القمر ! و كمان كان يوم ماتش الآهلى اللى اتغلب فيه ! لذلك أخذت الدائرى المحلاوى اللى طلع طويل جدآ بدون داعى و ملىء مطبات عرضيه ألعن من اللى قبله و زحمه جدا وفى الآخر يطلعك عند كوبرى الراهبين فى أول المحله ! فضلت المطبات لغاية حدود المنصورة وبعد كده اختفت ! القصد من الكلام ده كله مش وصف الطريق ولا وصف رحلتى ! ولكن الغرض انى أقول انه اختبار شاق للسياره ! سرعه شديده - توقف فجائى - تحرك فجائى - مطبات صناعيه و طبيعيه - زحمه رهيبه ! واللآداء لم يختلف من الآول للآخر ! كل ده كوم واللى جاى كوم ! بعد يومين راجع من المنصوره للقاهره عن طيق ميت غمر - بنها - القاهره ! والطريق ده مليان مطبات صناعيه وقرى كثيره ! يعنى بين كل قريه و قريه ! قرية أخرى ! بس أنا حافظه ! وعدا ذلك يسمح بالجرى لسرعات 120 - 130 خاصة بالليل ! وأنا كنت خارج من المنصوره 9 مساء ! كمان اتعودت ليلا أصطاد سائق سريع وأطير وراه بس بمسافة 500 متر علشان لما يفرمل على مطب صناعى ! أهدى و أوصله مستريح ! السياره معى من شهرين وفيها فتحة USB ماعرفش بتاعة ايه ولا بتعمل ايه ! وافتكرت ان معى فلاشه بها أغانى كثيره عربى وأجنبى MP3 فقلت أجربها ووضعتها فى الفتحة بتاعتها لقيت شاشة الراديو أعطتنى بيانات كامله عن الآغانى ! اسم الآغنيه و مدتها واسم المغنى ورقمها بين الآغانى و تقدر تفتح الفولدرات واكتشفت ان الزر الآيمن مكتوب عليه من اليمين للشمال ENTER و SCROLL و الآهم بأه صوت رخيم رائع ولا أروع ستريو ! اخترت موسيقى أجنبيه اسمها Bajo Fondo مدتها ساعه كامله ! خطيره ولا تصيبك بالملل و أرشحها لهواة سماع الموسيق والآغانى الآجنبيه فى السياره ! بس عيبها انك بعد 10 دقائق بتندمج فيها و بتنشكح على الآخر وبتبدى عاوز ترقص وانت سايق السياره ! ( وهيه دى المصيبه الكبرى ) ! طبعآ أنا كنت لوحدى ! ولو كانت معايا الحكومه كنا شغلنا قرآن أو دروس دين ! والله شغلت قرآن الآول شويه كده ! وبعدين Bajo Fondo الملعونه دى ! طول الطريق ماشى سريع و هايل وكله تمام لغاية قبل كوبرى بنها بحوالى 2 كم وكنت شايف الكوبرى والمسافه دى ليس بها أى بلاد أو تقاطعات و الطريق فيها مستقيم و عدل ! يعنى المفروض ما فيش مطبات صناعية لآى سبب ! فجأه من سرعتى لقيت نفسى لوحدى والسيارات كلها خلفى ! يعنى ما فيش حد أمامى أسترشد به للمطبات ! و كنت مولع سيجاره و فاتح نص الشباك اليمين و ابتدأت أندمج جامد مع المسيقى الملعونه وأطبل الرتم على الدركسيون و ماشى 130 و منشكح على الآخر ! و السيجاره خلصت فأردت أن أرميها خارج السياره ! و لآنى لا أعرف أمسكها الا باليد اليمنى ! فضغطت على زر الزجاج الآيسر بيدى اليسرى و التفت بكل جسمى 90 درجه لليسار علشان أرمى السيجاره بيدى اليمنى من أبعد نقطه على يسارى ! لآن السيجاره لو كانت قريبه من الشباك ممكن الهواء يدخلها السياره تانى و هى مشتعله ! المهم عملت كده فى ثانيه ( محترف ) واتعدلت بجسمى لآفاجىء بمطب أمامى على مسافة 20 متر و علوه لا يقل عن نصف متر ! فثبت الدركسيون على العدل و ضغطت فرامل بكل قوه ! ولآول مره أسمع السيراتو بتصرخ من التصاقهها فى الآرض رغم ال ABS وسمعت صوت أشياء بتتقلب تحت رجلى عند العجل أو الموتور وو صلت للمطب فى جزء من الثانيه واقتحمته بسرعه لا تقل عن 60 أو 80 كم/الساعه و بوز السياره نازل لآسفل من الفرمله ! وطاخ لزقت فى المطب بكل قوة و ارتفعت المقدمه و طرت فى الهواء يمكن متر فوق النصف متر بتاع المطب ! وأنا فى الهواء كل تفكيرى السياره انتهت وأنا السبب و الحمدلله على كل شىء ! وافتكرت المقصات اللى بتنكسر والكلام الكثير ده كله أخد منى ثانيه تفكير ! و طااااااخ كبيره السياره هبدت على الآرض بنفس الاحساس لما بتكون راكب طياره فى لحظة التقائها بالآرض ! طبعآ أنا رجلى كانت لسه على الفرامل فرفعتها لكن لم أضغط بنزين و مش عارف أفكر ! لقيت السياره بتمشى بضعف كده و زى ماتكون روحها راحت ! بس الحمدلله لما ضغطت على البنزين لقيتها استجابت ! فمشيت على مهلى شويه و طفيت أم الموسيقى علشان أسمع أى أصوات غريبه ! ما سمعتش ! وصلت الكوبرى وأنا مستهدى بالله وبعد مانزلت منه لقيت الطريق طبعا نظيف بس زحمه ! ابتدأت أمارس هوايتى تانى وأسير بسرعه بطريقه ثعبانيه بين السيارات بحجة اختبار السياره و هل تأثرت بالمطب ده ولا لآ ! و زياده فى التوكيد قمت مولع سيجاره تانيه و مشغل الموسيقى الجهنميه و 100 / 100 ! ووالله لم تنتهى الا لما وصلت المنزل فى ساعه و نصف بدلا من ساعتين ! برده كنت خايف وش العربيه يكون حصل له حاجه ! بس الحمدلله ! خلاصة الكلام ! السياره جيده و عفشتها جيده و اللى انقلب أو عمل حادثه مليون فى الميه فيه غلطه منه ( مثل السيجاره أو الموسيقى ) و يمكن الوجه الحسن كان جنبه ولا حاجه ! السياره فى مطبات الطريق عاديه ! بس دركسيونها تقيل شويه رغم استجابته الدقيقه ولا يرتد بسهوله لذلك ننصح بعدم ترك الدركسيون بدون تحكم لفتره طويله ! وآسف عاى التطويل ! Dr. Bolbolan ptmnlo123per122
__________________
ليت الشباب يعود يوما  فأخبره بما فعل المشيب بى ! ptmnlo123per1127
|
|
#2
11-02-2010, 11:55 AM
|
|||
|
|||
|
رد: النيوسيراتو سياره جيده جدآ !
ازيك يا دكتور متشكرين خالص علي التقرير الشيق و حمد الله علي السلامة
كان لي سؤال عن ورق الافراج الجمركي للسيارة بيخلص ا متي انا ليا اسبوع جايب العربية وراكنها وكل شوية يقولولي بكرة انا حاسس ان في حاجة غلط يا ريت يا دكتور تطمني
|
|
#3
11-02-2010, 12:02 PM
|
||||
|
||||
|
رد: النيوسيراتو سياره جيده جدآ !
أنا مش هرد على أي حاجة فنية على العربية لإن مايفرقش معايا كتير تقرير عن النيو سيراتو رغم إحترامي وتقديري للعربية دي ... بس بجد منبهر جداً بأسلوبك يا دكتور في الكتابة والسرد ،خليتني أندمج معاك كأني أنا الي سايق وأنا شخصياً بتشدني المشاركات الي زي كده في أي منتدى أياً كان نوعه وأياً كان نوع المشاركة وخصوصاً إني من محبي الكتابة بالطريقة دي -على أدي- الي بتعتمد على التشويق وجذب القارئ من هدومه ptmnlo123per154 ...
وليا كام تعليق: * مستغرب حقيقي من طريقة كلامك وكأنك شاب في العشرينات من عمره مع إن صورة حضرتك واضح إنك شاب بردو <label for="rb_iconid_10">  </label> بس مش أقل من الأربعينات ، ودي إن دلت على شيء فهي بتدل على روح حلوة ...* أحب بس أنصح أي شاب بيقرأ الموضوع ده إن الدكتور على أد ما قرأتله في المنتدى هو راجل خبير بالعربيات ومش أي حد يحاول يقلده في طريقة السواقة -هذا العمل بواسطة محترفين  وينصح بعدم تقليده في المنازلptmnlo123per169- ... ولو إن بردو يا دكتور نصيحة من أخوك الصغير دايماً نخلي بالنا وربنا يسترها مع الكل ...التعديل الأخير تم بواسطة ESL NSR ; 11-02-2010 الساعة 12:08 PM
|
|
#4
11-02-2010, 12:18 PM
|
||||
|
||||
|
رد: النيوسيراتو سياره جيده جدآ !
بصراحه موضوع جميل جدا احسن حاجه طريقه السرد دى وياريت نقلل من Bajo Fondo دى ومن السجاير برده
|
|
#5
11-02-2010, 12:51 PM
|
||||
|
||||
رد: النيوسيراتو سياره جيده جدآ !
لكن اتصلوا بى بعد يومين ! عمومآ هيه تساهيل ! لكن ده ما يمنعش انك تروح لهم و تكلمهم بحزم ( مش خناقه ) لكن حاول تفهم !
والله يعلم الله قصدى الفائده للجميع فقط والله من وراء القصد ! Dr. Bolbolan ptmnlo123per122
__________________
ليت الشباب يعود يوما فأخبره بما فعل المشيب بى ! ptmnlo123per1127
|
 |
|
|
