|
#1
02-01-2010, 10:13 PM
|
||||
|
||||
اختبار قياده و ملاحظات على النيوسيراتو أول 700كم
أعزائى حسب طلب البعض والعرف المتعارف عليه فى المنتديات اليكم ملاحظاتى و خواطرى عن الكيا نيوسيراتو
من وجهة نظرى المتواضعه و بكل أمانه ! وسأعتبر هذه المشاركه الجزء الآول لآنى سافرت ولم أكمل 700كم فى اسبوعين لظروف كثيره ! وان شاء الله بعد عودتى آخر الشهر نكمل الجزء الثانى مع أو بعد صيانة الآلف ! أول لما استلمت السياره بصراحه كنت و مازلت مبهور بلونها و هو ميتاليك برونز ! و كما ذكرت سابقآ لا هو ميتاليك ولا برونز ! بل هو لون مركب يشبه الزيتونه الخضراء الغامقه المخلله لمده طويله مع لمعه محببه و تتحول الآجزاء المسحوبه من السياره و السوك فى ضوء الشمس الى لون غامق بس نقى ولامع مما يضفى نوع من الرقى للون ككل ! فى طريقى من المعرض الى المنزل لاحظت و ربما أحسست احساس خاطىء أن قائدى السيارات ينظرون لى شذرآ و يحاولون الكسر على بسياراتهم ! و من خوفى منهم و تركيزى فى القياده نسيت أقرأ " قل أعوذ برب الفلق " ! أول شىء كتجربه ل سى دى السياره كان فى المعرض و لله الحمد كان سى دى قرآن تقريبآ لعبد الباسط عبد الصمد ! أحضره لى على سبيل التجربه  " أحمد كار " و نسى ياخده ونسيت أعطيه له وأعتقد انه بركه للسياره لذلكسامحنى يا أحمد ( مش ح تشوفه تانى ) ! مقاسات السياره كانت غريبه على لآنها أعرض و أعلى من الكورولا 97 خاصة أن ما تراه من الكبوت الآمامى لا يمثل عرض السياره الفعلى لآن الرفارف منفخه للخارج شويه ! أيضآ الرؤيه الخلفيه صعبه حتى على واحد مثلى 178 سم يعنى لا طويل ولا قصير ( يعتبر أول الطول الطويل ) بلغة كمال الآجسام التى كنت أمارسها زمااااااان ! و ذلك لآن خلفية السياره مرتفعه و الزجاج الخلفى ليس عريضآ كفايه و كمان فيه 2مسند رأس للكراسى الآماميه و 2 مثلهم للكراسى الخلفيه بيحجبوا الرؤيه الكامله ! أضف على ذلك القايمين الخلفيين عاملين Blind area محترمه ! قلت نبص على مرايات الجنب يمين و شمال وهم ( كهرباء ) ولم أسترح لهم حتى الآن لسببين ! أولهما انى مش متعود أسوق بيهم خالص ! وثانيآ انهم فى السيراتو كبار الحجم وقريبين من وشك أو عينيك وأنا بأحب أشوف الحاجه من بعيد حتى لا أضطر ألوح رقبتى يمين أو شمال ! ركنت العربيه تحت البيت لحين حضور أوراقها لمدة يومين ! و المفاجأه أنها بتلم تراب جامد ! ومش عارف هل عليها طبقه شمعيه أو حاجه هى السبب فى كده ولا ايه ؟ ( لو حد عنده معلومه يقول لى ) ! بس الشهاده لله وللآمانه همه اليومين دول كان فيه عواصف ترابيه جامده جدآ ! كمان لو طرطشت عليها ميه بتنشف وتسيب أثر يدل على وجود الميه فى المكان ده تانى يوم ولا يمسح بالفوطه على الناشف ! لازم فوطه مبلوله ! كفايه كده النهارده ( ويتبع ) ! Dr. Bolbolan ptmnlo123per122
__________________
ليت الشباب يعود يوما  فأخبره بما فعل المشيب بى ! ptmnlo123per1127التعديل الأخير تم بواسطة Dr. Bolbolan ; 02-01-2010 الساعة 10:28 PM 
|
|
#2
02-01-2010, 10:23 PM
|
||||
|
||||
|
رد: اختبار قياده و ملاحظات على النيوسيراتو أول 700كم
شكرا يا دكتور على البداية القوية و فى انتظار المزيد
__________________
 ......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
|
#3
02-01-2010, 10:26 PM
|
|||
|
|||
|
رد: اختبار قياده و ملاحظات على النيوسيراتو أول 700كم
شكرا ...يا دكتور ...ومبروك تاني ....وربنا يكتبلك في كل خطوه سلامه ويبعدك عن المكروباصات
|
|
#4
03-01-2010, 12:27 AM
|
||||
|
||||
|
رد: اختبار قياده و ملاحظات على النيوسيراتو أول 700كم
الف مبروك يادكتور وربنا يحرس العروسة ويبارك فيها ويبعد عنها عنين الوحشين اللى للسيراتو باصيين ومش عارفيين اننا فيها شائينين ووبقول للتراب يتلم شوية العربية مدفوع فيها فوق الميه وربنا ينور بصيرتك من كل العوائق (مساند رفارف وكبوت) ويارب يحريهالك
|
|
#5
03-01-2010, 12:34 AM
|
||||
|
||||
|
رد: اختبار قياده و ملاحظات على النيوسيراتو أول 700كم
الف مبروك يا دكتور على السياره الجديده وربنا يباركلك فيها ويحرصهالك من الغشماء
|
 |
| الكلمات الدليلية |
| سيراتو |
|
|
